AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

ବଲାଙ୍ଗୀର ଗସ୍ତରେ ମହାମହିମ ରାଜ୍ୟପାଳ, ସର୍କିଟ ହାଉସରେ ଜିଲ୍ଲା ପ୍ରଶାସନ ସହ କଲେ ଆଲୋଚନା, ଉଡାନ ମିଟ୍‌ର କଲେ ଉଦଘାଟନ

28/12/2022 at 6:12 PM

ବଲାଙ୍ଗୀର, ୨୮/୧୨: ମାନ୍ୟବର ରାଜ୍ୟପାଳ ପ୍ରଫେସର ବୁଧବାର ବଲାଙ୍ଗୀର ଗସ୍ତ କରିଛନ୍ତି। ଏହି ଅବସରରେ ମହାମହିମ ରାଜ୍ୟପାଳ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିଲେ। ଓଡ଼ିଶା ରାଜ୍ୟପାଳ ସକାଳ ୧୧ ଟା ୪୦ ମିନିଟରେ ବଲାଙ୍ଗୀର ସର୍କିଟ ହାଉସ ପହଞ୍ଚି ସେଠାରେ ଜିଲ୍ଲାପାଳ ଓ ପ୍ରାଶାସନିକ ଅଧିକାରୀ ମାନଙ୍କ ସହ ଆଲୋଚନା କରିଥିଲେ I ସେଠାରୁ ବଲାଙ୍ଗୀର ରୋଟାରୀ ଇଲାଇଟ କ୍ଲବ ପକ୍ଷରୁ ଟାଉନ ବାଳକ ହାଇସ୍କୁଲ ପଡିଆ ଠାରେ ଅନୁଷ୍ଠିତ ଉଡାନ୍-2022ରେ ମୁଖ୍ୟଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ I

ଝିଅ ମାନଙ୍କ ଶିକ୍ଷା ଓ ସମାଜରେ ସେମାନଙ୍କୁ ଶିକ୍ଷିତ କରିବା ନେଇ ଆଧାରିତ ଉଡାନ୍ ମିଟ୍‌ କାର୍ଯ୍ୟକ୍ରମରେ ଯୋଗଦେଇ ଖୁସି ପ୍ରକାଶ କରିବା ସହ ଜଗନ୍ନାଥ ସ୍ଵାମୀ ନୟନ ପଥ ଗାମୀ କହି ନିଜ ଅଭିଭାଷଣ ଆରମ୍ଭ କରିଥିଲେ ମହାମହିମ ରାଜ୍ୟପାଳ I ସେବା ହିଁ ପରମ ଧର୍ମ, ବିନା ସ୍ୱାର୍ଥରେ ଯିଏ ସେବା ପ୍ରଦାନ କରୁଛି ତାଙ୍କ ସହ କିଏ ସମାନ ହୋଇପାରିବ ନାହିଁ I ରୋଟାରୀ କ୍ଲବ ଇଲାଇଟ ପକ୍ଷରୁ ହାତକୁ ନିଆଯାଇଥିବା ଉଡାନ କାର୍ଯ୍ୟକ୍ରମକୁ ପ୍ରସଂଶା କରିଥିଲେ I

ସେହିପରି କାର୍ଯ୍ୟକ୍ରମରେ ବଲାଙ୍ଗୀର ବିଧାୟକ ନରସିଂହ ମିଶ୍ର, ଜିଲ୍ଲପାଳ ଚଞ୍ଚଳ ରାଣା, ବିଶିଷ୍ଟ ଶିକ୍ଷାବିତ୍ ପ୍ରଫେସର ମଧୁସୂଦନ ପତି, ରୋଟାରୀ କ୍ଲବ ଇଲାଇଟର ସଭାପତି ରିଙ୍କୁ ପାତ୍ର ଓ ସମ୍ପାଦକ ମମତା ପରମାର ମଞ୍ଚାସୀନ ହୋଇଥିଲେ I ଜିଲ୍ଲାର ବିଭିନ୍ନ ସ୍କୁଲର ଛାତ୍ରୀ, ମାନ୍ୟଗଣ୍ୟ ବ୍ୟକ୍ତି ଓ ରୋଟାରୀ ପରିବାରର ସଦସ୍ୟ ମାନେ ଉପସ୍ଥିତ ରହିଥିଲେ I ରାଜ୍ୟପାଳଙ୍କ ଗସ୍ତ ନେଇ ବଲାଙ୍ଗୀର ସହରରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଥିଲା I ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିଲା I ବଲାଙ୍ଗୀର କାର୍ଯ୍ୟକ୍ରମ ସାରି ସୋନପୁର ଜିଲ୍ଲା ଗସ୍ତ କରିଛନ୍ତି I ସେଠାରେ ମଧ୍ୟ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ।

   Related Posts