ସୁପ୍ରିମ କୋର୍ଟଙ୍କ ନିର୍ଦେଶ ଅନୁସାରେ କେଜି ବୋପାୟାଙ୍କୁ କର୍ଣ୍ଣାଟକ ରାଜ୍ୟପାଳ ପ୍ରୋଟେମ ବାଚସ୍ପତି ଭାବେ ନିଯୁକ୍ତ କରିଛନ୍ତି । ବୋପାୟା ଭାରତୀୟ ଜନତା ପାର୍ଟିର ବରିଷ୍ଠ ନେତା । ସେ ଏଥି ପୂର୍ବରୁ ତିନିଥର ବିଧାୟକ ହୋଇସାରିଛନ୍ତି । ତେବେ ବୋପାୟାଙ୍କ ନିଯୁକ୍ତିକୁ ନେଇ କଂଗ୍ରେସ ଅସନ୍ତୋଷ ପ୍ରକାଶ କରିଛି । ପରମ୍ପରା ଅନୁସାରେ ବିଧାନସଭାର ଜଣେ ବୟୋଜ୍ୟେଷ୍ଠ ବିଧାୟକଙ୍କୁ ପ୍ରୋଟେମ ବାଚସ୍ପତି ଭାବେ ନିଯୁକ୍ତ କରାଯାଇଥାଏ ବୋଲି କଂଗ୍ରେସ କହିଛି । ପ୍ରୋଟେମ ବାଚସ୍ପତି ନିଯୁକ୍ତି କ୍ଷେତ୍ରରେ ମଧ୍ୟ ବିଜେପି ପରମ୍ପରା ଭଙ୍ଗ କରିଛି ବୋଲି ଅଭିଯୋଗ କରି ଏନେଇ ସୁପ୍ରିମ କୋର୍ଟରେ ଫେରାଦ ହେବାପାଇଁ ଯୋଜନା କରୁଛି । ସୂଚନା ଯୋଗ୍ୟ ଯେ, ସର୍ବୋଚ୍ଚ ନ୍ୟାୟାଳୟଙ୍କ ନିର୍ଦେଶ ଅନୁସାରେ ଆସନ୍ତା କାଲି କର୍ଣ୍ଣାଟକ ବିଧାନସଦନରେ ବି.ଏସ୍ ୟେଦୁରପ୍ପା ତାଙ୍କ ସପକ୍ଷରେ ସ୍ପଷ୍ଟ ବହୁମତ ସାବ୍ୟସ୍ତ କରିବେ । ସେଥିପାଇଁ ପ୍ରଥମେ ବିଧାୟକମାନଙ୍କ ଶପଥ ପାଠ କରାଇବା ସହ ଆସ୍ଥା ଭୋଟ ପରିଚାଳନା ପାଇଁ ପ୍ରୋଟେମ ବାଚସ୍ପତିଙ୍କ ଆବଶ୍ୟକତା ରହିଛି।