ରାୟଗଡ଼। ସହରର ମାଙ୍କଡଝୋଲା ଏବଂ ଶେଷଖାଲ ଥାନା ଅନ୍ତର୍ଗତ ଜେମାଦେଇପେଣ୍ଠ ଗ୍ରାମରେ ଦୁଇ ଜଣ ବ୍ୟକ୍ତିଙ୍କୁ ହୋଇଛି ନିସ୍ତୁକ ମାଡ। ମାଡ ଖାଇଥିବା ଲୋକଙ୍କ ପରିଚୟ ମିଳିପାରିନାହିଁ। ସେମାନେ ଉତ୍ତରପ୍ରଦେଶ ଓ ବିହାର ରାଜ୍ୟର ବୋଲି ସନ୍ଦେହ କରାଯାଉଛି। ଆଜି ଜେମାଦେଇପେଣ୍ଠ ଠାରେ ପ୍ରଥମେ ଓ ମାଙ୍କଡଝୋଲାଠାରେ ଦ୍ବିତୀୟ ଘଟଣା ନଜରକୁ ଆସିଛି। ଜେମାଦେଇପେଣ୍ଠଠାରେ ଲୋକେ ମାଡ ମାରିବାପରେ ପଞ୍ଚାୟତ କାର୍ଯ୍ୟାଳୟରେ ଉକ୍ତ ବ୍ୟକ୍ତକୁ ବାନ୍ଧି ରଖିଥିଲେ। ପୁଲିସ ପହଞ୍ଚି ଉଦ୍ଧାର କରିଥିଲା। ମାଙ୍କଡଝୋଲାରେ ମଧ୍ୟ ଲୋକେ ମାଡ ମାରିବାପରେ ହାତଗୋଡ ବାନ୍ଧି ଦେଇଥିଲେ। ପୁଲିସ ପହଞ୍ଚି ଉଦ୍ଧାର କରିଥିଲା। ଉଭୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାପରେ ରାୟଗଡା ଥାନାରେ ରଖି ପୁଲିସ ଅନୁସନ୍ଧାନ କରୁଛି। ହଲେ କୌଣସି ବ୍ୟକ୍ତିଙ୍କ ଅଭିଯୋଗ ମିଳିନାହିଁ। ମୋବାଇଲ ହ୍ବାଟ୍ସ ଆପ ଓ ଫେସବୁକରେ ଆନ୍ଧ୍ରପ୍ରଦେଶରେ ଏହିଭଳି ଘଟଣା ଗତକାଲିଠାରୁ ଘୁରି ବୁଲିବାପରେ ଆଜି ରାୟଗଡାରେ ଏହାର ପ୍ରଭାବ ନଜରକୁ ଆସିଛି। ମାଡ ଖାଇଥିବା ଦୁଇଜଣ ଅବସ୍ଥା ଗୁରୁତର ଥିବାରୁ କୌଣସି ସୂଚନା ସେମାନଙ୍କଠାରୁ ପୁଲିସକୁ ମିଳିପାରୁନାହିଁ। ତବେ ଚିକିତ୍ସାଳୟରେ ଏମାନଙ୍କୁ ଦେଖିବାପାଇଁ ପ୍ରବଳ ଭିଡ ଜମିଥିଲା। ଯାହାକି ପୁଲିସକୁ ନାକେଦମ ହେବାକୁ ପଡିଥିଲା। ଆଉ ଏହା ପ୍ରଚାର ହେବାପରେ ଲୋକଙ୍କ ମଧ୍ୟରେ ଭୟ ଖେଳିଯାଇଛି।