oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଓଡିଶା ଗ୍ରାମ୍ୟବ୍ୟାଙ୍କର ମ୍ୟାନେଜର ମୃତ, ଗୁରୁତର ଡାକ୍ତରଖାନାରେ ଭର୍ତ୍ତି
  • ||
  • ଭଦ୍ରକ ଜିଲ୍ଲାପାଳ କାର୍ଯ୍ୟାଳୟରୁ ସୂଚନା, ଧାମନଗର ଉପନିର୍ବାଚନ ପାଇଁ ଲାଗୁ ହେଲା ଆଦର୍ଶ ଆଚରଣ ବିଧି
  • ||
  • ଅଗ୍ନିଶ୍ଵର ମନ୍ଦିର ଉପରେ ଚଢ଼ିଗଲେ ପୂଜକ, ସିଂହଦ୍ୱାର ଥାନାରେ ଅଟକ ରଖିଲା ପୋଲିସ୍‌
  • ||
  • ଅରୁଣାଚଳ ପ୍ରଦେଶ: ତଓ୍ୱାଙ୍ଗରେ ସେନା ହେଲିକପ୍ଟର କ୍ରାସ୍, ପାଇଲଟଙ୍କ ମୃତ୍ୟୁ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୮ କୋଭିଡ୍ ପଜିଟିଭ୍
  • ||
  • ବୌଦ୍ଧ : ଲୁଗା ଶୁଖାଇବା ହେଲା କାଳ, ବିଦ୍ୟୁତ ଆଘାତରେ ଚାଲିଗଲା ତିନିଜଣଙ୍କ ଜୀବନ
  • ||
  • ଲଘୁଚାପ ପ୍ରଭାବରେ ଭିଜୁଛି ସାରା ରାଜ୍ୟ, ଭଦ୍ରକରେ ରେକର୍ଡ ସଂଖ୍ୟକ ବର୍ଷା
  • ||
  • ବାରାମୁଲ୍ଲାରେ ଶୋପିଆନ୍‌ରେ ଏନକାଉଣ୍ଟର: ୩ ଆତଙ୍କବାଦୀ ନିପାତ, ମୁଲୁରେ କମ୍ୱିଂ ଜାରି
  • ||

ଡେଡଲାଇନ ପରେ ଡେଡ୍ ଲାଇନ ସରିଲା, ହେଲେ କର୍ଣ୍ଣାଟକ ରାଜନୈତିକ ସଂଙ୍କଟ ଟଳିଲାନି

19/07/2019 at 7:26 PM

ବେଙ୍ଗାଳୁରୁ୧୯|୭: ଡେଡଲାଇନ ପରେ ଡେଡ୍ ଲାଇନ ସରିଲା ହେଲେ କର୍ଣ୍ଣାଟକରେ ସଂଙ୍କଟର ଟଳିଲାନି ।ପ୍ରଥମେ ସାଢ଼େ ଗୋଟାଏ ସୁଦ୍ଧା ଗୃହରେ ଆସ୍ଥା ଭୋଟ୍ ସାରିବାକୁ ନିର୍ଦ୍ଦେଶ ଦେଇଥିଲେ ରାଜ୍ୟପାଳ । ପରେ ସଂଧ୍ୟା ୬ଟା ସୁଦ୍ଧା ଆସ୍ଥାଭୋଟ୍ ସାରିବାକୁ ନିର୍ଦ୍ଦେଶ, ଦେଇଛନ୍ତି । ସେପଟେ ଗତରାତିରୁ ଆଜି ଦିନ ତମାମ ଦେଖିବାକୁ ମିଳିଥିଲା ଅନେକ ନାଟକବାଜି ।…

ସଞ୍ଜବୁଡ଼ି ପାହିଲା ରାତି  । ରାତି କଟିଲା ବିଧାନସଭାରେ । ଦିନ ତମାମ କର୍ଣ୍ଣାଟକ ବିଧାନସଭାରେ ଦେଖିବାକୁ ମିଳିଥିଲା ନାଟକବାଜୀ ।… ବାଚସ୍ପତି ଗତକାଲି ଆସ୍ଥା ଭୋଟ୍ ନକରି ବିଧାନସଭାକୁ ସ୍ଥଗିତ କରିଦେବା ପରେ ପ୍ରତିବାଦରେ ସାରା ରାତି ବିଜେପି ବିଧାୟକମାନେ ଗୃହରେ ଶୋଇ ରହିଥିଲେ ।

କିଏ ଚଦର ପକାଇ ଶୋଇଲା ତ ଆଉ କିଏ ସୋଫାରେ ଘୁମେଇଲା ।… ଏପଟେ ବିଳମ୍ବିତ ରାତିରେ ରାଜ୍ୟପାଳ ବାଜୁ ଭାଇ ବାଲା ମୁଖ୍ୟମନ୍ତ୍ରୀ ଏଚଡି କୁମାର ସ୍ବାମୀଙ୍କୁ ଚିଠି ଲେଖି ଜଣାଇଲେ ଦିନ ସାଢ଼େ ଗୋଟାଏ ସୁଦ୍ଧା ଆସ୍ଥାଭୋଟ୍ କରିବା ପାଇଁ । …

ସାରା ରାତି ବିଧାନସଭାରେ କଟାଇବା ପରେ ସକାଳୁ ସକାଳୁ କିଛି ବିଧାୟକ ବାହାରିଥିଲେ ମଣିଂୱାକରେ । ଏପଟେ ବିଜେପି ବିଧାୟକଙ୍କ ପାଇଁ ହାତରେ ଜଳଖିଆ ଧରି ପହଞ୍ଚିଥିଲେ ଉପମୁଖ୍ୟମନ୍ତ୍ରୀ ଜି. ପରମେଶ୍ବର ରାଓ । ଏପରି କି ଡାଇବେଟିକ୍ ମାନଙ୍କ ପାଇଁ ସ୍ବତନ୍ତ୍ର ନାସ୍ତା ବି ନେଇଥିଲେ । ବିଧାନସଭା ଭିତରେ ହିଁ ବିଜେପି ବିଧାୟକମାନେ ବ୍ରେକଫାଷ୍ଟ କରିଥିଲେ ।…

ସେପଟେ ୟେଦ୍ୟୁରପ୍ପାଙ୍କୁ ମୁଖ୍ୟମନ୍ତ୍ରୀ ଆସନରେ ଦେଖିବା ପାଇଁ ହଜାରେ ଏକ ପାହାଚ ଚଢ଼ି ଚାମୁଣ୍ଡେଶ୍ବରୀ ମନ୍ଦିରରେ ପହଞ୍ଚି ପୂଜାର୍ଚ୍ଚନା କରିଥିଲେ ବିଜେପି ବିଧାୟକ ଶୋଭା କରଂଦଲଜେ । ସେହିପରି ମୁଖ୍ୟମନ୍ତ୍ରୀଙ୍କ ଭାଇ ରେବନ୍ନା ଆଜି ହାତରେ ଲେମ୍ବୁ ଧରି ପହଞ୍ଚିଥିଲେ ବିଧାନସଭାରେ।..

ଦିନ ୧୧ଟାରେ ଗୃହକାର୍ଯ୍ୟ ଆରମ୍ଭ ହେବା ସହିତ ମୁଖ୍ୟମନ୍ତ୍ରୀ କୁମାର ସ୍ବାମୀ  ପ୍ରଥମେ ବିତର୍କ ଶେଷ କରିବାକୁ ବିଜେପିକୁ ଆହ୍ବାନ ଦେଇଥିଲେ । ବିଶ୍ବାସ  ପ୍ରସ୍ତାବରେ ଉତ୍ତର ରଖି କୁମାରସ୍ବାମୀ କହିଥିଲେ  ଅଙ୍କରେ ତାଙ୍କ ସରକାର ପଛେଇ ଯାଇଛି, ବିଜେପି ଆଗକୁ ସରକାର ବନାଇ ପାରିବ।  ତେବେ ବିଜେପି ଏତେ  ତରତର କାହିଁକି ହେଉଛି ବୋଲି ସେ ତାତ୍ସଲ୍ୟ କରିଥିଲେ ।

ଗୃହରେ ଆଲୋଚନା ଚାଲିଥିବା ବେଳେ ରାଜ୍ୟପାଳଙ୍କ ଡେଡ୍ ଲାଇନ୍ ଏଣ୍ଡ ହୋଇଯାଇଥିଲା, ସାଢ଼େ ଗୋଟାଏ ବାଜିଥିଲା, ହେଲେ ଆସ୍ଥା ଭୋଟ୍ ହୋଇପାରିଲାନି । ପରେ ଗୃହକୁ ଦିନ ତିନିଟା ପର୍ଯ୍ୟନ୍ତ ମୁଲତବୀ କରିଥିଲେ ବାଚସ୍ପତି । ଏଥିସହ ବାଚସ୍ପତି କହିଥିଲେ, ବିତର୍କ ସମ୍ପୂର୍ଣ୍ଣ ନହେବା ପର୍ଯ୍ୟନ୍ତ ସେ ଆସ୍ଥାଭୋଟ୍ କରିପାରିବେ ନାହିଁ ।…

ଏବେ ବି ବିଧାନସଭା ବାହାରେ ୨୦ ବିଧାୟକ । ତେଣୁ ବିତର୍କ ଶେଷ ହେବାକୁ ପ୍ରାୟ ସୋମବାର ହୋଇଯିବ । ତାପୂର୍ବରୁ ଆସ୍ଥାଭୋଟ୍ ହୋଇପାରିବ ନାହିଁ ବୋଲି କହିଛନ୍ତି କଂଗ୍ରେସ ନେତା ସିଦ୍ଧରମେୟା। ସେପଟେ ବିଜେପି ପକ୍ଷରୁ ୫ କୋଟି ଟଙ୍କାର ଲାଞ୍ଚ ଯଚା ଯାଇଥିବାର ଅଭିଯୋଗ ଆଣିଥିଲେ ଜେଡିଏସ ବିଧାୟକ ଶ୍ରୀନିବାସ ଗୌଡ଼ା । ସେହିପରି ବିଦ୍ରୋହୀ ବିଧାୟକଙ୍କ ପ୍ରସଙ୍ଗରେ ଆଜି ସୁପ୍ରିମକୋର୍ଟ ଯାଇଛି କଂଗ୍ରେସ…

କର୍ଣ୍ଣାଟକରେ ଏହି ନାଟକବାଜୀର ଅନ୍ତ କରିବା ପାଇଁ ସଂଧ୍ୟା ୬ଟା ସୁଦ୍ଧା ବହୁମତ ସାବ୍ୟସ୍ତ କରିବା ପାଇଁ ପୁଣିଥରେ ମୁଖ୍ୟମନ୍ତ୍ରୀଙ୍କ ଚିଠି ଲେଖିଥିଲେ ରାଜ୍ୟପାଳ । କିନ୍ତୁ କର୍ଣ୍ଣାଟକର ଲୁଚକାଳି ଲମ୍ବିଲମ୍ବି ଚାଲିଛି।

   Related Posts