ଓ୍ବାଶିଂଟନ: ସନ୍ଦିଗ୍ଧ ବେଲୁନ୍‌କୁ ନଷ୍ଟି କଲା ଆମେରିକା । ମୋଣ୍ଟାନା ଆକାଶରେ ଉଡୁଥିବା ଚୀନର ଗୁଇନ୍ଦା ବେଲୁନ୍‌କୁ ଆଟାଲାଣ୍ଟିକ୍ ମହାସାଗରରେ ମାରି ଖସାଇଛି ଆମେରିକା । ଏସୋସିଏଟେଡ୍ ପ୍ରେସ୍‌ର ରିପୋର୍ଟ ଅନୁଯାୟୀ, ଶନିବାର ଉତ୍ତର ଆମେରିକାର ସମ୍ବେଦନଶୀଳ ସୈନ୍ୟ ସ୍ଥଳ ପାର୍ କରିବା ପରେ ସନ୍ଦିଗ୍ଧ ବେଲୁନକୁ କୈରୋଲିନା ଉପକୂଳବର୍ତ୍ତୀ ଅଞ୍ଚଳରେ ସମୁଦ୍ରରେ ମାରି ଖସାଇ ଦିଆଯାଇଛି । ଆମେରିକା ସୁରକ୍ଷା ଏଜେନ୍ସି ଯାଞ୍ଚ ପାଇଁ ବେଲୁନ୍‌ର ଧ୍ବଂସାବଶେଷ ସଂଗ୍ରହ କରୁଛି ।

ଶନିବାର ଚୀନର ଗୁଇନ୍ଦା ବେଲୁନ ଉତ୍ତର ପଶ୍ଚିମ ସହର ମୋଣ୍ଟାନାରେ ଦେଖାଯାଇଥିଲା । ଆମେରିକା ଉପରରେ ନଜର ରଖିବାକୁ ଚୀନ୍ ଷଡ଼ଯନ୍ତ୍ର କରି ଏଭଳି ବେଲୁନ ଛାଡ଼ିଥିବା ନଓ୍ବପେଣ୍ଟାଗନ ଦାବି କରିଛି । ଚୀନର ସନ୍ଦିଗ୍ଧ ବେଲୁନ ଜନବସତି ଅଞ୍ଚଳର ଏୟାର ଟ୍ରାଫିକ ଉପରେ ଏବଂ ବାହ୍ୟ ବାୟୁ ମାର୍ଗ ତଳଭାଗରେ ଉଡ଼ୁଥିବା ଦେଖିବାକୁ ମିଳିଥିଲା । ରାଷ୍ଟ୍ରପତି ଜୋ ବାଇଡେନ୍ ବେଲୁନ୍ ନଷ୍ଟ କରିବାକୁ ମଞ୍ଜୁରୀ ଦେବା ପରେ ଆମେରିକା ସୁରକ୍ଷା ଏଜେନ୍ସି ବେଲୁନକୁ ମାରି ଖସାଇଛି । ଏହି ବେଲୁନର ଆୟତନ ପ୍ରାୟ ୩ଟି ବସ୍‌ର ଆକାର ସହିତ ସମାନ ବୋଲି କୁହାଯାଉଛି ।

ସନ୍ଦିଗ୍ଧ ବେଲୁନ୍‌କୁ ଆମେରିକା ମାରି ଖସାଇବା ପରେ ପ୍ରତିକ୍ରିୟା ରଖିଛି ଚୀନ୍ । ବେଲୁନ୍ ଗତିପଥ ବଦଳାଇ ଆମେରିକା ବାୟୁ ସୀମାକୁ ଚାଲିଯାଇଥିଲା । ଏହାକୁ ନଷ୍ଟ କରିବା ଅର୍ଥ ଅନ୍ତରାଷ୍ଟ୍ରୀୟ ଅଭ୍ୟାସ ନିୟମ ଉଲ୍ଲଙ୍ଘନ କରିବା ସହିତ ସମାନ । ଆମେରିକାକୁ ଏହାର ଫଳ ଭୋଗିବାକୁ ପଡ଼ିବ ବୋଲି ଧମକ ଦେଇଛି ଚୀନ୍ । ସେପଟେ ଚୀନ ବେଲୁନକୁ ଖସାଇବା ପୂର୍ବରୁ ପ୍ରଥମେ ଆମେରିକାର ଫେଡରାଲ୍ ଏବିଏସନ ଆଡମିନିଷ୍ଟ୍ରାସନ ଉତ୍ତର କୈରୋଲିନାର ବିମାମିଙ୍ଗଟନ, ଦକ୍ଷିଣ କୈରୋଲିନାର ଚାଲ୍ସଟନ ଏବଂ ମର୍ଟାଲ ମଧ୍ୟରେ ଗ୍ରାଉଣ୍ଡ ଷ୍ଟାପ୍ ଜାରି ବେଲୁନ୍ ନଷ୍ଟ କରାଯାଇଛି ।

ଆମେରିକାର ବିଦେଶ ମନ୍ତ୍ରୀ ବ୍ଲିଙ୍କେନଙ୍କ ଚୀନ୍ ଗସ୍ତର ଦିନକ ପୂର୍ବରୁ ଗୁଇନ୍ଦା ବେଲୁନ ଦେଖିବାକୁ ମିଳିବା ପରେ ବିବାଦ ଉପୁଜିଥିଲା । ବ୍ଲିଙ୍କେନ ଫେବ୍ରୁଆରୀ ୫ ଓ ୬ରେ ଚୀନ ଗସ୍ତ କରିଥାନ୍ତେ, ହେଲେ ଏହାରକୁ ସ୍ଥଗିତ କରି ଦିଆଯାଇଛି।