ଚାନ୍ଦିନୀଙ୍କ ସହ ରିଲେଶନସିପ୍କୁ ନେଇ କନଫର୍ମ କଲେ ଇଶାନ୍ ! ଭିଡିଓ ଭାଇରାଲ…
23/09/2023 at 2:14 PM
ମୁମ୍ଵାଇ ୨୩।୦୯: ବଲିଉଡ ଅଭିନେତା ସାହିଦ କପୁରଙ୍କ ଭାଇ ଇଶାନ ଖଟ୍ଟର। ତାଙ୍କ ଫିଲ୍ମ କ୍ୟାରିୟର ଏବେ ଦ୍ରୁତ ଗତିରେ ଆଗକୁ ବଢୁଛି। ଇଶାନ ଖୁବ୍ କମ୍ ସମୟ ମଧ୍ୟରେ ‘ଧଡକ’ ଏବଂ ‘କାଳୀ ପିଲି’ ଭଳି ଚଳଚ୍ଚିତ୍ର ଦେଇଛନ୍ତି। ଯାହା ବକ୍ସ ଅଫିସରେ ବହୁତ ଭଲ ବ୍ୟବସାୟ କରି ନଥାଇପାରେ, କିନ୍ତୁ ଏହି ଚଳଚ୍ଚିତ୍ର ଗୁଡିକ ଅଭିନୟ ଦୃଷ୍ଟିରୁ ବହୁ ପ୍ରଶଂସା କରାଯାଇଥିଲା । ସୋସିଆଲ ମିଡିଆରେ ତାଙ୍କର ଏକ ଭିଡିଓ ଭାଇରାଲ ହେବାରେ ଲାଗିଛି । ଯାହା ପରେ ଅଭିନେତା ପୁଣି ଥରେ ଲାଇମ୍ ଲାଇଟ୍କୁ ଆସିଛନ୍ତି ।
ଇଶାନ ଚାନ୍ଦନୀଙ୍କ ସହ ତାଙ୍କ ସମ୍ପର୍କକୁ ନିଶ୍ଚିତ କରିଛନ୍ତି କି?
ଅନନ୍ୟା ପାଣ୍ଡେଙ୍କ ସହ ବ୍ରେକଅପ୍ ହେବା ପରେ ଇଶାନଙ୍କ ନାମ ମାଲେସିଆର ମଡେଲ ଚାନ୍ଦନି ବେଞ୍ଜଙ୍କ ସହ ଯୋଡା ହୋଇଥିଲା। ହେଲେ ଦୁହେଁ ଏହି ଖବର ଉପରେ ଚୁପ୍ ରହିଛନ୍ତି । ହେଲେ ସେମାନଙ୍କର ଘନିଷ୍ଠତା ଖବର ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ବର୍ତ୍ତମାନ ଇଶାନ ଏବଂ ଚାନ୍ଦନୀ ହାତ ଧରିଥିବାର ଏକାଠି ନଜର ଆସିଥିଲେ।
ଶୁକ୍ରବାର ରାତିରେ ଏକ ପାର୍ଟିରେ ପରେ ଇଶାନ ଏବଂ ଚାନ୍ଦନୀଙ୍କୁ ଏକାଠି ଦେଖିବାକୁ ମିଳିଥିଲା। ଦୁହେଁ ପରସ୍ପରର ହାତ ଧରିଥିଲେ ଏବଂ ଇଶାନ କ୍ୟାମେରା ଆଗରେ ଆଦୌ ଅସହଜ ନଥିଲେ। ଇଶାନ ଖଟ୍ଟରଙ୍କ ସହ ତାଙ୍କ ଭାଇ ସାହିଦ କପୁର ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। ଇଭେଣ୍ଟ ଛାଡିବା ପୂର୍ବରୁ, ଇଶାନ ସେଠାରେ ତାଙ୍କର କିଛି ପ୍ରଶଂସକଙ୍କୁ ଭେଟିଥିଲେ ଏବଂ ସେମାନଙ୍କ ସହିତ ଫଟୋ ମଧ୍ୟ କ୍ଲିକ୍ କରିଥିଲେ ।
Related Posts
