କୋରାପୁଟ ବୋରିଗୁମ୍ମା ଜୟନ୍ତଗିରି ଓ ଜାମୁଣ୍ଡା ଅଞ୍ଚଳରୁ ବିପୁଳ ପରିମାଣର ବିସ୍ଫୋରକ ଜବତ ହୋଇଛି ।ଜବତ ବିସ୍ଫୋରକ ମଧ୍ୟରେ ରହିଛି ୨୬ ପେକେଟ ଇଲେକଟ୍ରୋନିକ୍ ଡିଟୋନେଟର , ୪୨୨ ପ୍ୟାକେଟ୍ ନନ୍ ଇଲେକଟ୍ରୋନିକ ଡିଟୋନେଟର, ୩ ବଣ୍ଡଲ କଡେକ୍ସ ଫାୟାର, ୭୩ କେଜି ଆୋମନିୟମ ନାଇଟ୍ରେଟ୍ , ୩୮ ବଣ୍ଡଲ ସେପ୍ଟିପିଉର ଭଲି ବିସ୍ଫୋରକ । ସେହିଭଳି ଗୋଟିଏ ହୋଣ୍ଡା ସାଇନ୍ ବାଇକ୍, ଜବତ ହୋଇଥିବା ବେଳେ ତିନିଜଣଙ୍କୁ ଗିରଫ କରାଯାଇଛି । ଗିରଫମାନେ ହେଲେ ଆର.ନାଗେନ୍ଦ୍ର ରାଓ, ସୁବାସ ଚନ୍ଦ୍ର ସାହୁ, ଶିବରାମ ପାଣିଗ୍ରାହୀ । ବେଆଇନ ପଥର ବ୍ଲାଷ୍ଟି ପାଇଁ ଏହିସବୁ ବିସ୍ଫୋରକ ସାମଗ୍ରୀ ବ୍ୟବହାର ହେବାକୁ ଥିଲା । କୌଣସି ସୁତ୍ରରୁ ଖବର ପାଇ ବୋରିଗୁମ୍ମା ଉପଖଣ୍ଡ ପୋଲିସ ଆରକ୍ଷୀ ଅଧିକ୍ଷକ ହରେକୃଷ୍ଟ ମାଝୀ ଏବଂ ବୋରିଗୁମ୍ମା ଥାନା ତାଲିମ କାଳୀନ ଭାରପ୍ରାପ୍ତ ଅଧିକାରୀ ସାଗରିକ ନାଥ ଗତକାଲି ରାତିରେ ଚଢାଉ କରି ଏହିସବୁ ସାମଗ୍ରୀ ଜୀବତ କରିଛନ୍ତି । ବୈପାରୀଗୁଡା, ଲମତାପୁଟ ଆଦି ଅଞ୍ଚଳରେ ବେନିୟମ ଭାବେ ପଥର ବ୍ଲାଷ୍ଟି, ବିସ୍ଫୋରକ ଦ୍ରବ୍ୟ କାରବାର ସହ ନିଶା କାରବାର ଅବାଧରେ ଚାଲିଛି । କିଛି ପୋଲିସ କର୍ମଚାରୀଙ୍କ ଛତ୍ରଛାୟା ତଳେ ରହି ଏଭଳି ବେଆଇନ୍ କାରବାର ଚାଲିଥିବା ଅଭିଯୋଗ ହେବା ପରେ ଏହି ଚଢାଉ କରାଯାଇଛି ।ଆଗକୁ ମଧ୍ୟ ଏଭଳି ଚଢାଉ ଜାରି ରହିବ ବୋଲି ଆଇପିଏସ୍ ଅଧିକାରୀ ସାଗରିକା ନାଥ କହିଛନ୍ତି ।