scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କାଶ୍ମୀର ଫାଇଲ୍ସ ଟିପ୍ପଣୀରୁ ନିଜକୁ ଦୂରେଇ ନେଲା ଜୁରୀ ବୋର୍ଡ, ସଦସ୍ୟ କହିଲେ ଏହା ନଦାବଙ୍କ ନିଜସ୍ବ ମନ୍ତବ୍ୟ

29/11/2022 at 12:19 PM

ମୁମ୍ବାଇ: ଇଣ୍ଟର ନ୍ୟାସନାଲ ଫିଲ୍ମ ଫେଷ୍ଟିଭାଲରେ ବଲିଉଡ ଫିଲ୍ମ କାଶ୍ମୀର ଫାଇଲ୍ସକୁ ନେଇ ନାଦବ ଲାପିଡ୍ ଦେଇଥିବା ଟିପ୍ପଣୀ ଉପରେ ଜୁରୀ ବୋର୍ଡ ମୁହଁ ଖୋଲିଛି । ନାଦବଙ୍କ ଏହା ନିଜସ୍ବ ମନ୍ତବ୍ୟ ବୋଲି ଜୁରୀ ସଦସ୍ୟ କହିଛନ୍ତି । ବୋର୍ଡ ତାଙ୍କ ବିଚାର ଉପରେ ସହମତି ପ୍ରକାଶ କରୁନାହିଁ । ନାଦବ କାଶ୍ମୀର ଫାଇଲ୍ସକୁ ଅଶ୍ଳୀଳ ଓ ଏକ ସମ୍ପ୍ରଦାୟ ଉପରେ ଆଧାରିତ ବୋଲି କହିଥିଲେ । ତେବେ ଏହି ବୟାନ ପରେ ସବୁଠି ଆଲୋଚନାର ସ୍ବିକାର ହୋଇଛନ୍ତି ।

ଗୋଆରେ ଚାଲିଥିବା ୫୩ତମ ଅନ୍ତରାଷ୍ଟ୍ରୀୟ ଫିଲ୍ମ ଫେଷ୍ଟିଭାଲରେ ବିଭିନ୍ନ ଦେଶର ଚଳଚ୍ଚିତ୍ର ସ୍କ୍ରିନିଂ ହୋଇଥିଲା । ଏଥିରେ ଦି କାଶ୍ମୀର ଫାଇଲ୍ସକୁ ଜୁରୀ ବୋର୍ଡ ସ୍କ୍ରିନିଂ କରିଥିଲେ । ଏହାକୁ ନେଇ ନାଦବ ଲାପିଡ୍ ନିନ୍ଦା କରିଥିଲେ । କାଶ୍ମୀର ଫାଇଲ୍ସରେ ଅଶ୍ଳୀଳତା ଭରି ରହିଛି । ଏହା ପ୍ରୋପାଗଣ୍ଡାକୁ ନେଇ ଏକ କାଳ୍ପନିକ ଷ୍ଟୋରୀ, ଏଥିରେ ଆପତ୍ତିଜନକ ସଟ୍ ରହିଛି । କିପରି ଏହି ଫିଲ୍ମକୁ ଜାତୀୟ ପୁରଷ୍କାର ମିଳିଲା ବୋଲି ସେ ପ୍ରଶ୍ନ କରିଥିଲେ । ଏତେ ବଡ଼ ଫିଲ୍ମ ଫେଷ୍ଟିଭାଲରେ ସ୍କ୍ରିନିଂ ପାଇଁ ଏହି ଚଳଚ୍ଚିତ୍ର ଉପଯୁକ୍ତ ନୁହେଁ ବୋଲି ଇଜ୍ରାଏଲ ଫିଲ୍ମ ମେକର ନଦବ ଲାପିଡ୍ କହିଥିଲେ ।

କାଶ୍ମୀର ଘାଟିରେ ୯୦ଦଶକର ଘଟଣା ହେଉଛି ହୋଇଛି ଫିଲ୍ମ କାଶ୍ମୀର ଫାଇଲ୍ସ । ବିବେକ ଅଗ୍ନିହୋତ୍ରି ଏହି ଫିଲ୍ମର ନିର୍ଦ୍ଦେଶନା ଦେଇଥିଲେ । କାଶ୍ମୀର ପଣ୍ଡିତଙ୍କ ଉପରେ ଅତ୍ୟାଚାର ଓ ଉଗ୍ରବାଦକୁ ନେଇ ଫିଲ୍ମ ଆଧାରିତ। ଏହି ଫିଲ୍ମ ବକ୍ସ ଅଫିସ୍ କଲେକ୍ସନରେ ରେକର୍ଡ ସୃଷ୍ଟି କରିଥିଲା ।

ଦି କାଶ୍ମୀର ଫାଇଲ୍ସ ଟିପ୍ପଣୀକୁ ନେଇ ନଦାବଙ୍କୁ ସମାଲୋଚନା ପରେ ଫିଲ୍ମ ଫେଷ୍ଟିଭାଲର ଜୁରୀ ବୋର୍ଡ ଏଥିରୁ ନିଜକୁ ଦୂରେଇ ରଖିଛନ୍ତି । ଏହା ତାଙ୍କ ନିଜସ୍ବ ମନ୍ତବ୍ୟ ବୋଲି ବୋର୍ଡ ସଦସ୍ୟ କହିଛନ୍ତି ।

   Related Posts