ପ୍ରାୟ୧୦ ବର୍ଷରୁ ଉର୍ଦ୍ଧ ସମୟ ଧରି କଟକ ରକ୍ସିଲେନର ବାସିନ୍ଦା ମାନେ ଏକ ଅସ୍ବାସ୍ଥକର ପରିବେଶ ଭିତରେ କାଳାତିପାତ କରୁଛନ୍ତି।କାରଣ ରକ୍ସିଲେନ୍ ଭିତରେ ଥିବା ମୁଖ୍ୟ ଡ୍ରେନ ଦେଇ ପାଣି ନିଷ୍କାସିତ ହୋଇପାରୁନାହିଁ। ଅବସ୍ଥା ଏମିତିଯେ, ନର୍ଦ୍ଦମା ପାଣି ଲୋକଙ୍କ ଘରେ ମଧ୍ୟ ପସୁଛି। ତେବେ ମହାନଗର ମିଗମ ଏନେଇ ସେଭଳି କିଛି ପଦକ୍ଷେପ ନେଇନାହିଁ। ତେବେ ମାମଲା ଯାଇ ଜିଲ୍ଲାପାଳଙ୍କ ପାଖରେ ପହଞ୍ଚିବାପରେ ଆଜି ସ୍ଥାନୀୟ ବାସିନ୍ଦାଙ୍କ ହାଲ ବୁଝିବାଲାଗି କ୍ଷେତ୍ର ଉପରକୁ ଆସିଛନ୍ତି କଟକ ଜିଲ୍ଲାପାଳ। କ୍ଷେତ୍ର ପରିଦର୍ଶନ ପରେ ଜିଲ୍ଲାପାଳ କହିଛନ୍ତି ପାଣି ନିଷ୍କାସନ ଲାଗି ଖୁବଶୀଘ୍ର ବ୍ୟବସ୍ଥା କରାଯିବ। ସୂଚନା ମଧ୍ୟ ମିଳିଛିଯେ, ରକ୍ସି ଲେନରେ ନୂଆ ଡ୍ରେନ ନିର୍ମାଣ କରିବାପାଇଁ ୮୩ ଲକ୍ଷ ଟଙ୍କା ମଞୁର ହୋଇସାରିଛି। କିନ୍ତୁ ଅନେକ କାରଣ ବଶତଃ ନିର୍ମାଣ କାମ ହୋଇପାରୁନାହିଁ।