ମୁମ୍ଵାଇ ୧୫।୦୩: ବର୍ତ୍ତମାନ ଘଣ୍ଟାର ବ୍ୟବହାର ବହୁତ କମ୍‌ ଦେଖିବାକୁ ମିଳିଛି। କିନ୍ତୁ, ଆଜି ବି ଅନେକ ଲୋକ ଘଣ୍ଟା ପିନ୍ଧିବାକୁ ଭଲ ପାଆନ୍ତି। ଅନେକ ଲୋକ ଘଣ୍ଟାକୁ ଏତେ ଭଲ ପାଆନ୍ତି ଯେ ସେମାନେ ହଜାରେ ନୁହେଁ, ବରଂ ଘଣ୍ଟା ପାଇଁ କୋଟି ଟଙ୍କା ଖର୍ଚ୍ଚ କରନ୍ତି । ସେହି ଟଙ୍କାରେ ଅନେକ ଘର ଆସିଯିବ। ତେଣୁ ଯେତେବେଳେ ଘଣ୍ଟା କଥା ଆସେ, ଆମେ ଆପଣଙ୍କୁ କହିଥାଉ ଦୁନିଆର ସବୁଠାରୁ ମହଙ୍ଗା ଘଣ୍ଟା ବିଷୟରେ ।

ଦୁନିଆର ସବୁଠୁ ଦାମୀ ଘଣ୍ଟା କହିବାକୁ ଗଲେ ଗ୍ରାଣ୍ଡମାଷ୍ଟର ଚିମଙ୍କ ନାମ ଦୁନିଆର ସବୁଠୁ ଦାମୀ ଘଣ୍ଟା ଭାବରେ ଜଣାଶୁଣା । ଏହାର ମୂଲ୍ୟ ନିଲାମରେ ବହୁତ ଅଧିକ ଆକଳନ କରାଯାଇଛି। ଗ୍ରାଣ୍ଡ ମାଷ୍ଟର ଚିମ 6300A-010 ହେଉଛି ଷ୍ଟେନଲେସ ଷ୍ଟିଲରେ ନିର୍ମିତ ଦୁନିଆର ଏକମାତ୍ର ଟାଇମିପିସ । ଏହି ଘଣ୍ଟାରେ ୨୦ଟି ଫିଚର୍ସ ଅଛି । ଯେଉଁଥିରେ ସ୍ୱତନ୍ତ୍ର ପ୍ରକାରର ରିଙ୍ଗ୍ ଟୋନ୍, ୪ ଅଙ୍କ ବିଶିଷ୍ଟ ଇୟର ଡିସପ୍ଲେ ସହିତ କ୍ୟାଲେଣ୍ଡର, ଏହା ବ୍ୟତୀତ ଅନେକ ବିଶେଷ ଜିନିଷ ରହିଛି। ଏହି ଘଣ୍ଟା ମଧ୍ୟ ଫ୍ଲିପ୍ କିମ୍ବା ଓଲଟା ହୋଇପାରେ । ଏଥିରେ ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଏହାର ଆଗ ଏବଂ ପଛ ଡାଏଲ୍  ଅଛି।

କହିବାକୁ ଗଲେ ୨୦୧୯ ମସିହାରେ ବିଶ୍ୱର ସବୁଠାରୁ ମହଙ୍ଗା ଘଣ୍ଟା ସ୍ୱିଜରଲ୍ୟାଣ୍ଡର ଏକ ୱାଚ୍ କମ୍ପାନୀ ଦ୍ୱାରା ବିକ୍ରି ହୋଇଥିଲା। ଯାହାର ମୂଲ୍ୟ ୩୧ ମିଲିୟନ୍ ସ୍ୱିସ୍ ଫ୍ରାଙ୍କ୍ ଥିଲା । ହେଲେ ଭାରତୀୟ ଟଙ୍କା ରେ ଦେଖାଯାଏ, ତେବେ ଏହି ଘଣ୍ଟାର ମୂଲ୍ୟ ୨୨୬ କୋଟି ଟଙ୍କା । ଏହି ଘଣ୍ଟା ନିଲାମ ଦ୍ୱାରା ବିକ୍ରି ହୋଇଥିଲା ଏବଂ ଏହି ନିଲାମ ଏକ ଦାନ ପାଇଁ କରାଯାଇଥିଲା । ଏହା ପୂର୍ବରୁ, ୨୦୧୭ରେ ସବୁଠାରୁ ମହଙ୍ଗା ଘଣ୍ଟା ପ୍ରାୟ ୧୨୭ କୋଟିରେ ବିକ୍ରି ହୋଇଥିଲା ।