ବି.ଏସ୍.ୟେଦୁରପ୍ପା ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ବି କର୍ଣ୍ଣାଟକ ସଂକଟରେ ପୂର୍ଣ୍ମଚ୍ଛେଦ ପଡିନି । ଆସନ୍ତାକାଲି ସୁପ୍ରିମ୍ କୋର୍ଟରେ ବିଜେପି ମୁଖ୍ୟମନ୍ତ୍ରୀ ୟେଦୁରପ୍ପାଙ୍କ ଭାଗ୍ୟର ଫଇସଲା ହେବ । କାଲି ସକାଳ ସାଢେ ୧୦ଟା ବେଳେ କର୍ଣ୍ମାଟକ ରାଜ୍ୟପାଳଙ୍କ ନିଷ୍ପତ୍ତି,ୟେଦିଙ୍କୁ ସଂଖ୍ୟାଗରିଷ୍ଠତାର ପାର୍ମାଣ ଲାଗି ୧୫ ଦିନ ମହଲତ ନେଇ ଶୁଣାଣି କରିବେ ସୁପ୍ରିମ୍ କୋର୍ଟ । ଏହାସହ ଏହି ମାମଲାରେ କେନ୍ଦ୍ର ସରକାରଙ୍କୁ ମଧ୍ୟ ନୋଟିସ କରିଛନ୍ତି ସୁପ୍ରିମ୍ କୋର୍ଟଙ୍କ ତିନିଜଣିଆ ସ୍ବତନ୍ତ୍ର ଖଣ୍ଡପୀଠ । ବିତଚାରପତି ଏ.କେ. ଶିକ୍ରି, ବିଚାରପତି ଏସ.ଏ.ବୋଡେ ଏବଂ ବିଚାରପତି ଅଶୋକ ଭୂଷଣଙ୍କୁ ନେଇ ଗଠିତ ଖଣ୍ଡପୀଠ କେନ୍ଦ୍ରସରକାରଙ୍କୁ ଦେଇଥିବା ନୋଟିସରେ ରାଜ୍ୟପାଳଙ୍କୁ ୟେଦିରପ୍ପା ଦେଇଥିବା ଦୁଇଟି ଯାକ ଦରଖାସ୍ତ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । କାରଣ ବିଜେପିକୁ ସରକାର ଗଠନ ପାଇଁ ଆମନ୍ତ୍ରଣ ଏବଂ ୧୫ ଦିନିଆ ମହଲତ ମାମଲାରେ ଏହି ଦୁଇ ଦସ୍ତାବିଜ୍ ନିହାତି ଆବଶ୍ୟକ ବୋଲି କହିଛନ୍ତି କୋର୍ଟ । ଏହା ସହ କର୍ଣ୍ମାଟକ ସରକାର ଏବଂ ୟେଦିରପ୍ପାଙ୍କୁ ମଧ୍ୟ ନୋଟିସ କରିଛନ୍ତି ସୁପ୍ରିମ୍ କୋର୍ଟ ଖଣ୍ଡପୀଯ । ଜେଡିଏସ୍ ଏବଂ କଂଗ୍ରେସର ଆବେଦନ ଭିତ୍ତିରେ ଏହି ନୋଟିସ ଜାରି କରିଛନ୍ତି । କାଲି ସଂଧ୍ୟା ପ୍ରାୟ ୮ଟା ୪୫ ମିନିଟ୍ ସମୟରେ ରାଜ୍ୟପାଳ ବାଜୁଭାଇ ବାଲା ସରକାର ଗଠନ ପାଇଁ ୟେଦିରପ୍ପାଙ୍କୁ ଆମନ୍ତ୍ରଣ କରିଥିଲେ । ଏହା ବିରୋଧରେ ଜେଡିଏସ୍ ଏବଂ କଂଗ୍ରେସ ତୁରନ୍ତ ସୁପ୍ରିମକୋର୍ଟ ଯାଇଥିଲେ । ରାତି ଅଧିଆ ଶୁଣାଣି ଆରମ୍ଭ ହୋଇଥିଲା । ରାତି ୨ଟା ୧୧ ମିନିଟ୍ ରେ ତିନିଜଣିଆ ଖଣ୍ଡପୀଠ ଶୁଣାଣି ଆରମ୍ଭ କରିଥିଲେ । ଭୋର ୫ଟା ୨୮ ମିନିଟ୍ ରେ ଶୁଣାଣି ସରିଥିଲା । ..