ଆସନ୍ତାକାଲିଠୁ ରମଜାନ୍ ମାସ ଆରମ୍ଭ । ଆଜିଠାରୁ ଏକ ମାସ ପର୍ଯ୍ୟନ୍ତ ରୋଜା ରଖିବେ ମୁସଲମାନ ଭାଇଭାଉଣୀମାନେ । ତେବେ ଆଜି ତରାବି ପାଳନ କରିବେ ମୁସଲିମ୍ ସଂପ୍ରଦାୟ । ଗତକାଲି ଚନ୍ଦ୍ର ଦେଖାନଯିବାରୁ ଆଜି ମୁସଲମାନ୍ ଭାଇଭଉଣୀମାନେ ତରାବି ପାଳନ କରିବେ । ବୁଧବାର ଓଡିଶାର କୌଣସ୍ ଅଞ୍ଚଳରେ ଚାନ୍ଦ ଦେଖାଯାଇନଥିବାରୁ ଆଜି ଚାନ୍ଦ ଦେଖିଲା ପାରେ କାଲିଠୁ ରମଜାନ ପାଳନ ହେବ ବୋଲି କଟକ ଚାନ୍ଦ କମିଟି ପକ୍ଷରୁ ନିଷ୍ପତ୍ତି ନିଆଯାଇଛି ।
ସେପଟେ ପବିତ୍ର ରମଜାନ୍ ମାସ ପାଇଁ ଜମ୍ମୁ କଶ୍ମୀରରେ ଅସ୍ତ୍ରବିରତି ପାଳନ କରାଯିବ । ମାସେ କାଳ ସେନାର କାର୍ଯ୍ୟାନୁଷ୍ଟାନ ସ୍ଥଗିତ ରହିବ ବୋଲି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରାଳୟ ପକ୍ଷରୁ ନିର୍ଦ୍ଦେଶ ଜାରି ହୋଇଛି । ଜମ୍ମୁ କଶ୍ମୀରରେ କୌଣସି ଆତଙ୍କବାଦ ନିରୋଧ ଅପରେସନ ନକରିବା ପାଇଁ ସେନାକୁ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ଏକ ବିବୃତି ମଧ୍ୟ ଜାରି କରାଯାଇଛି। ତେବେ ବିପଦପୂର୍ଣ୍ଣ ସ୍ଥିତିରେ ନିରୀହ ଜନତାଙ୍କ ଜୀବନ ବଞ୍ଚାଇବା ପାଇଁ ସେନା, ପ୍ରତି ଆକ୍ରମଣ କରିପାରିବ ବୋଲି ମନ୍ତ୍ରାଳୟ ସ୍ପଷ୍ଟ କରିଛନ୍ତି। ପୂର୍ବରୁ ରମଜାନ୍ ଓ ଅମରନାଥ ଯାତ୍ରାକୁ ଆଖି ଆଗରେ ରଖି ଜମ୍ମୁ କଶ୍ମୀରରେ ଅସ୍ତ୍ରବିରତି ପାଇଁ ରାଜ୍ୟରେ ସର୍ବଦଳୀୟ ବୈଠକ ହୋଇଥିଲା । ଜମ୍ମୁ-କଶ୍ମୀର ମୁଖ୍ୟମନ୍ତ୍ରୀ ମେହବୁବା ମୁଫ୍ ତି ଚଳିତ ମାସ ଆରମ୍ଭରେ ଏହି ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଅନୁରୋଧ କରି ଅସ୍ତ୍ର ବିରତି ସ୍ଥଗିତ ପାଇଁ ଅନୁରୋଧ କରିଥିଲେ। ତେବେ କେନ୍ଦ୍ର ସରକାର ମୁଖ୍ୟମନ୍ତ୍ରୀ ମୁଫ୍ ତିଙ୍କ ନିଷ୍ପତ୍ତିକୁ ଗ୍ରହଣ କରି ଜମ୍ମୁ କଶ୍ମୀରରେ ରମଜାନ୍ ମାସ ପାଇଁ ସେନା କାର୍ଯ୍ୟାନୁଷ୍ଠାନ ସ୍ଥଗିତ ରଖିଛନ୍ତି।