୩ ଦିନ ହେଲା ଦୁଇ ଶ୍ରମିକ ଫସି ରହିଛନ୍ତି । ସେମାନଙ୍କ ଉପରେ ବଡ଼ ବଡ଼ ପଥର ଖଣ୍ଡ ଧସି ପଡ଼ିଛି, ୩ ଦିନ ହେଲା ଜେସିବି ସହ ସେମାନେ ପୋତି ହୋଇ ଅଛନ୍ତି । କିନ୍ତୁ ଏଯାଏଁ ଉଦ୍ଧାର ହୋଇ ପାରିଲେନି । କ୍ରେନ୍ ମିଳୁ ନଥିବା ବେଳେ ହାତ ଟେକି ଦେଲେଣି ଏନଡିଆରଏଫ୍, ଓଡ୍ରାଫ୍ ଏବଂ ଅଗ୍ନିଶମ ବିଭାଗ । ସେପଟେ ତାଳଚେର ସମଲ ବ୍ୟାରେଜ୍ ଡଙ୍ଗା ବୁଡ଼ି ଘଟଣାରେ ୪୦ ଘଣ୍ଟା ପରେ ମିଳିଛି ଦୁଇ ଅର୍ବିଟେଲ୍ କମ୍ପାନି କର୍ମଚାରୀଙ୍କ ମୃତଦେହ ।
୩ ଦିନ ହେଲା ଦୁଇ ଶ୍ରମିକ ଫସି ରହିଛନ୍ତି । ସେମାନଙ୍କ ଉପରେ ବଡ଼ ବଡ଼ ପଥର ଖଣ୍ଡ ଧସି ପଡ଼ିଛି, ୩ ଦିନ ହେଲା ଜେସିବି ସହ ସେମାନେ ପୋତି ହୋଇ ଅଛନ୍ତି । କିନ୍ତୁ ଏଯାଏଁ ଉଦ୍ଧାର ହୋଇ ପାରିଲେନି । କ୍ରେନ୍ ମିଳୁ ନଥିବା ବେଳେ ହାତ ଟେକି ଦେଲେଣି ଏନଡିଆରଏଫ୍, ଓଡ୍ରାଫ୍ ଏବଂ ଅଗ୍ନିଶମ ବିଭାଗ । ସେପଟେ ତାଳଚେର ସମଲ ବ୍ୟାରେଜ୍ ଡଙ୍ଗା ବୁଡ଼ି ଘଟଣାରେ ୪୦ ଘଣ୍ଟା ପରେ ମିଳିଛି ଦୁଇ ଅର୍ବିଟେଲ୍ କମ୍ପାନି କର୍ମଚାରୀଙ୍କ ମୃତଦେହ ।
ଅଘଟଣକୁ ୪୮ ଘଣ୍ଟା ବିତିଲାଣି । ଏଭଳି ସ୍ଥିତିରେ ଫସି ରହିଥିବା ଦୁଇ ଶ୍ରମିକଙ୍କ ବଞ୍ଚିବା ଆଶା କ୍ଷୀଣ ହୋଇଥିବା ବେଳେ ବିସ୍ଫୋରଣ ଘଟାଇ ଉଦ୍ଧାର କାମ ଶେଷ କରିବାକୁ ଜିଲ୍ଲା ପ୍ରଶାସନ ଚିନ୍ତା କରୁଛି । କିନ୍ତୁ ଫସି ରହିଥିବା ଦୁଇ ଯୁବକଙ୍କ ସମ୍ପର୍କୀୟ ଅମଙ୍ଗ ହେଉଛନ୍ତି । ସେପଟେ ଏନଡିଆରଏଫ୍ ମଧ୍ୟ କହୁଛି, ବିସ୍ଫୋରଣ କରିବା ସେମାନଙ୍କ କାମ ନୁହେଁ ।
କୋରାପୁଟ ଏସପିଙ୍କ ସମେତ ଅତିରିକ୍ତ ଏସପି ଏବଂ ଅନ୍ୟ ପ୍ରଶାସନିକ ଅଧିକାରୀ ଆଜି ଘଟଣାସ୍ଥଳକୁ ଯାଇଥିଲେ । ସେଠାରେ ଥିବା ଲୋକଙ୍କ ସହ ଆଲୋଚନା କରିଥିଲେ । ସେପଟେ ଦୁଇ ଜେସିବି ଅପରେଟର୍ ସଞ୍ଜୟ ଏବଂ ଘନଶ୍ୟାମଙ୍କ ସମ୍ପର୍କୀୟମାନେ ମଧ୍ୟ ଆସିଥିଲେ । ଉଦ୍ଧାର କାମ ବିଳମ୍ବ ହେଉଥିବାରୁ ସେମାନେ ଅସନ୍ତୋଷ ପ୍ରକାଶ କରିଥିଲେ । ପଥର ଉତ୍ତୋଳନ କରୁଥିବା ଡିଡି ବିଲ୍ଡର ବିରୋଧରେ କାର୍ଯ୍ୟନୁଷ୍ଠାନ ଦାବିରେ ସେମାନେ ପୋଲିସ ନିକଟରେ ଅଭିଯୋଗ କରିଛନ୍ତି ।
ରାଣୀଗଡ଼ ଗୁମ୍ଫା ପଥର କ୍ୱେରୀ ଅଘଟଣକୁ ୩ ଦିନ ବିତିଥିବା ବେଳେ ଉଦ୍ଧାର କାମ ହୋଇପାରିନି । ସେପଟେ ସମଲ ବ୍ୟାରେଜରେ ବୁଡ଼ି ଯାଇ ପ୍ରାଣ ହରାଇଥିବା ଅର୍ବିଟେଲ୍ କମ୍ପାନିର ଦୁଇ ଇଞ୍ଜିନିୟର୍ ରମେଶ ଶତପଥୀ ଏବଂ ଅଶୋକ ଆଏଚଙ୍କ ମୃତଦେହ ୪୦ ଘଣ୍ଟା ପରେ ମିଳିଛି । ଜିନ୍ଦଲ କମ୍ପାନିର ବୋରିଂ ପାଇଁ ସର୍ଭେ କରୁଥିବା ବେଳେ ପହରଦିନ ଏମାନେ ବୁଡ଼ି ଯାଇଥିଲେ । ଏମାନଙ୍କ ସହ ଥିବା ଅନ୍ୟ ୩ ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରିଥିଲେ ।