Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୨୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୧୭୪୧ ପଜିଟିଭ୍ ଚିହ୍ନଟ
  • ||
  • ନୟାଗଡ଼ : ରେଳ ଷ୍ଟେସନରେ ଲଙ୍କାକାଣ୍ଡ : ବ୍ୟାପକ ପୋଡାଜଳା ଓ ଭଙ୍ଗାରୁଜା, ବିରୋଧ କରିବାରୁ ମ୍ୟାନେଜର ଓ କର୍ମଚାରୀଙ୍କୁ ଆକ୍ରମଣ
  • ||
  • ଆଜି ୧୧ ଜିଲ୍ଲାରେ କାଳବୈଶାଖି ବର୍ଷା ! ୧୫ ଯାଏଁ ତାତିରୁ ମିଳିବ ତ୍ରାହି
  • ||

ଏହି ବ୍ୟକ୍ତିଙ୍କ ପାଇଁ ବରଦାନ ସାଜିଲା କରୋନା: କିଛି ମିନିଟରେ ରୋଜଗାର କଲେ ୨୯ ହଜାର କୋଟି ଟଙ୍କା

2/09/2020 at 4:45 PM

ନୂଆଦିଲ୍ଲୀ ୦୨/୦୯ : କରୋନା ମହାମାରୀ ଯୋଗୁଁ ସାରା ଦୁନିଆରେ ଆର୍ଥିକ ସଙ୍କଟ ଦେଖାଦେଇଛି | କରୋନା ଯୋଗୁଁ ଆର୍ଥିକ ଗତିବିଧି ପ୍ରାୟତଃ ଠପ ହୋଇଯାଇଛି | କିନ୍ତୁ ଏହି ଆର୍ଥିକ ସଙ୍କଟ ମଧ୍ୟରେ ଦୁନିଆର ଟେକ ସେକ୍ଟର ରୋଜଗାର ବୃଦ୍ଧି ପାଇଛି | ଭର୍ଚୁଆଲ ମିଟିଂ ସୁବିଧା ଦେଉଥିବା କମ୍ପାନୀ ଜୁମ (Zoom)ର ସିଇଓ ଏରିକ ୟୁଆନଙ୍କ କରୋନା ଭାଇରସ ଯୋଗୁଁ ଜାରି ପ୍ରତିବନ୍ଧକ ପରେ କମ୍ପାନୀର ଅନେକ ଲାଭ ହୋଇଛି | ଜୁନ ତ୍ରୟମାସିକରେ କମ୍ପାନୀର ହୋଇଥିବା ଲାଭରେ ଏରିକଙ୍କ ସମ୍ପତ୍ତି ମାତ୍ରା କିଛି ଘଣ୍ଟାରେ ୪୦୦ କୋଟି (୨୯ ହଜାର କୋଟି ଟଙ୍କା)ଡଲାର ବୃଦ୍ଧି ପାଇଥିଲା |


ଏରିକଙ୍କ ସମ୍ପତ୍ତିରେ ଏହି ବୃଦ୍ଧି ତ୍ରୟମାସିକ ଫଳାଫଳ ପରେ କମ୍ପାନୀ ସେୟାରରେ ହୋଇଥିବା ବୃଦ୍ଧି ଯୋଗୁଁ ଦେଖିବାକୁ ମିଳିଛି | ସୋମବାର ଦିନ କମ୍ପାନୀ ଘୋଷଣା କରିଥିଲା ଯେ ତାର ବିକ୍ରି ତ୍ରୟମାସିକରେ ୩୫୫ ପ୍ରତିଶତ ବୃଦ୍ଧି ପାଇ ୬୩ କୋଟି ଡଲାର ସ୍ଥରରେ ପହଞ୍ଚିଛି | କମ୍ପାନୀ ଅନୁମାନ କରିଛି ଯେ ତାର ରୋଜଗାର ବର୍ଷ ସାରା ୨୩୯ କୋଟି ଟଙ୍କା ସ୍ଥରରେ ପହଞ୍ଚିପାରେ |


ଖବର ପରେ କମ୍ପାନୀ ସେୟାର ବୃଦ୍ଧି ପାଇଥିବା ଦେଖିବାକୁ ମିଳିଛି | ସେୟାର ପାଖାପାଖି ୨୬ ପ୍ରତିଶତ ବୃଦ୍ଧି ହୋଇ ୪୧୦ ଡଲାର ସ୍ଥରରେ ପହଞ୍ଚିଥିଲା | ଏହି ଅଭିବୃଦ୍ଧି ଯୋଗୁଁ କାଲିଫର୍ନିଆ ସ୍ଥିତ କମ୍ପାନୀର ଫାଉଣ୍ଡର ଓ ସିଇଓ ଏରିକଙ୍କ ସମ୍ପତ୍ତି ୪୦ କୋଟି ଡଲାର ବୃଦ୍ଧି ପାଇଛି | ଚଳିତ ବର୍ଷ ଜୁମ ସିଇଓଙ୍କ ମୋଟ ସମ୍ପତ୍ତି ୧୨.୮ କୋଟି ଡଲାର ବୃଦ୍ଧି ପଇସାରିଛି |


କରୋନା ଭାଇରସ ଯୋଗୁଁ ଜାରି ହୋଇଥିବା ପ୍ରତିବନ୍ଧକ ଯୋଗୁଁ ଟେକ ସେକ୍ଟରର କମ୍ପାନୀଗୁଡିକର ରୋଜଗାର ଅନେକ ମାତ୍ରାରେ ବୃଦ୍ଧି ପାଇଛି | ସେହିସବୁ କମ୍ପାନୀର ବିକ୍ରି ବୃଦ୍ଧି ପାଇଛି ଯିଏ ସାମାଜିକ ଦୂରତା ସହ ବ୍ୟବସାୟିକ ଆବଶ୍ୟକତା ପୁରା କରିପାରିଛି |

   Related Posts