Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଏମିତି ଜଣେ କ୍ରିକେଟର ଯିଏ ହତ୍ୟା ଧମକ ଭୟରେ ଦେଶ ଛାଡିଥିଲେ, କମ ବୟସରେ ସଫଳ ହୋଇ ବି ଲାଗିଥିଲା ବିଦ୍ରୋହୀର ଷ୍ଟାମ୍ପ୍

14/05/2020 at 6:59 PM

ନୂଆଦିଲ୍ଲୀ, ୧୪|୦୫:   ୧୮ ବର୍ଷ ବୟସରେ ଏହି ଖେଳାଳିଜଣଙ୍କ ଟେଷ୍ଟ କ୍ରିକେଟରେ ପଦାର୍ପଣ କରିଥିଲେ । ସେ ମାତ୍ର ୧୯ ବର୍ଷରେ ଉପ ଅଧିନାୟକ ଭାର ଗ୍ରହଣ କରିଥିଲେ । ଏପରିକି ତାଙ୍କୁ ୨୦ ବର୍ଷ ୩୫୮ ଦିନ ହୋଇଥିବା ବେଳେ ଅଧିନାୟକ ଭାର ପ୍ରଦାନ କରାଯାଇଥିଲା । ଏହି ଖେଳାଳିଜଣଙ୍କ କ୍ରିକେଟ ଇତିହାସରେ ସବୁଠାରୁ କନିଷ୍ଠ ଅଧିନାୟକ ଭାବେ ରେକର୍ଡ କରିଛନ୍ତି । ଏହି ରେକର୍ଡ ପ୍ରାୟ ୧୫ ବର୍ଷ ଯାଏଁ ଅତୁଟ ରହିଥିଲା । ଗତ ବର୍ଷ ଆଫଗାନିସ୍ଥାନ ଖେଳାଳି ରସିଦ ଖାନ ୨୦ ବର୍ଷ ୩୫୦ ଦିନ ବୟସରେ ସବୁଠାରୁ କମ ବୟସର ଖେଳାଳି ଭାବେ ଅଧିନାୟକ ହୋଇଥିଲେ ।

ଆମେ ଏଠାରେ ଜିମ୍ବାଓ୍ୱେ ଖେଳାଳି ତତେନ୍ଦ ତାଏବୁଙ୍କ କଥା କହୁଛୁ । ଆଜି ତାଙ୍କର ଜନ୍ମଦିନ । ସେ ଏବେ ୩୭ ବର୍ଷରେ ପାଦ ଦେଇଛନ୍ତି । ତାଏବୁ ମେ ୧୪ ୧୯୮୩ରେ ହରାରେରେ ଜନ୍ମଗ୍ରହଣ କରିଥିଲେ । ଏପ୍ରିଲ ୨୦୦୪ରେ ଜିମ୍ବାଓ୍ୱେ କ୍ରିକେଟ୍ ବୋର୍ଡରେ ଦେଖାଦେଇଥିବା ବିବାଦ ପରେ ୨୧ ବର୍ଷୀୟ ତାଏବୁଙ୍କୁ ଜାତୀୟ ଟେଷ୍ଟ ଦଳର ଅଧିନାୟକ ଭାର ପ୍ରଦାନ କରାଯାଇଥିଲା । ତେବେ ଧମକ ମିଳିବାରୁ ସେ ମାତ୍ର ୧୮ ମାସ ପରେ ଅଧିନାୟକ ପଦରୁ ଇସ୍ତଫା ପ୍ରଦାନ କରିଥିଲେ । ଏପରିକି ତାଙ୍କୁ ଦେଶ ଛାଡି ମଧ୍ୟ ଯିବାକୁ ପଡିଥିଲା । ପୁଣି ଥରେ ସେ ୨୦୦୭ରେ ଜିମ୍ବାଓ୍ୱେ ଜାତୀୟ ଦଳରେ ସାମିଲ ହୋଇଥିଲେ ।  

ଶେଷରେ ସେ ୨୦୧୨ରେ ୨୯ ବର୍ଷ ବୟସରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ । ସେ ମୋଟ ୨୮ଟି ଟେଷ୍ଟ ମ୍ୟାଚ ଖେଳି ୩୦.୩୧ ଆଭରେଜରେ ୧୫୪୬ ରନ କରିଥିବା ବେଳେ ୬୨ଟି ଓ୍ୱିକେଟ୍ ନେଇଛନ୍ତି । ସେହିପରି ୧୫୦ଟି ଦିନିକିଆରେ ସେ ୨୯.୨୫ ଆଭରେଜରେ ୩୩୯୩ ରନ କରିଥିଲେ । ଏହାସହ ସେ ଦିନିକିଆରେ ୧୪୭ଟି ଓ୍ୱିକେଟ୍ ମଧ୍ୟ ନେଇଛନ୍ତି ।

କଣ ଘଟିଥିଲା ତାଏବୁଙ୍କ ଜୀବନରେ

ତାଏବୁ ଜିମ୍ବାଓ୍ୱେ ରାଷ୍ଟ୍ରପତି ରବର୍ଟ ମୁଗାବେଙ୍କ ନୀତି ବିରୋଧରେ ସ୍ୱର ଉତ୍ତୋଳନ କରିଥିଲେ । ଏପରିକି ତାଙ୍କ ପରିବାରକୁ ଅପହରଣ କରିବା ପାଇଁ ଚେଷ୍ଟା କରାଯାଇଥିଲା । ଏପରିକି ଜୀବନରେ ମାରିବାକୁ ମଧ୍ୟ ଧମକ ଦିଆଯାଇଥିଲା । ଫଳରେ ସେ ଦେଶ ଛାଡି ଚାଲିଯିବାକୁ ବାଧ୍ୟ ହୋଇଥିଲେ ।

ପରେ ତାଏବଙ୍କୁ ମୁଗାବେଙ୍କ ଜଣେ ମନ୍ତ୍ରୀ ଡକାଇଥିଲେ । ପରେ ଖେଳାଳିଙ୍କୁ ଉଚିତ ଦରମା ଓ ବ୍ୟବହାର ନମିଳିବାରୁ ସେ ଅଧିନାୟକ ପଦ ଛାଡି ଦେଇଥିଲେ । ତେବେ ଅଧିନାୟକ ଭାବେ ସେ ଦଳରେ ଅନେକ ପରିବର୍ତ୍ତନ କରିଥିଲେ । ପ୍ରାକ୍ଟିସକୁ ଗୁରୁତ୍ୱ ଦେଇଥିଲେ ।

ଏହି ଘଟଣାରେ ତାଏବୁ କହିଛନ୍ତି ଯେ, ସେ ଦୁର୍ନୀତି ବିରୋଧରେ ସ୍ୱର ଉତ୍ତୋଳନ କରିଥିଲେ । ତାଙ୍କୁ ଏକ ଲଫାଫା ମିଳିଥିଲା । ଏହାକୁ ଖୋଲିବା ପରେ ଜଣେ ମୃତ ବ୍ୟକ୍ତିଙ୍କ ଫଟୋ ମିଳିଥିଲା । ଏହାପରେ ସେ ଆଉ ଏକ ଫଟୋ ପାଇଥିଲେ । ସେହି ଫଟୋ ମଧ୍ୟ ଜଣେ ମୃତକଙ୍କ ଥିଲା । ଏପରି ଭାବେ ତାଙ୍କୁ ହତ୍ୟା ଧମକ ମିଳିଥିଲା ।

   Related Posts