Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ପୁଣି ପରଦାକୁ ଫେରିଲେ ଜାୟରା ୱସିମ୍, ହେଲେ ଟ୍ରୋଲ

11/09/2019 at 3:43 PM

ମୁମ୍ବାଇ୧୧|୯: ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଦୀର୍ଘ ଦିନ ପରେ ବଲିଉଡରେ କମ୍‌ ବ୍ୟାକ୍‌ କରିଛନ୍ତି।  ଫିଲ୍ମ ‘ଦ ସ୍କାଇ ଇଜ୍‌ ପିଙ୍କ୍’ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ପ୍ରିୟଙ୍କା। ଏହି ଫିଲ୍ମର ଟ୍ରେଲର ରିଲିଜ୍‌ ହୋଇସାରିଛି। ତେବେ ସୋସିଆଲ ମିଡିଆରେ  ଫିଲ୍ମର ପୋଷ୍ଟର ଓ ଗ୍ରୁପ ଫଟୋ ଭାଇରାଲ ହେବାରେ ଲାଗିଛି। ଫିଲ୍ମରେ ପ୍ରିୟଙ୍କାଙ୍କ ସହ ଫରହାନ୍ ଅଖତର୍ ଓ ରୋହିତ ଶରଫ ମୁଖ୍ୟ ଭୂମିକାରେ ଅଭିନୟ କରିଛନ୍ତି।

ହେଲେ ଫିଲ୍ମର ପୋଷ୍ଟର ଦେଖି ଦର୍ଶକ ରାଗୁଛନ୍ତି। ବଲିଉଡରେ ପ୍ରିୟଙ୍କାଙ୍କ ଫେରିବାକୁ ନେଇ ଖୁସି ହେଉଥିବା ବେଳେ ଜାୟରା ୱସିମ୍‌ଙ୍କୁ ପୁଣି ପରଦାରେ ଦେଖି ଲୋକେ ବହୁତ ଟ୍ରୋଲ କରୁଛନ୍ତି। ଟ୍ରେଲର ରିଲିଜ ହେବା ପରେ ଅଭିନେତ୍ରୀ ଜାୟରା ୱସିମ ପୁଣି ଚର୍ଚ୍ଚାରେ ଅଛନ୍ତି। ପୋଷ୍ଟରରେ ଦଙ୍ଗଲ ଫେମ୍‌ ଜାୟରାଙ୍କୁ ଦେଖି ଲୋକେ ଅନେକ କଥା କହୁଛନ୍ତି।

ଏବେ କିଛିଦିନ ପୂର୍ବରୁ ଧାର୍ମିକ ମାନ୍ୟତାକୁ ଆଧାର କରି ଜାୟରା ବଲିଉଡ୍‌ରୁ ବିଦାୟ ନେବା ବିଷୟରେ ନିଜ ସୋସିଆଲ ମିଡିଆ ଆକାଉଣ୍ଟରେ ଘୋଷଣା କରିଥିଲେ। ତାଙ୍କର ଏହି ପୋଷ୍ଟ ମିଡିଆରେ କଳହ ସୃଷ୍ଟି କରିଥିଲା। ଧର୍ମକୁନେଇ ଜାୟରାଙ୍କର ଏଭଳି ନିଷ୍ପତ୍ତି ବହୁ ଲୋକ ପସନ୍ଦ କରିନଥିଲେ।ହେଲେ ଏବେ ଖବର ଆସୁଛି ଯେ ଜାୟରା ‘ଦ ସ୍କାଇ ଇଜ୍‌ ପିଙ୍କ୍’ର ଟରୋଣ୍ଟୋ ହେବାକୁ ଥିବା ପ୍ରିମିୟରରେ ସାମିଲ ହୋଇପାରନ୍ତି। ଦର୍ଶକମାନେ ଟ୍ରେଲର୍‌ ରିଲିଜ୍ ହେବା ପରେ ଲଗାତାର ଭାବେ ଜାୟରାଙ୍କୁ ଟ୍ରୋଲ୍‌ କରୁଛନ୍ତି।

ଜଣେ ୟୁଜର ଲେଖିଛନ୍ତି ଯେ, ‘ଇଏ ସେହି ଜାୟରା ୱସିମ୍‌ ଯିଏ ଆଲ୍ଲାହଙ୍କ ନାଁରେ ଫିଲ୍ମରୁ ଦୂରେଇଯିବା କଥା କହିଥିଲେ। କିନ୍ତୁ ଏବେ ସେ ପୁଣି ପରଦାରେ ନଜର ଆସିବେ। ଏସବୁ କ’ଣ କେବଳ ପବ୍ଲିସିଟି ଷ୍ଟଣ୍ଟ । କିଛି ଲୋକେ ଜାୟରା ୱସିମ୍‌ଙ୍କ ଇସଲାମ୍ ଧର୍ମକୁ ନେଇ ପ୍ରଶ୍ନ କରିଛନ୍ତି ଯେ, ଏବେ ତାଙ୍କ ଧର୍ମ କୁଆଡେ ଗଲା’। କିଛି ୟୁଜର ‘ଦ ସ୍କାଇ ଇଜ୍‌ ପିଙ୍କ୍’ ଫିଲ୍ମ ଦେଖିବାକୁ ଯିବେନାହିଁ ବୋଲି କହିଛନ୍ତି ତ କିଛି ଫିଲ୍ମ ବୟକଟ କରାଯିବା ନେଇ ଦାବି କରିଛନ୍ତି। କିଛି ୟୁଜର ଜାୟରାଙ୍କୁ ସମର୍ଥନ କରି ଲେଖିଛନ୍ତି ଯେ, ଜାୟରାଙ୍କ ନିଷ୍ପତ୍ତିକୁ ସମ୍ମାନ ଦେବା ଉଚିତ୍‌। କିଛି ୟୁଜରର୍ସ ଲେଖିଛନ୍ତି ଯେ, ପବ୍ଲିସିଟି ଷ୍ଟଣ୍ଟ କରି ଇସଲାମର ନାଁ ଖରାପ କରିବା କଣ ଆବଶ୍ୟକ ଥିଲା।  

ଏହି ଫିଲ୍ମରେ ଜାୟରା ପ୍ରିୟଙ୍କା ଓ ଫରହାନଙ୍କ ଝିଅ ଭୂମିକାରେ ନଜର ଆସିଛନ୍ତି। ଫ୍ୟାମିଲି ଡ୍ରାମାକୁ ନେଇ ଏହି ଫିଲ୍ମ ତିଆରି ହୋଇଛି। ଫିଲ୍ମର ନିର୍ଦ୍ଦେଶନା ସୋନାଲି ବୋଷ ଦେଇଛନ୍ତି। ଫିଲ୍ମଟି ସେପ୍ଟେମ୍ବର ମାସ ୧୩ ତାରିଖରେ କାନାଡାର ଟରୋଣ୍ଟୋ ଫେଷ୍ଟିଭାଲରେ ପ୍ରଦର୍ଶିତ ହେବ। ଭାରତରେ ଏହି ଫିଲ୍ମ ଅକ୍ଟୋବର ମାସ ୧୧ ତାରିଖରେ ରିଲିଜ ହେବ।

   Related Posts