ମୁମ୍ବାଇ ୨୦/୦୯: ଟିଭିର ଲୋକପ୍ରିୟ ଦମ୍ପତିମାନଙ୍କ ମଧ୍ୟରୁ ପ୍ରିନ୍ସ ନରୁଲା ଏବଂ ୟୁଭିକା ଚୌଧରୀ ସେମାନଙ୍କ ବୈବାହିକ ଜୀବନରେ ବେଶ ଖୁସି ଅଛନ୍ତି। ଲୋକମାନେ ଏହି ସୁନ୍ଦର ଦମ୍ପତିଙ୍କୁ ବହୁତ ପସନ୍ଦ କରନ୍ତି ଏବଂ ସେମାନଙ୍କର ବେବି ପ୍ଲାନିଂ ବିଷୟରେ ଅନେକ ପ୍ରଶ୍ନ ପଚାରନ୍ତି। ନିକଟରେ ୟୁଭିକା ଚୌଧୁରୀ ଏକ ଇଣ୍ଟରଭ୍ୟୁରେ ତାଙ୍କ ଆଗାମୀ ପ୍ଲାନିଂ ବିଷୟରେ ଖୋଲାଖୋଲି ଭାବରେ କହିଛନ୍ତି।
{"width":663,"height":437}ୟୁଭିକା କହିଛନ୍ତି, କରୋନା କାଳରେ ସନ୍ତାନ ଜନ୍ମ କରିବା ଅତ୍ୟନ୍ତ କଷ୍ଟକର କାର୍ଯ୍ୟ। ୟୁଭିକା ସେହି ମହିଳାମାନଙ୍କୁ ଅଭିବାଦନ ଜଣାଇଛନ୍ତି ଯେଉଁମାନେ ନିକଟରେ ସନ୍ତାନ ପ୍ରସବ କରିଛନ୍ତି। ସେ କହିଛନ୍ତି ମହାମାରୀ ସମୟରେ ଗର୍ଭବତୀ ହେବା ଅତ୍ୟନ୍ତ ଭୟାନକ। ମୁଁ ଆଶ୍ଚର୍ଯ୍ୟ ହେଉଛି ଯେ ମହିଳାମାନେ କିପରି ଦିନସାରା ଘରେ ରହିପାରିବେ, ସେମାନେ କୌଣସି ସ୍ଥାନକୁ ବି ଯାଇପାରିବେ ନାହିଁ।
ୟୁଭିକା ଆହୁରି କହିଛନ୍ତି, ସେ ଏବଂ ପ୍ରିନ୍ସ ନରୁଲା ମଧ୍ୟ ଫ୍ୟାମିଲି ପ୍ଲାନିଂ ବିଷୟରେ ଚିନ୍ତା କରିଛନ୍ତି, କିନ୍ତୁ ସେମାନେ ଟିକିଏ ଅଧିକ ସମୟ ଚାହୁଁଛନ୍ତି। ଏହା ସହିତ ସେ କହିଛନ୍ତି ଯେ ସନ୍ତାନ ହେବାର ଥିଲେ ହେବ। ଲୋକମାନେ ପ୍ଲାନିଂ କରି କରି ଦୁଇ-ତିନି ବର୍ଷ ବିତାଇ ଦିଅନ୍ତି। ଆମେ ମଧ୍ୟ ପରିବାର ସଂପୂର୍ଣ୍ଣ କରିବାକୁ ଚାହୁଁ, କିନ୍ତୁ ବର୍ତ୍ତମାନ ନୁହେଁ।
{"width":662,"height":434}ପ୍ରିନ୍ସ ନରୁଲା ଏବଂ ୟୁଭିକା ଚୌଧରୀ ପ୍ରଥମେ 'ବିଗ୍ ବସ୍' ସିଜନ୍ ୯ ରେ ସାକ୍ଷାତ ହୋଇଥିଲେ। ଏହି ସୋ’ ମାଧ୍ୟମରେ ଦୁହେଁ ବନ୍ଧୁ ହେଲେ ଏବଂ ଧୀରେ ଧୀରେ ଏହି ବନ୍ଧୁତା ପ୍ରେମରେ ପରିଣତ ହେଲା। ଏହି ସୋ’ରେ ସମସ୍ତଙ୍କ ସାମ୍ନାରେ ପ୍ରିନ୍ସ ୟୁଭିକାଙ୍କୁ ପ୍ରପୋଜ୍ କରିଥିଲେ। ସୋ’ରୁ ବାହାରିବା ପରେ ଦୁହେଁ ପରସ୍ପରକୁ ଡେଟ୍ କରିଥିଲେ ଏବଂ ତା’ପରେ ୨୦୧୮ ରେ ବିବାହ ବନ୍ଧନରେ ବାନ୍ଧି ହୋଇଥିଲେ।