Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||
  • ଭାରସାମ୍ୟ ହରାଇ କାର୍‌-ଟାଟା ମ୍ୟାଜିକ ଉପରେ ଓଲଟିଲା ଟ୍ରକ, ଚାଲିଗଲା ୧୩ଜଣଙ୍କ ଜୀବନ
  • ||

ଆଜି ସକାଳୁ ଦୁଇ ଘଣ୍ଟା ବନ୍ଦ ହୋଇଗଲା ୟୁଟ୍ୟୁବ୍, ସମସ୍ୟାରେ ପଡିଲେ ବ୍ୟବହାରକାରୀ

17/10/2018 at 2:50 PM

ନୂଆଦିଲ୍ଲୀ ୧୭।୧୦: ଆଜିକାଲି ୟୁଟ୍ୟୁବ୍‌ର ବ୍ୟବହାର ବହୁଳ ମାତ୍ରାରେ ହେଉଛି । ଏମିତିରେ ଆଜି ୨ଘଣ୍ଟା ପାଇଁ ବନ୍ଦ ହୋଇଯାଇଥିଲା ୟୁଟ୍ୟୁବ । ଫଳରେ ସାରା ବିଶ୍ବରେ ୧୫୦କୋଟି ୟୁଟ୍ୟୁବ୍ ବ୍ୟବହାରକାରୀ ସମସ୍ୟାରେ ପଡିଥିଲେ ।

ସୂଚନା ଅନୁସାରେ ଭିଡିଓ ସେୟାରିଂ ଓ୍ବେବସାଇଟ୍ ୟୁଟ୍ୟୁବ୍ ଆଜି ସକାଳ ପ୍ରାୟ ୨ଘଣ୍ଟା ପର୍ଯ୍ୟନ୍ତ ବନ୍ଦ ହୋଇଯାଇଥିଲା । ଭାରତୀୟ ସମୟ ଅନୁସାରେ ସକାଳ ୬ଟା ୩୦ମିନିଟ୍ ରୁ ଏହା କାମ କରିବା ବନ୍ଦ କରିଦେଇଥିଲା । ସାରା ବିଶ୍ବର ବ୍ୟବହାରକାରୀଙ୍କ ତରଫରୁ ହୋଇଥିବା ଅଭିଯୋଗରୁ ଏଭଳି ଘଟଣା ଜଣାପଡିଥିଲା । ପାଖାପାଖି ୮ଟା ୩୯ମିନିଟ୍ ରେ କମ୍ପାନୀ ଟ୍ବିଟର ମାଧ୍ୟମରେ ଏହାକୁ ଠିକ୍ କରିବାର ସୂଚନା ଦେଇଥିଲା ।

ୟୁଟ୍ୟୁବ୍‌ର ଡେସ୍କଟପ୍ ଭର୍ସନରେ ଓ୍ବେବସାଇଟ୍ ଟେମ୍ପଲେଟ୍ ଦେଖାଯାଉଥିଲା । ମାତ୍ର ଭିଡିଓ ଚାଲୁନଥିଲା । ଭିଡିଓ ଉପରେ କ୍ଲିକ୍ କରିବାରୁ ଇଣ୍ଟରନାଲ ସର୍ଭର ଏରର ଦେଖାଉଥିଲା । ବିଶ୍ବର କେତେକ ଦେଶରେ ୟୁଟ୍ୟୁବ୍ ର ମୋବାଇଲ ଆପ୍, ୟୁଟ୍ୟୁବ୍ ଟିଭି ଏବଂ ୟୁଟ୍ୟୁବ୍ ମ୍ୟୁଜିକ୍ ମଧ୍ୟ କାମ କରୁନଥିଲା । ଏଥିପାଇଁ କମ୍ପାନୀ ବ୍ୟବହାରକାରୀଙ୍କୁ କ୍ଷମା ମଧ୍ୟ ମାଗିଛି ।

ସାରା ବିଶ୍ବରେ ୧୫୦କୋଟି ଲୋକ ୟୁଟ୍ୟୁବ୍ ବ୍ୟବହାର କରୁଛନ୍ତି । ଭାରତରେ ୨.୫ କୋଟିରୁ ଅଧିକ ଲୋକ ମୋବାଇଲରେ ୟୁଟ୍ୟୁବ୍ ବ୍ୟବହାର କରୁଛନ୍ତି । ୟୁଟ୍ୟୁବ୍‌ରେ ପ୍ରତି ମିନିଟ୍‌ରେ ୧୦୦ଘଣ୍ଟାର ବିଷୟବସ୍ତୁ ଅପଲୋଡ୍ ହେଉଛି ।

ଗତ ମାସରେ ଫେସବୁକ୍, ହ୍ବାଟସଅପ୍ ଏବଂ ଇନଷ୍ଟାଗ୍ରାମର ବ୍ୟବହାରକାରୀଙ୍କୁ ମଧ୍ୟ ଏଭଳି ସମସ୍ୟାର ସମ୍ମୁଖୀନ ହେବାକୁ ପଡିଥିଲା । ସେପ୍ଟେମ୍ବର ୩ତାରିଖ ରାତି ୨ଟା ୩୦ମିନିଟ୍‌ରୁ ୩ଟା ୩୦ ମିନିଟ୍ ପର୍ଯ୍ୟନ୍ତ ତିନି ସୋସିଆଲ ସାଇଟ୍ ବନ୍ଦ ରହିଥିଲା । ଫେସବୁକ୍ ଏହାକୁ ନେଟଓ୍ବର୍କ ସମସ୍ୟା ବୋଲି କହିଥିଲା ।

   Related Posts