ନୂଆଦିଲ୍ଲୀ, ୦୩|୦୪: ଭାରତରେ କରୋନା ଭାଇରସ ଅଧିକାଂଶ ଯୁବବର୍ଗଙ୍କୁ ସଂକ୍ରମିତ କରିଛି । ଇଣ୍ଡିଆ ଟୁଡେର ଡାଟା ଅନୁସାରେ ଅଧିକରୁ ଅଧିକ ଯୁବକ କରୋନାର ଟାର୍ଗେଟରେ ରହିଛନ୍ତି । ଏବେସୁଦ୍ଧା ଭାରତରେ ମୋଟ ସଂକ୍ରମିତଙ୍କ ମଧ୍ୟରୁ ୬୦ ପ୍ରତିଶତଙ୍କ ବୟସ ୫୦ ବର୍ଷରୁ କମ ରହିଛି ।
ତଥ୍ୟାନୁସାରେ, ୧୮୦୧ଟି କୋଭିଡ-୧୯ ମାମଲା ମଧ୍ୟରୁ ୩୯୧ଟି ମାମଲାରେ ସଂକ୍ରମିତଙ୍କ ବୟସ ୩୦ରୁ ୩୯ ମଧ୍ୟରେ ରହିଛି । ସେହିପରି ୩୭୬ ଅର୍ଥାତ ୨୧ ପ୍ରତିଶତ ମାମଲାରେ ସଂକ୍ରମିତଙ୍କ ବୟସ ୨୦ରୁ ୨୯ । ଆହୁରି ମଧ୍ୟ ୧୭ ପ୍ରତିଶତ ସଂକ୍ରମିତଙ୍କ ବୟସ ହେଉଛି ୪୦ରୁ ୪୯ ।
{"id":248510,"width":744,"height":498,"sizeSlug":"large"}ଏହା ପୂର୍ବରୁ ଚୀନ ଓ ଇଟାଲୀର ରିପୋର୍ଟରେ କରୋନାରେ ଅଧିକ ବୟସ୍କ ଲୋକ ସଂକ୍ରମିତ ହୋଇଥିବା କୁହାଯାଉଥିଲା ।କିନ୍ତୁ ଭାରତରେ ମୋଟ ମାମଲାରେ ୬୦ ବର୍ଷରୁ ଅଧିକ ସଂକ୍ରମିତଙ୍କ ସଂଖ୍ୟା ମାତ୍ର ୧୯ ପ୍ରତିଶତ ଓ ୮୦ ବର୍ଷରୁ ଅଧିକ ମାମଲା ହେଉଛି ମାତ୍ର ୨ ପ୍ରତିଶତ ।
ଏପ୍ରିଲ ୩ ଯାଏଁ ୩ ପ୍ରତିଶତ ଅର୍ଥାତ ୪୬ଟି ଏପରି କେସ୍ ଆସିଥିଲା, ଯେଉଁଥିରେ ସଂକ୍ରମିତଙ୍କ ବୟସ ୧୦ ବର୍ଷରୁ କମ ।ବିଶେଷଜ୍ଞମାନେ ଏହି ଭାଇରସ ବୟସ୍କଙ୍କୁ ଅଧିକ ଟାର୍ଗେଟ କରେ ବୋଲି ମାନୁଥିଲେ । କିନ୍ତୁ ଭାରତରେ ଏହା ଓଲଟା ଦେଖିବାକୁ ମିଳିଛି ।