ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୨୧୨୪ କୋଭିଡ୍ ପଜିଟିଭ୍
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୩ କୋଭିଡ୍ ପଜିଟିଭ୍
  • ||
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

ମଡେଲଙ୍କୁ ହତ୍ୟା କରିଥିବା ୧୯ ବର୍ଷ ବୟସ୍କ ଅଭିଯୁକ୍ତ ୩ବର୍ଷ ପୂର୍ବରୁ ତାଙ୍କ ନିଜ ମାଆଙ୍କୁ ମଧ୍ୟ ଆକ୍ରମଣ କରିଥିଲା

17/10/2018 at 5:43 PM

ମୁମ୍ବାଇ ୧୭।୧୦: ସୋମବାର ଦିନ ମୁମ୍ବାଇର ପଶ୍ଚିମ ମାଲାଡରୁ ମଡେଲ ମାନସୀ ଦିକ୍ଷୀତଙ୍କ ମୃତଦେହ ଏକ ସୁଟକେସରୁ ମିଳିଥିଲା । ତାଙ୍କୁ ହତ୍ୟା କରିବା ଅଭିଯୋଗରେ ୧୯ବର୍ଷୀୟ ମୁଜାମିଲ ସୟଦଙ୍କୁ ଗିରଫ କରିଥିଲା ପୋଲିସ ।

ପଡୋଶୀମାନେ କହିଛନ୍ତି ଯେ, ତିନି ବର୍ଷ ତଳେ ତାଙ୍କ ମାଆଙ୍କୁ ମଧ୍ୟ ଆକ୍ରମଣ କରିଥିଲା ମୁଜାମିଲ । ମାତ୍ର ସେମାନେ ସେତେବେଳେ ଚୁପ୍ ରହିଯାଇଥିଲେ । ଫ୍ଲାଟର ଜଗୁଆଳୀ ୪୮ବର୍ଷୀୟ ଜମାଲ ଅନସାରୀ ୨୨ବର୍ଷ ହେବ ତାଙ୍କ ଫ୍ଲାଟ୍ ର ଜଗୁଆଳୀ ଭାବେ କାମ କରୁଛନ୍ତି । ସେ ମୁଜାମିଲକୁ ସେ ପିଲାଟି ଦିନକୁ ଜାଣିଛନ୍ତି । ସେ କହିବା ଅନୁସାରେ ମୁଜାମିଲଙ୍କ ବାପା ହସନ ଏକ ବେସରକାରୀ ସଂସ୍ଥାରେ କାମ କରୁଥିଲେ ଏବଂ ତାଙ୍କ ମାଆ ଗୃହିଣୀ ଥିଲେ । ମୁଜାମିଲ ତାଙ୍କର ପୋଷ୍ୟ ପୁତ୍ର ଥିଲେ । ତିନି ବର୍ଷ ପୂର୍ବରୁ ସୋସାଇଟି ଲୋକମାନେ ଜାଣିବାକୁ ପାଇଥିଲେ ଯେ, ମୁଜାମିଲ ତାଙ୍କ ମାଆକୁ ମରଣାନ୍ତକ ଆକ୍ରମଣ କରିଥିଲା । ତାଙ୍କ ମାଆଙ୍କ ମୁଣ୍ଡରେ ମଧ୍ୟ ଆଘାତ ଲାଗିଥିଲା । ଯେତେବେଳେ ସୋସାଇଟି ଲୋକ ପଚାରିବାକୁ ତାଙ୍କ ଘରକୁ ଯାଇଥିଲେ ସେମାନେ ଏକଥାକୁ ଅସ୍ବୀକାର କରିଥିଲେ ।

ଘଟଣାଦିନ ପ୍ରାୟ ରାତି ୨ଟା ୩୦ ବେଳେ ମୁଜାମିଲ ଏକ ବଡ ବ୍ୟାଗ୍ ଧରି ତଳକୁ ଆସିଥିଲା । ଫ୍ଲାଟ୍ ତଳେ ତାକୁ ଅପେକ୍ଷା କରିଥିବା ଟ୍ୟାକ୍ସିରେ ବସି ସେ ଯାଇଥିଲା । ସେ କହିଛନ୍ତି ଯେ ଯୁବତୀ ଜଣଙ୍କୁ ତାଙ୍କ ଫ୍ଲାଟ୍ କୁ ଆସିବା ସେ ଦେଖିନାହାଁନ୍ତି । ସେ ଅନ୍ୟ ଗେଟ୍ ଦେଇ ଯଦି ଆସିଥାଇ ପାରେ । ପୋଲିସ ଫ୍ଲାଟ୍ ର ସିସିଟିଭି ଯାଞ୍ଚ କରୁଛି । ପଡୋଶୀଙ୍କ କହିବା ଅନୁସାରେ ଘଟଣା ସମୟରେ ମୁଜାମିଲଙ୍କ ମାଆ ତାଙ୍କ ସଂପର୍କୀୟଙ୍କୁ ଭେଟିବାକୁ ଯାଇଥିଲେ । ପଡୋଶୀମାନେ ଏମିତି ମଧ୍ୟ କହିଛନ୍ତି ଯେ ସେ ଛୋଟ ବେଳେ ପିଲାମାନଙ୍କ ସହ ଖେଳିବା ବେଳେ ଝଗଡା କରୁଥିଲା ।

   Related Posts