Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||
  • ଆହତ ହାତୀର ଚିକିତ୍ସା କଲା ବନ ବିଭାଗ, ବାରହା ଫାଶରେ ପଡି ଗୋଡରେ ହୋଇଥିଲା କ୍ଷତ
  • ||
  • ଖସିବ ପାରଦ ବଢିବ ଶୀତ, ୧୯ ଯାଏଁ ବିଭିନ୍ନ ଜିଲ୍ଲାରେ ଘନ କୁହୁଡି
  • ||

ବିଚ୍ ରାସ୍ତାରେ ଛାତ୍ରୀଙ୍କ ଡ୍ରେସ୍ ଚିରିଦେଲେ ଯୁବକ, ଲୋକମାନେ ମୋବାଇଲରେ କରୁଥିଲେ ଭିଡିଓ ରେକର୍ଡିଂ, ତାପରେ…

27/08/2019 at 2:30 PM

ମୁରାଦାବାଦ ୨୭|୮: ଉତ୍ତରପ୍ରଦେଶ ମୁରାଦାବାଦରେ ଏମିତି କାଣ୍ଡ ଘଟାଇଛନ୍ତି ଜଣେ ଉନ୍ମତ ଯୁବକ ଯାହାକୁ ନେଇ ସାଧାରଣରେ ପୋଲିସର ନିଷ୍କ୍ରିୟତା ଉପରେ ପ୍ରଶ୍ନ ଉଠିଛି । ଜଣେ ଯୁବକ ରାସ୍ତା ମଝିରେ ଜଣେ ଛାତ୍ରୀଙ୍କ ଡ୍ରେସ୍ ଚିରିଦେବା ସହ ତାଙ୍କୁ ଅସଦାଚାରଣ ମଧ୍ୟ କରିଛନ୍ତି । ଛାତ୍ରୀ ଜଣଙ୍କ ନିଜର ସାହସ ଦେଖାଇ ଯୁବକଙ୍କୁ ପିଟିଥିବାକୁ ଦେଖିବାକୁ ମିଳିଥିଲା ।

ଉତ୍ତରପ୍ରଦେଶ ମୁରାଦାବାଦ ଥାନା ସିଭିଲ୍ ଲାଇନ୍ ଅଞ୍ଚଳରେ ଲୋକସେଡ୍ ପୁଲ୍ ନିକଟରୁ ଜଣେ ଛାତ୍ରୀ ପ୍ରତ୍ୟେକ ଦିନ କୋଚିଂ କ୍ଲାସ୍ ପାଇଁ ଯାଉଥିଲେ । ଉନ୍ମତ ଯୁବକ ଜଣଙ୍କ ପ୍ରତ୍ୟେକ ଦିନ ତାଙ୍କୁ ସେହି ବାଟ ଦେଇ ଯାଉଥିବାର ଦେଖି କମେଣ୍ଟ୍ ମାରିବା ଆରମ୍ଭ କରିଦେଇଥିଲେ । ଗତ ସୋମବାର ଦିନ ସଂପୃକ୍ତ ଯୁବକ ବିଚ୍ ରାସ୍ତାରେ ହିଁ ଛାତ୍ରୀଙ୍କୁ ଅସଦାଚରଣ କରିବା ଆରମ୍ଭ କରିଦେଲେ ।

ଛାତ୍ରୀଙ୍କୁ ଟଣାଓଟରା କରୁଥିବା ସମୟରେ ଯୁବକ ଜଣଙ୍କ ତାଙ୍କ ଡ୍ରେସ୍ ଚିରିଦେଇଥିଲେ । ଏହାପରେ ଛାତ୍ରୀ ଜଣଙ୍କ ସାହସର ସହ ପାଟିକରି ସଂପୃକ୍ତ ଯୁବକଙ୍କୁ ସେହିଠାରେ ହିଁ ପିଟିବାକୁ ଆରମ୍ଭ କରିଦେଇଥିଲେ । ଛାତ୍ରୀଙ୍କ ପାଟି ଶୁଣି ଆଖପାଖରେ ଲୋକ ରୁଣ୍ଡ ହୋଇଯାଇଥିଲେ । ଘଟଣା ଜାଣିବା ପରେ ଲୋକମାନେ ମଧ୍ୟ ମିଶି ଯୁବକଙ୍କୁ ଛେଚିଥିଲେ ।

କିଛି ଲୋକ ଘଟଣାର ଭିଡିଓ ମଧ୍ୟ ଶୁଟ୍ କରିଥିଲେ । ଭିଡିଓଟି ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଥିଲା । ଭିଡିଓରେ ଯୁବକ ଜଣଙ୍କ ତାଙ୍କ ନାଁ କବିର ବୋଲି କହୁଥିବା ଜଣାପଡିଛି ।  ଭିଡିଓରେ ସମ୍ପୂର୍ଣ୍ଣ ଘଟଣା ସଂପର୍କରେ ଯୁବତୀ ଜଣଙ୍କ କହିଛନ୍ତି ।

ଘଟଣା ସଂପର୍କରେ ସୂଚନା ପାଇବା ପରେ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ଛାତ୍ରୀଙ୍କ ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଭିଡିଓ ଆଧାରରେ ଅଭିଯୁକ୍ତ ଯୁବକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ ଅଧିକାରୀ କହିଛନ୍ତି । ପୀଡିତାଙ୍କ ଅଭିଯୋଗ ଆଧାରରେ ଯୁବକଙ୍କୁ ଗିରଫ କରାଯାଇଛି ଏବଂ ତା ବିରୋଧରେ ମାମଲା ମଧ୍ୟ ରୁଜୁ ହୋଇଛି ।

   Related Posts