Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର : କ୍ରସରରେ ବଡ ଧରଣର ବିସ୍ଫୋରଣ : ୨ ମୃତ, ୪ ଗୁରୁତର
  • ||
  • ଆଜି ରାତିରୁ ଆସନ୍ତା ସୋମବାର ଯାଏଁ ରାଜଧାନୀରେ ସମ୍ପୂର୍ଣ୍ଣ କର୍ଫ୍ୟୁ
  • ||
  • ‘ଡୋମିନସ୍ ଇଣ୍ଡିଆ’ ଉପରେ ସାଇବର୍ ଆଟାକ୍, ବିପଦରେ ୧୦ ଲକ୍ଷ କ୍ରେଡିଟ୍ କାର୍ଡ ଡାଟା
  • ||
  • ପିପିଲି ଉପନିର୍ବାଚନ : ପ୍ରକାଶ ପାଇଲା ସାନି ବିଜ୍ଞପ୍ତି, ମେ ୧୩ରେ ମତଦାନ
  • ||
  • ମାଲକାନଗିରି : ରକ୍ତ ମୁଖା ଲାଲ୍‌ବାହିନୀ , ପୋଲିସ ଇନଫର୍ମର ସନ୍ଦେହରେ ୨ଛାତ୍ରଙ୍କୁ ଗଳାକାଟି ହତ୍ୟା
  • ||
  • କରୋନା ଭୟରେ କଠୋର ହେଲା ହଂକଂ: ଭାରତକୁ ବିମାନ ଚଳାଚଳ ବନ୍ଦ, ୩ ମେ ଯାଏଁ ଲାଗିଲା କଟକଣା
  • ||
  • କଳାହାଣ୍ଡି : ନଳକୂପ ଅଛି ହେଲେ ପାଣି ବାହାରୁନି, ପାନୀୟ ଜଳ ଯୋଗାଣ ଦାବିରେ ସରପଞ୍ଚ, ପଞ୍ଚାୟତ ଓ ବ୍ଲକ୍ ଯନ୍ତ୍ରୀଙ୍କୁ ଅଟକ ରଖିଲେ ଗ୍ରାମବାସୀ
  • ||
  • କଳାହାଣ୍ଡି : ଲଡୁଗାଁରେ ବଢିଲା ସଟ୍ ଡାଉନ୍ ଅବଧି, ଆଉ ୪ଦିନ ରହିବ ବଳବତ୍ତର
  • ||
  • ରାଜ୍ୟରେ ୪ହଜାର ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୪୪୪୫ ପଜିଟିଭ୍ ଚିହ୍ନଟ
  • ||
  • କରୋନା ନେଲା ଜୀବନ: ପରଲୋକରେ ଜେଡିୟୁ ବିଧାୟକ ମେଓ୍ୱାଲାଲ ଚୌଧୁରୀ
  • ||

ଯୁବକଙ୍କୁ ପୋଡି ମାରିବାକୁ ଉଦ୍ୟମ କଲେ ପ୍ରେମିକାର ପରିବାରଲୋକେ ; ୭୦ ପ୍ରତିଶତ ପୋଡିଯାଇଥିବା ନରେନ୍ଦ୍ର କରୁଛନ୍ତି ଜୀବନସହ ସଂଗ୍ରାମ

1/11/2018 at 3:21 PM

ଆଲିଗଞ୍ଜ ୧/୧୧ : ଉତ୍ତର ପ୍ରଦେଶରେ ଘଟିଛି ଅଭାବନୀୟ ଘଟଣା | ଜଣେ ୨୨ ବର୍ଷ ବୟସ୍କ ଯୁବକଙ୍କୁ ତାଙ୍କ ପ୍ରେମିକାଙ୍କ ପରିବାରଲୋକେ ନିଆଁ ଲଗାଇ ପୋଡିଦେବା ଉଦ୍ୟମ କରିଛନ୍ତି | ଉତ୍ତର ପ୍ରଦେଶର ଇଟାହ ଜିଲ୍ଲା ଆଲିଗଞ୍ଜ ଅଂଚଳରେ ଗତକାଲି ଘଟିଛି ଏଭଳି ଅମାନୁଷିକ କାଣ୍ଡ | ଗୁରୁତର ଭାବେ ପୋଡି ଆହତ ହୋଇଥିବା ଯୁବକ ଜଣକ ହେଲେ ନରେନ୍ଦ୍ର ସାଖ୍ୟ |

ଆଲିଗଞ୍ଜ ଅଂଚଳର ଜଣେ ଯୁବତୀ କିଛି ଦିନ ହେଲା ଘରୁ ଫେରାର ଅଛନ୍ତି । ସଂପୃକ୍ତ ଯୁବତୀଙ୍କ ପରିବାର ସନ୍ଦେହ କରୁଥିଲେ ଯେ, ସେ ତାଙ୍କ ପ୍ରେମିକ ନରେନ୍ଦ୍ର ସାଖ୍ୟ ସହ କେଉଁ ଆଡେ ଚାଲିଯାଇଛି । ତେଣୁ ଝିଅକୁ ଖୋଜିବା ବଦଳରେ ନରେନ୍ଦ୍ରକୁ ଖୋଜିଥିଲେ । ନରେନ୍ଦ୍ର ମିଳିଗଲେ ଝିଅ ବି ମିଳିଯିବ ବୋଲି ଫେରାର ଝିଅର ପରିବାର ଲୋକେ ଭାବୁଥିଲେ । ଖୋଜା ଖୋଜି ପରେ ନିରେନ୍ଦ୍ରକୁ ଠାବ କରିପାରିଥିଲେ । ନରେନ୍ଦ୍ରଠାରୁ ଝିଅର ଖୋଜ ଖବର ନେବା ପାଇଁ ପରିବାର ଲୋକେ କୌଶଳ କରିଥିଲେ । ନରେନ୍ଦ୍ର ଓ ସେମାନଙ୍କ ଝିଅର ବାହାଘର କରିବା ପାଇଁ ପରିବାର ଚାହୁଁଥିବା ଧାରଣା ସୃଷ୍ଟି କରିବାକୁ ଉଦ୍ୟମ କରିଥିଲେ ।

ଯୋଜନା ଅନୁସାରେ ଯୁବତୀଙ୍କ ଜଣେ ସମ୍ପର୍କୀୟ ଉଭୟଙ୍କ ବାହାଘର ନେଇ କିଛି ଆଲୋଚନା କରିବା ପାଇଁ ନରେନ୍ଦ୍ରଙ୍କୁ ତାଙ୍କ ଘରକୁ ଡାକିଥିଲେ | ସେମାନଙ୍କ କଥାରେ ବିଶ୍ୱାସ କରି ନରେନ୍ଦ୍ର ତାଙ୍କ ଘରକୁ ମଧ୍ୟ ଯାଇଥିଲେ | ତାଙ୍କ ଘରେ ପହଂଚିବା କ୍ଷଣି ଯୁବତୀଙ୍କ ବାପା, ତାଙ୍କ ମଉସା ଏବଂ ଅନ୍ୟ ପରିବାର ସଦସ୍ୟ ନରେନ୍ଦ୍ରଙ୍କୁ ଅତି ନିର୍ମମ ଭାବେ ମାଡ ମାରିଥିଲେ | ମାଡ ମାରି ନରେନ୍ଦ୍ରଙ୍କୁ ଏକ କୋଠରୀରେ ବନ୍ଦ କରିଦେଇଥିଲେ | ବନ୍ଦ କରିବା ପରେ ତାଙ୍କ ଝିଅର ନିଖୋଜ ନେଇ ନରେନ୍ଦ୍ରଙ୍କୁ ପଚରାଉଚୁରା କରିଥିଲେ | କିନ୍ତୁ କିଛି ସଠିକ ତଥ୍ୟ ପାଇନଥିଲେ | ଏଥିରେ ଉତକ୍ଷିପ୍ତ ହୋଇ ସେମାନେ ନରେନ୍ଦ୍ରଙ୍କ ଉପରେ କିରୋସିନ ଢାଳି ନିଆଁ ଲଗାଇଦେଇଥିଲେ | ନରେନ୍ଦ୍ରଙ୍କ ପାଟି ଶୁଣି ପଡିଶା ଘରଲୋକେ ପୋଲିସକୁ ଖବର ଦେଇଥିଲେ | ପୋଲିସ ଆସିବା ଖବର ପାଇ ସମସ୍ତେ ଘଟଣାସ୍ଥଳରୁ ଫେରାର ହୋଇଯାଇଥିଲେ |

ପୋଲିସ ଘଟଣାସ୍ଥଳରେ ପହଂଚି ନରେନ୍ଦ୍ରଙ୍କୁ ଆଲିଗଞ୍ଜ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲା | ନରେନ୍ଦ୍ରଙ୍କ ଶରୀରର ୭୦ ପ୍ରତିଶତ ପୋଡି ଯାଇଛି | ତେବେ ଡାକ୍ତର ତାଙ୍କୁ ସାଇଫାଇ ମେଡିକାଲ କଲେଜ ସ୍ଥାନାନ୍ତର କରିଛନ୍ତି | ସେଠାରେ ଚିସେ ଏବେ ଜୀବନ ସହ ସଂଗ୍ରାମ କରୁଛନ୍ତି ।

ନରେନ୍ଦ୍ରଙ୍କ ପରିବାରଲୋକେ ଯୁବତୀଙ୍କ ପରିବାରଲୋକଙ୍କ ନାଁରେ ସ୍ଥାନୀୟ ଥାନାରେ ଏକ ମାମଲା ରୁଜ୍ଜୁ କରିଛନ୍ତି | ଅଭିଯୁକ୍ତଙ୍କ ଗିରଫ ଦାବି କରିଛନ୍ତି ପରିବାରଲୋକେ | ମାମଲା ଆଧାରରେ ପୋଲିସ ଦୁଇ ଜଣଙ୍କୁ ଗିରଫ କରିବାରେ ସକ୍ଷମ ହୋଇଛି | ଆଉ ଜଣେ ଏବେ ମଧ୍ୟ ଫେରାର ଅଛି | ପୋଲିସ ତାକୁ ଖୋଜାଖୋଜି କରୁଛି |

   Related Posts