Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଭରବ୍ରିଜ୍ ଉପରେ ବିରାଟ ଗାତ, ବିପଦସଙ୍କୁଳ ଅବସ୍ଥାରେ ଚଳାଚଳ କରୁଛି ଯାନବାହାନ
  • ||
  • ମାଟି ଘରେ ଶୋଇଥିଲେ ବୃଦ୍ଧା, ହଠାତ ମାଡି ବସିଲା କାନ୍ଥ
  • ||
  • ମାତିଛନ୍ତି ହାତୀପଲ : ଜଳକ୍ରୀଡା ପରେ ଭାଙ୍ଗୁଛନ୍ତି ଘର, ନଷ୍ଟ କରୁଛନ୍ତି ଫସଲ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୨୮ କୋଭିଡ୍ ପଜିଟିଭ୍
  • ||
  • ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଶିଳ୍ପନଗରୀରୁ ଗାଁ ଗହଳି ସବୁଠି ଉତ୍ସାହ
  • ||
  • ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ : ବିଜେପି କରୁଛି ୨୦ ଦିନିଆ ସେବା ସମର୍ପଣ ଅଭିଯାନ
  • ||
  • ଆଉ ଏକ ଲଘୁଚାପ : ୧୮ରୁ ବଢିବ ବର୍ଷା, ଉତ୍ତରରେ ଛେଚିବ
  • ||
  • ଭାଙ୍ଗିଗଲା ଓଭରବ୍ରିଜ୍‌ର ବିରାଟ ଖଣ୍ଡ, ୧୩ ଶ୍ରମିକ ଗୁରୁତର
  • ||
  • ଶୌଚ ପାଇଁ ଗଲା ବେଳେ ମାଡିଗଲା ଅଜଣା ଗାଡି, ୨ ମହିଳା ମୃତ
  • ||
  • ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଚକ-ଅଖ ସବୁ ଠପ୍
  • ||

ବିବାହିତା ମହିଳାଙ୍କୁ ଦ୍ୱିତୀୟ ବିବାହ କରିବା ଯୋଗୁଁ ଯୁବକଙ୍କୁ ପେଟ୍ରୋଲ ଢାଳି ନିଆଁ ଲଗାଇଦେଲେ ପୂର୍ବ ଶ୍ୱଶୁର ଘରଲୋକେ

4/12/2018 at 6:11 PM

ସୀତାମଢି ୪/୧୨ : ପ୍ରଥମ ସ୍ତ୍ରୀ ଥାଉ ଥାଉ ଆଉ ଜଣେ ବିବାହିତା ମହିଳାଙ୍କୁ ବିବାହ କରିବାରୁ ଯୁବକଙ୍କୁ ହତ୍ୟା କରିଦେଇଥିବା ଅଭିଯୋଗ ଆସିଛି | ବିହାରର ସୀତାମଢି ଜିଲ୍ଲାର ଓରଲହିଆରୁ ଘଟିଛି ଏଭଳି ଘଟଣା | ରବିବାର ଦିନ ଜଣେ ୨୫ ବର୍ଷ ବୟସ୍କ ଯୁବକଙ୍କୁ କିଛି ଲୋକେ ନିରଧୂମ ପିଟିଥିଲେ | ମାଡ ଖାଇ ଯୁବକ ଚେତାଶୂନ୍ୟ ହୋଇଯିବା ପରେ ତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ ଉତ୍ୟକ୍ତ ଲୋକେ | ଘଟଣାରେ ଯୁବକଙ୍କ ମୃତ୍ୟୁ ହୋଇଯାଇଛି | ମୃତ ଯୁବକ ହେଲେ ଶ୍ରବଣ ମହତୋ |

ସୂଚନାଯୋଗ୍ୟ ଯେ, ଏହି ବର୍ଷ ଏପ୍ରିଲ ମାସରେ ଶ୍ରବଣ ନିଜ ପ୍ରଥମ ସ୍ତ୍ରୀକୁ ଛାଡ଼ିଦେଇ ଦୁଖିଆ ନାମକ ଜଣେ ବିବାହିତା ମହିଳାଙ୍କୁ ବିବାହ କରିଥିଲେ | ତେବେ ମହିଳାଙ୍କୁ ବିବାହ କରିବା ପାଇଁ ଗାଁଲୋକେ ବାରଣ କରିଥିଲେ | କିନ୍ତୁ ଲୋକଙ୍କ ବାରଣ ସତ୍ୱେ ଶ୍ରବଣ ସେହି ମହିଳାଙ୍କୁ ବିବାହ କରିଥିଲେ | ଗାଁଲୋକେ ରାଗିଥିବା ଜାଣି ପୁଅ ବୋହୁ ସମେତ ସମସ୍ତ ପରିବାର ବାହାଘର ପରେ ଗାଁ ଛାଡି ପଳାଇଥିଲେ | କିନ୍ତୁ ଅକ୍ଟୋବର ମାସରେ ଶ୍ରବଣ ଏବଂ ଦୁଖିଆ ପୁଣି ନିଜ ଗାଁକୁ ଫେରିଥିଲେ | ଗତ ଦୁଇ ମାସ ହେଲା ସବୁ ଠିକ ଚାଲିଥିଲା | କିନ୍ତୁ ରବିବାର ଦିନ ଦୁଖିଆଙ୍କ ପୂର୍ବ ସ୍ୱାମୀ ଘରଲୋକ କିଛି ଅପରାଧୀଙ୍କୁ ପଠାଇ ଶ୍ରବଣ ଉପରେ ଆକ୍ରମଣ କରାଇଥିଲେ | ସେମାନେ ଆସି ଶ୍ରବଣଙ୍କୁ ନିରଧୂମ ମାଡ ମାରିଥିଲେ | ମାଡ ଖାଇ ଶ୍ରବଣ ଚେତାଶୂନ୍ୟ ହୋଇଯିବା ପରେ ସେମାନେ ଶ୍ରବଣଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ |
ଏନେଇ ଶ୍ରବଣଙ୍କ ଭାଇ ସାହିୱାର ଥାନାରେ ୧୫ ଜଣଙ୍କ ବିରୋଧରେ ଏତଲା ଦେଇଛନ୍ତି | ପୋଲିସ କହିଛି ଯେ, ଘଟଣାରେ ସମ୍ପୃକ୍ତ ସମସ୍ତ ଅଭିଯୁକ୍ତ ଫେରାର ଅଛନ୍ତି | ତେବେ ଅଭିଯୁକ୍ତଙ୍କୁ ଗିରଫ କରିବା ପାଇଁ ପୋଲିସ ବିଭିନ୍ନ ଥାନାରେ ଚଢ଼ାଉ କରୁଛି |

ପୋଲିସ ସୂତ୍ରରୁ ଜଣାପଡିଛି ଯେ, ଶ୍ରବଣ ଆଉ ଦୁଖିଆଙ୍କ ବାହାଘର ପରେ ଦୁଖିଆଙ୍କ ପୂର୍ବ ଶ୍ୱଶୁର ଅଭିଯୋଗ କରିଥିଲେ ଯେ, ଶ୍ରବଣ ତାଙ୍କ ବୋହୁ ଦୁଖିଆକୁ କିଡନାପ କରିନେଇଛି | ହତ୍ୟା ପୂର୍ବରୁ ମଧ୍ୟ ଦୁଖିଆଙ୍କ ଶ୍ୱଶୁର ଲୋକ ଲଗେଇ ତାଙ୍କୁ କିଡନାପ କରିବା ପାଇଁ ଚେଷ୍ଟା କରିଥିଲେ | କିନ୍ତୁ ଗାଁଲୋକେ ସେମାନଙ୍କୁ ଏଭଳି କରିବାକୁ ବାଧା ଦେଇଥିଲେ | ଫଳରେ ସେମାନେ ଫେରି ଯାଇଥିଲେ | ପୁଣି ରବିବାର କିଛି ଅପରାଧୀଙ୍କୁ ପଠାଇ ଏଭଳି କାଣ୍ଡ ଘଟେଇଥିଲେ |

   Related Posts