Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଲେଶ୍ବର : ୧୬ନଂ ଜାତୀୟ ରାଜପଥ କୁରୁଡା ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଆଠମଲ୍ଲିକ : ଦେଉଳଝରି ନିକଟରେ ଓଲଟିଲା କୋଇଲା ବୋଝେଇ ଟ୍ରକ୍
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଗୁରୁତର
  • ||
  • ସମ୍ବଲପୁର : ଅପରେସନ ବେଳେ ଖାଦ୍ୟନଳୀ କାଟିଦେଲେ ଡାକ୍ତର, ଗୁରୁତର ଅବସ୍ଥାରେ ମହିଳା ବୁର୍ଲାରେ ଭର୍ତ୍ତି
  • ||
  • ସମ୍ବଲପୁର : ଡାକ୍ତରଖାନାରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଯୁବକ ଅଟକ
  • ||
  • ସୋନପୁର : ଘର ଭାଙ୍ଗି ଶୋଇଥିବା ବୃଦ୍ଧଙ୍କୁ ଦଳିଦେଲା ଦନ୍ତା
  • ||
  • ସୋର : ଟଙ୍କା ପାଇଁ ଯୁବକଙ୍କୁ ଅପହରଣ ଘଟଣା, କୋଲକାତାରୁ ଅପହୃତ ତାପସ ଉଦ୍ଧାର
  • ||
  • ସୁନ୍ଦରଗଡ଼ : ନଦୀ ପଠାରେ ପଡିଛି ଶରୀରର ବିଭିନ୍ନ କଟା ଅଂଶ, ହତ୍ୟା ପରେ ଫିଙ୍ଗାଯାଇଛି !
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||

ଅପହୃତ ଯୁବକ ହେଲେ ଉଦ୍ଧାର, ୬ ଅଭିଯୁକ୍ତ ଗିରଫ

22/11/2019 at 2:55 PM

ରାୟଗଡ ୨୨।୧୧: ରାୟଗଡା ପୋଲିସ ହାତରେ ଧରାପଡିଛି ଏକ ବଡ ଧରଣର ଅପହରଣକାରୀ ଗ୍ୟାଙ୍ଗ୍ । ଏହି ପେସାଦାର ଅପରାଧୀ ଗ୍ୟାଙ୍ଗକୁ ଧରିବାରେ ପୋଲିସକୁ ମିଳିଛି ବଡ ସଫଳତା । ସେମାନଙ୍କ ନିକଟରୁ ଅପହୃତ ଯୁବକଙ୍କ ଉଦ୍ଧାର କରିଛି ପୋଲିସ ।

ସୂଚନାଯୋଗ୍ୟ ଯେ, ସୁବର୍ଣ୍ଣପୁର ଜିଲ୍ଲା ଅନ୍ତର୍ଗତ ଏସ.ରାମପୁର ଗ୍ରାମର ଜଣେ ଯୁବକଙ୍କୁ ଗତ ୧୯ତାରିଖ ସଂଧ୍ୟାରେ ଅପହରଣ କରାଯାଇଥିଲା । ଧାନବାଦ-ଆଲଫୁଜା ଟ୍ରେନ୍ ଭିତରୁ ବିଭୁତି ପୁଜାରୀ ନାମକ ୧୯ ବର୍ଷ ବୟସ୍କ ଯୁବକଙ୍କୁ ଅପହରଣ କରି ଲାଡ୍ଡା ଷ୍ଟେସନରୁ ନିଆଯାଇଥିଲା । ବିଶାଖାପାଟଣାଠାର ଟିଟିଲାଗଡ ଯାଉଥିବା ସମୟରେ ଏହି ଅପହରଣ ହୋଇଥିଲା। ଅପହରଣ ପରେ ୧୦ଲକ୍ଷ ଟଙ୍କା ଦାବିକରି ହତ୍ୟା ଚେତାବନୀ ଦିଆଯାଇଥିଲା। ଏହି ଘଟଣାରେ ବିଭୁତିଙ୍କ ବାପା ପଂଚାନନ ପୁଜାରୀ ରାୟଗଡା ଥାନାରେ ମାମଲା ରୁଜୁ କରିଥିଲେ।

ଘଟଣାର ଅନୁସନ୍ଧାନ କରି ଆଜି ଭୋରରୁ ରାୟଗଡା ବ୍ଲକ ବାରିଝୋଲା ଜଙ୍ଗଲରୁ ଅପହୃତ ବିଭୁତିଙ୍କୁ ପୁଲିସ ଉଦ୍ଧାର କରିବା ସହ ୬ ଜଣ ଅଭିଯୁକ୍ତଙ୍କୁ ଗିରଫ କରିଥିବା ରାୟଗଡା ଏସପି ଡଃ ଶର୍ବଣା ବିବେକ. ଏମ ସୂଚନା ଦେଇଛନ୍ତି । ଗିରଫ ଅଭିଯୁକ୍ତମାନଙ୍କ ମଧ୍ୟରେ ୩ ଜଣ ନାବାଳକ ରହିଛନ୍ତି । ଅନ୍ୟ ୩ ଜଣ ହେଲେ ରାୟଗଡା ସହରସୁଣ୍ଡି ସୁରଜ, କୋତାପେଟାର ସୁଣ୍ଡି ପ୍ରକାଶ ଓ ଜି. ଓ ସୁରେଶ। ସମସ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି।

ଏହା ବ୍ୟତୀତ ଅନ୍ୟ ୫ ଜଣ ଫେରାର ଅଛନ୍ତି । ଗିରପ ଅଭିଯୁକ୍ତଙ୍କ ନିକଟରୁ ଗୋଟିଏ ପିସ୍ତଲ, ଦୁଇଟି ଗୁଳି, ଟାଙ୍ଗିଆ, ଖଣ୍ଡା, ଛୁରି ସମେତ ଅନ୍ୟାନ୍ୟ ମାରଣାସ୍ତ୍ର ଜବତ ହୋଇଛି । ସେହିଭଳି ଘଟଣାରେ ବ୍ୟବହୃତ ଗୋଟିଏ ବୋଲେରୋ, ଗୋଟିଏ ଅଟୋ, ଗୋଟିଏ ବୁଲେଟ ଓ ଗୋଟିଏ ସ୍କୁଟି ଗାଡି ଜବତ କରିଛି ପୋଲିସ।

   Related Posts