Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନିଖୋଜ ଯୁବକଙ୍କ ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ

20/08/2020 at 4:05 PM

ବଡବିଲ୨୦।୮: କେନ୍ଦୁଝର ଜିଲ୍ଲା ଯୋଡା ଥାନା ଅନ୍ତର୍ଗତ ବିଲେଇପଦା କାରଣସାହି ଅଂଚଳର ସନ୍ତୋଷ ମୁଣ୍ଡା ନାମକ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି ।

ସନ୍ତୋଷଙ୍କ ଭାଇ ଶିବନାଥଙ୍କ କହିବା ଅନୁଯାୟୀ ଗତ ମଙ୍ଗଳବାର ଦିନ ଗାଈ ଚରାଇବାକୁ ଯାଇ ସନ୍ତୋଷ ଆଉ ଘରକୁ ଫେରି ନଥିଲେ । ତେବେ ବହୁ ଖୋଜାଖୋଜି ପରେ ଗୁରୁବାର ଗାଁଠାରୁ କିଛି ଦୂରରେ ଏକ ନାଳ ନିକଟରୁ ତାଙ୍କ ମୃତଦେହ ଉଦ୍ଧାର କରାଯାଇଛି ।

ଖବର ପାଇ ଯୋଡା ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଛି । କେଉଁ ପରିସ୍ଥିତିରେ ସନ୍ତୋଷଙ୍କ ମୃତ୍ୟୁ ହେଲା ଏବଂ ଏହା ଏକ ଦୁର୍ଘଟଣା ଜନିତ ମୃତ୍ୟୁ ନା ହତ୍ୟାକାଣ୍ଡ ତାହା ତଦନ୍ତ ପରେ ସ୍ପଷ୍ଟ ହୋଇପାରିବ ।

   Related Posts