Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଲରୁ ଯୁବକଙ୍କ ମୃତଦେହ ଉଦ୍ଧାର, ଭାଉଜର ସମ୍ମାନ ରକ୍ଷାକରି ବଳି ପଡିଲେ ଦିଅର !

11/06/2020 at 8:43 AM

ଆନନ୍ଦପୁର ୧୧।୬: ପଡୋଶୀ କବଳରୁ ଭାଉଜକୁ ବଞ୍ଚାଇବା ଦିଅର ପାଇଁ ହେଲା କାଳ । ଶେଷରେ ଚାଲିଗଲା ଦିଅରର ଜୀବନ । ଏଭଳି ଘଟଣା ଦେଖିବାକୁ ମିଳିଛି ଘସିପୁରା ଥାନା କୁମୁଡ ଗାଁରେ ।

ସୂଚନାଯୋଗ୍ୟ ଯେ, ବୁଧବାର ଗାଁର ଜଣ ମହିଳାଙ୍କୁ ତାଙ୍କ ପଡୋଶୀ ଖରାପ ଭାଷାରେ ଗାଳିଗୁଲଜ କରିବା ସହ ମାଡ ମାରିଥିଲେ । ଏହି ସମୟରେ ଦିଅର ଦିବାକର ନାୟକ ମଝିରେ ପଶି କଳି ଛଡାଇଥିଲା । ଏହି କାରଣକୁ କେନ୍ଦ୍ରକରି ଅଯୋଧ୍ୟାଙ୍କ ପୁଅ ସିପୁ ଦିବାକରଙ୍କୁ ଜୀବନରୁ ମାରିଦେବା ପାଇଁ ଧମକ ଦେଇଥିଲେ ।

ତେବେ ବୁଧବାର ବିଳମ୍ବିତ ରାତିରେ ଦିବାକରଙ୍କ ମୃତଦେହ ଗାଁ ନିକଟ ଏକ ବିଲରେ ପଡିଥିବା ଦେଖି ଗାଁ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଅଭିଯୁକ୍ତ ସିପୁକୁ ଅଟକ ରଖି ପଚାରା ଉଚାରା କରୁଛି ।

   Related Posts