ସୋର ୬।୬: ଉଗ୍ରରୂପ ନେଲା ପାରିବାରିକ କଳହ । ଯୁବକଙ୍କୁ ହତ୍ୟା କରାଯାଇଥିବା ଅଭିଯୋଗ । ବାଲେଶ୍ଵର ଜିଲ୍ଲା ଔପଦା ଥାନା ତଳକିଆ ପଞ୍ଚାୟତ ବିରିହା ଗ୍ରାମରୁ ଏଭଳି ଅଭିଯୋଗ ଆସିଛି । ଗ୍ରାମର ୪୨ ବର୍ଷ ବୟସ୍କ ମଙ୍ଗୁଳୁ ଦଳେଇଙ୍କ ପରିବାରରେ କଳହ ଲାଗି ରହିଥିଲା । ମଙ୍ଗୁଳୁଙ୍କ କାର୍ଯ୍ୟକଳାପକୁ ତାଙ୍କ ପତ୍ନୀ ଜୟନ୍ତୀ ଦଳେଇ ଓ ପୁଅ-ଝିଅ ବିରୋଧ କରିଆସୁଥିଲେ।

{"id":281969,"sizeSlug":"large"}

ପତ୍ନୀ ଜୟନ୍ତୀଙ୍କ ବୟାନ ଅନୁସାରେ ତାଙ୍କ ସ୍ବାମୀ ମଙ୍ଗୁଳୁ ଅଧିକାଂଶ ସମୟରେ ମଦ୍ୟପାନ କରି ଆସି ଘରେ ଗଣ୍ଡଗୋଳ କରନ୍ତି । ଗତକାଲି ରାତିରେ ସେ ମଦ୍ୟପାନ କରି ମୋ ସହ ପୁଅ-ଝିଅଙ୍କୁ ମଧ୍ୟ ଗାଳିଗୁଳଜ ଓ ମାରପିଟ କରିଥିଲେ । ଏହାପରେ ସେ ଶୋଇ ପଡିଥିଲେ । ତେବେ ବିଳମ୍ବିତ ରାତିରେ କିରୋସିନି ଢାଳି ହୋଇ ସେ ଆତ୍ମହତ୍ୟା କରିଛନ୍ତି ବୋଲି ତାଙ୍କ ପତ୍ନୀ କହିଛନ୍ତି ।

{"id":281970,"sizeSlug":"large"}

ଅନ୍ୟପଟେ ମଙ୍ଗୁଳୁକୁ ତିନି ଜଣ ମିଶି ପିଟିପିଟି ମାରିଦେବା ପରେ କିରୋସିନି ଢାଳି ପୋଡିଦେଇ ଆତ୍ମହତ୍ୟା ରୂପ ଦେଉଛନ୍ତି ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ଖବର ପାଇ ଘଟଣାସ୍ଥଳରେ ଆଇଆଇସି ସୁଜାତା ଖମାରୀ ଓ ଏଏସଆଇ ନଗେନ ଦାସ ସଦଳବଳେ ପହଞ୍ଚି ତଦନ୍ତ ଜାରି ରଖିଥିବାର ଜଣାପଡିଛି। ଗ୍ରାମବାସୀଙ୍କ ଅଭିଯୋଗକୁ ଭିତ୍ତିକରି ସାଇଣ୍ଟିଫିକ୍ ଟିମ୍ ଡକାଯାଇଛି ବୋଲି ଆଇଆଇସି ସୁଜାତା ଖମାରି ସୂଚନା ଦେଇଛନ୍ତି।