ଝାରସୁଗୁଡା ୨୧।୧୦: ଇବ୍ ନଦୀ ନିକଟରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣଙ୍କ ହେଉଛନ୍ତି ପଙ୍କଜ କୁମାର । ସେ ଝାଡଖଣ୍ଡ ଅଂଚଳରୁ ଆସି ବ୍ରଜରାଜନଗରରେ ରହୁଥିଲେ ।
ସୂଚନାଯୋଗ୍ୟ ଯେ, ଇବ୍ ନଦୀ ନିକଟରେ ପଙ୍କଜଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ ସ୍ଥାନୀୟ ଲୋକ । ମୃତଦେହ ଦେଖି ସ୍ଥାନୀୟ ଲୋକ ପୋଲିସକୁ ସୂଚନା ଦେଇଥିଲେ । ଖବର ପାଇ ଘଟଣାସ୍ଥଳରେ ଝାରସୁଗୁଡା ସଦର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଝାରସୁଗୁଡା ଏସପି ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛନ୍ତି ।
ପଙ୍କଜଙ୍କୁ କେହି ଗୁଳି ମାରି ହତ୍ୟା କରିବା ପରେ ଇବ୍ ନଦୀ ନିକଟରେ ଫିଙ୍ଗି ଦେଇଥିବା ଅନୁମାନ କରୁଛି ପୋଲିସ । ଘଟଣାର ଅଧିକ ତଦନ୍ତ ଜାରି ରଖିଛି ଝାରସୁଗୁଡା ସଦର ଥାନା ପୋଲିସ ।