Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ପ୍ରେମ ବିବାହର ୪ ବର୍ଷ ପରେ ଯୁବକଙ୍କୁ ପିଟି ପିଟି ହତ୍ୟା, ପତ୍ନୀ ନାଁରେ ମାମଲା

26/10/2020 at 4:48 PM

ଫତେହାବାଦ ୨୬।୧୦: ହରିୟାଣା ଫତେହାବାଦରେ ଜଣେ ଯୁବକଙ୍କୁ ପିଟି ପିଟି ହତ୍ୟା କରାଯାଇଛି । ଯୁବକ ଜଣଙ୍କ ଏକ ବିବାହ ଉତ୍ସବରେ ଯୋଗଦେବାକୁ ଆସିଥିଲେ । ସେଠାରୁ ଯୁବକ ଜଣଙ୍କ ଶ୍ବଶୁର ଘରକୁ ଯାଇଥିଲେ । ସୂଚନାଯୋଗ୍ୟ ଯେ, ୪ ବର୍ଷ ପୂର୍ବରୁ ତାଙ୍କର ପ୍ରେମ ବିବାହ ହୋଇଥିଲା । ମୃତକଙ୍କ ପରିବାରଲୋକ ଅଭିଯୋଗ ଅନୁସାରେ ଯୁବକଙ୍କ ସ୍ତ୍ରୀ ଧୋକ୍କାରେ ଯୁବକଙ୍କୁ ହତ୍ୟା କରିଛି । ଏହି ମାମଲାରେ ଯୁବକଙ୍କ ଶ୍ବଶୁରଘର ଲୋକ ପକ୍ଷରୁ ୧୧ ଜଣଙ୍କ ବିରୋଧରେ ଏଫଆଇଆର ରୁଜୁ କରାଯାଇଛି ।

ଫତେହାବାଦ ନିରକି ଅହଲି ଗାଁରେ ୩୨ ବର୍ଷ ବୟସ୍କ ଯୁବକ ନିଶାନ୍ତଙ୍କୁ ଅତି ନୃଶଂସ ଭାବେ ପିଟି ପିଟି ହତ୍ୟା କରାଯାଇଛି । ଯୁବକ ଜଣଙ୍କ ଏଠାକୁ ଏକ ବିବାହ ଉତ୍ସବରେ ଯୋଗ ଦେବାପାଇଁ ଆସିଥିଲା । ମୃତକଙ୍କ ଭଉଣୀ ନିତାଶା କହିଛନ୍ତି ଯେ, ବିବାହ ଉତ୍ସବରେ ଥିବା ବେଳେ ଭାଇ ନିଶାନ୍ତଙ୍କ ନିକଟକୁ ତାଙ୍କ ପତ୍ନୀ ଅନୀତା ଫୋନ୍ କରିଥିଲେ । ଫୋନ୍ ଆସିବା ପରେ ନିଶାନ୍ତ ତାଙ୍କ ଶ୍ବଶୁରଘରକୁ ପଳାଇ ଯାଇଥିଲେ । ସେଠାରେ ସେମାନଙ୍କ ମଧ୍ୟରେ କଣ ଘଟିଥିବା ତାହା ସ୍ପଷ୍ଟ ଜଣାପଡିନାହିଁ । ପରେ ପରିବାରଲୋକଙ୍କୁ ତାଙ୍କ ମୃତ୍ୟୁ ଖବର ମିଳିଥିଲା । ନିତାଶା କହିଛନ୍ତି ଯେ, ୪ ବର୍ଷ ପୂର୍ବରୁ ତାଙ୍କର ଅଲଗା ଜାତିର ଝିଅ ସହ ପ୍ରେମ ବିବାହ ହୋଇଥିଲା । ଏହାକୁ ନେଇ ଅନୀତାଙ୍କ  ପରିବାର ଲୋକ ପ୍ରତିଶୋଧ ପରାୟଣ ହୋଇ ତାଙ୍କୁ ହତ୍ୟା କରିଥିବା ନେଇ ସେ ଅଭିଯୋଗ କରିଥିଲେ ।

ପୋଲିସ କହିଛି ଯେ, ମୃତକଙ୍କ ଶବ ପୋଷ୍ଟମର୍ଟମ ପାଇଁ ପଠାଇ ଦିଆଯାଇଛି । ପୋଲିସ ଘଟଣାର ଯାଞ୍ଚ କରୁଛି । ପରିବାରଲୋକଙ୍କ ଅଭିଯୋଗ କ୍ରମେ ୧୧ ଜଣଙ୍କ ବିରୋଧରେ ହତ୍ୟା ମାମଲା ରୁଜୁ କରାଯାଇଛି । କିଛି ଲୋକଙ୍କୁ ପୋଲିସ ଗିରଫ ମଧ୍ୟ କରିଛି । ସେମାନଙ୍କୁ ପୋଲିସ ପଚରାଉଚରା କରୁଛି ।

   Related Posts