ଚାନ୍ଦବାଲି ୨।୩: ଭଦ୍ରକ-ଧାମରା ରେଳପଥ ବଂଶଡା ବ୍ରିଜ୍ ନିକଟରେ ରେଳପଥରେ କଟି ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ହେଉଛନ୍ତି ବାଂଶଡା ଥାନା ନୂଆଗାଁ ପଞ୍ଚାୟତ ଇଚ୍ଛାପୁର ଗାଁରେ କିଣୁ ବେହେରାଙ୍କ ପୁଅ କାଳିଆ ବେହେରା । ପାରିବାରିକ କଳହ ପାଇଁ କାଳିଆ ଟ୍ରେନ୍ ଲାଇନରେ ଆତ୍ମହତ୍ୟା କରିଛନ୍ତି ବୋଲି ଅନୁମାନ କରାଯାଉଛି ।
କାଳିଆଙ୍କୁ ପରିବାର ଲୋକେ ସୋମବାର ରାତିରେ ଖୋଜାଖୋଜି କରିଥିଲେ । ତେବେ ମଙ୍ଗଳବାର ସଖାଳୁ ତାଙ୍କର ମୃତଦେହ ଟ୍ରେନ୍ ଲାଇନରୁ ମିଳିଥିଲା । ସ୍ଥାନୀୟ ବାସିନ୍ଦାଙ୍କଠାରୁ ଖବର ପାଇ ବଂଶଡା ପୋଲିସ ପହଞ୍ଚି ଶବକୁ ଜବତ କରିବା ସହ ଅଧିକ ତଦନ୍ତ ଆରମ୍ଭ କରିଛି ।