ଚାନ୍ଦବାଲି ୫।୪: ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ତୋଟାପଡ଼ା ପଞ୍ଚାୟତ ତୋଟାପଡ଼ା ଗାଁରେ ବିଜୁଳି ଆଘାତରେ ଜଣେ ଯୁବକଙ୍କର ମୃତ୍ୟୁ ହୋଇଛି । ମୃତ ଯୁବକ ଜଣଙ୍କ ହେଉଛନ୍ତି ତୋଟାପଡ଼ା ଗାଁର ଧୂଶାସନ ନାୟକଙ୍କ ପୁଅ ସର୍ବଶ୍ବର ନାୟକ ।
ସୂଚନାଯୋଗ୍ୟ ଯେ, ସୋମବାର ସର୍ବଶ୍ବେରଙ୍କ କୋଠଘର କାମ ଚାଲିଥିବା ବେଳେ ପାଣି ମଟର ଚାଲୁ କରୁଥିବା ସମୟରେ ବିଦ୍ୟୁତ ତାର ସଂସ୍ପର୍ଶରେ ଆସି ଗୁରୁତର ହୋଇ ପଡ଼ିଥିଲେ । ସର୍ବେଶ୍ବରଙ୍କୁ ପରିବାର ଲେକେ ୧୦୮ ଆମ୍ବୁଲାନ୍ସ ଯୋଗେ ତିହିଡ଼ି ମେଡ଼ିକାଲରେ ଭର୍ତ୍ତି କରିଥିଲେ । ମାତ୍ର ଡ଼ାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ମୃତକଙ୍କ ପରିବାର ଲୋକଙ୍କ ଅଭିଯୋଗ ଆଧାରରେ ବାଂଶଡ଼ା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯିବା ସହ ଶବ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି ।
