ଜଗତସିଂହପୁର, ୧୯/୧୦: ଜଗତସିଂହପୁର ସଦର ଥାନା ବଡ଼ ବାଗ ଗାଁରେ ଦୁଇ ଦିନ ହେବ ଜଣେ ଯୁବକ ନିଖୋଜ ଥିବା ଜଣାପଡ଼ିଛି । ନିଖୋଜ ଯୁବକ ବଡ଼ ବାଗ ଗାଁର ରାମଚନ୍ଦ୍ର ସାହୁ । ସାଙ୍ଗ ମାନଙ୍କ ସହ ଭୋଜି କରିବାକୁ ଯାଇଥିବା ବେଳେ ରାମଚନ୍ଦ୍ର ଆଉ ଘରକୁ ଫେରି ନଥିଲେ । ରାମଙ୍କୁ ହତ୍ୟା କରାଯାଇଥିବା ସନ୍ଦେହ କରି ପରିବାର ପକ୍ଷରୁ ଜଗତସିଂହପୁର ଥାନାରେ ଏତଲା ଦିଆଯାଇଛି । ଗାଁ ଭିତରେ ଥିବା ଏକ ପୋଖରୀ କୂଳରୁ ନିଖୋଜ ଯୁବକଙ୍କ ଚପଲ ଉଦ୍ଧାର ହୋଇଛି । ପୋଲିସ ଏନେଇ ତନା ଘନା ଚଳାଇଛି । ଦୁଇ ଜଣ ଯୁବକଙ୍କୁ ସଦର ଥାନାରେ ପୋଲିସ୍‌ ଅଟକ ରିଖିଛି ।