Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ପୁରୀ ସମୁଦ୍ର ହୋଇଉଠୁଛି ଅଶାନ୍ତ ; ଭାସିଗଲେ ବାଙ୍କୀର ଯୁବକ, ଉଦ୍ଧାରକାର୍ଯ୍ୟ ଜାରି

29/03/2019 at 2:55 PM

ପୁରୀ ୨୯|୩ :  ପୁରୀ ସମୁଦ୍ରରେ ଗାଧୋଉଥିବାବେଳେ ଜଣେ ଯୁବକ ଭାସିଯାଇଛନ୍ତି । ଆଜି ଦିନ ପ୍ରାୟ ୧ଟା ବେଳକୁ ବାଙ୍କୀରୁ ଆସିଥିବା ୪ଜଣ ସାଙ୍ଗ ପୁରୀ ସମୁଦ୍ରରେ ଗାଧାଉଥିଲେ । ଏହି ସମୟରେ ଭବରଞ୍ଜନ ଦାସ ନାମକ ଜଣେ ଯୁବକ ଟାଣି ହୋଇ ସମୁଦ୍ର ଭିତରକୁ ଭିତରକୁ ଚାଲିଯାଇଥିଲେ । ସାଙ୍ଗରେ ଥିବା ଅନ୍ୟ ୩ଜଣ ସାଙ୍ଗ ଭବରଞ୍ଜନଙ୍କୁ ଉଦ୍ଧାର କରିବା ପାଇଁ ଉଦ୍ୟମ କରି ବିଫଳ ହୋଇଥିଲେ । ତୁରନ୍ତ ଲାଇଫ୍ ଗାର୍ଡଙ୍କ ସହାୟତା ମିଳିନଥିଲା । ବହୁ ବିଳମ୍ବରେ ଲାଇଫ୍ ଗାର୍ଡ ଏବଂ ଅଗ୍ନିଶମବାହିନୀ ପହଞ୍ଚି ଭାସିଯାଇଥିବା ଭବରଞ୍ଜନଙ୍କୁ ଖୋଜିବା କାମରେ ଲାଗିଛନ୍ତି । ଇତିମଧ୍ୟରେ ଦୀର୍ଘ ଦୁଇ ଘଣ୍ଟା ବିତିଯାଇଥିଲେ ମଧ୍ୟ ଭବରଞ୍ଜନଙ୍କ କୌଣସି ପତ୍ତା ମିଳିନାହିଁ । ଖବର ପାଇ ବାଙ୍କୀରୁ ଭବରଞ୍ଜନଙ୍କ ପରିବାରଲୋକ ପୁରୀରେ ପହଞ୍ଚିଛନ୍ତି ।

ସୂଚନାଯୋଗ୍ୟ ଯେ, ଆଜି ଦିନ ୧୦ଟାରୁ ସ୍ବର୍ଗଦ୍ବାର ଓ ପୁରୀ ହୋଟେଲଠାରୁ ଚକ୍ରତୀର୍ଥ ରୋଡ୍ ମଧ୍ୟରେ ପୁରୀ ସମୁଦ୍ର ଅତ୍ୟଧିକ ଅଶାନ୍ତ ରହିଥିଲା । ଜିଲ୍ଲା ପ୍ରଶାସନ ଓ ପୋଲିସ ପାଖରେ ସମୁଦ୍ର ଅଶାନ୍ତ ଥିବା ଖବର ଥିଲେ ମଧ୍ୟ ସମୁଦ୍ରକୁ ଗାଧାଇବା ପାଇଁ ଆସୁଥିବା ପର୍ଯ୍ୟଟକଙ୍କୁ ସତର୍କ କରିବା ପାଇଁ କୌଣସି ପଦକ୍ଷେପ ନିଆଯାଇନଥିଲା । ହୋଲି ପରଠାରୁ ପୁରୀରେ ୨ଲକ୍ଷରୁ ଅଧିକ ପର୍ଯ୍ୟଟକ ରହିଛନ୍ତି । କିନ୍ତୁ ପର୍ଯ୍ୟଟକଙ୍କୁ ସମୁଦ୍ରର ସ୍ଥିତି ସଂପର୍କରେ ସୂଚନା ଦେବାଲାଗି କୌଣସି ବିଶେଷ ବ୍ୟବସ୍ଥା ଗ୍ରହଣ କରାଯାଇନାହିଁ ।

   Related Posts