Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଗ୍‌ଚି ଦମ୍ପତ୍ତିଙ୍କୁ ପ୍ରଶଂସା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଭୁବନେଶ୍ବରରେ କ୍ୟାନସର ହସ୍ପିଟାଲ ଏବଂ କେୟାର ସେଣ୍ଟର ପାଇଁ ସୁବ୍ରତୋ-ସୁସ୍ମିତା ଦେବେ ୪୩୦ କୋଟି ଟଙ୍କା
  • ||
  • ହସ୍ପିଟାଲରୁ ଡିସ୍‌ଚାର୍ଜ ହେଲେ ରାଷ୍ଟ୍ରପତି ରାମନାଥ କୋବିନ୍ଦ, ମାର୍ଚ୍ଚ ୩୦ରେ ହୋଇଥିଲା ବାଇପାସ୍‌ ସର୍ଜରୀ
  • ||
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||
  • ଭୁବନେଶ୍ବର : ଡାକ୍ତରଖାନା ପାଇଁ କୋଭିଡ୍ ଗାଇଡ୍‌ଲାଇନ୍, ଆବଶ୍ୟକତା ନଥିଲେ ସଂକ୍ରମିତଙ୍କୁ ଆଡମିଶନ ମନା
  • ||
  • ସରିଲା ରାଜ୍ୟ କ୍ୟାବିନେଟ୍‌ ବୈଠକ, ୯ଟି ପ୍ରସ୍ତାବ ଉପରେ ବାଜିଲା ମୋହର
  • ||
  • ଭୁବନେଶ୍ବର : BMCର ପେଡ୍ କ୍ବାରେଣ୍ଟାଇନ୍ ବ୍ୟବସ୍ଥା, ନନ୍ ଏସି ୧୦୯୯ ଓ ଏସି ରୁମ୍ ୧୪୯୯ ଟଙ୍କା
  • ||

ବୋରୱେଲରେ ପଡି ପ୍ରାଣ ହରାଉଥିବା ଶିଶୁଙ୍କୁ ଉଦ୍ଧାର କରିବ ରୋବର୍ଟ

30/06/2019 at 6:05 PM

ଅମାରୋଲି ୩୦/୬ : ବୋରୱେଲରେ ପଡି ଶିଶୁଙ୍କ ମୃତ୍ୟୁ ଘଟଣା ଦେଶରେ ବହୁତ ଘଟୁଛି । ପ୍ରଶାସନର ଭୁଲ ପାଇଁ ହେଉ କି ପରିବାର ଲୋକଙ୍କ ଭୁଲ ପାଇଁ ବୋରୱେଲ ଗାତରେ ପଡି ଅନେକ ଶିଶୁ ପ୍ରାଣ ହରାଉଛନ୍ତି । କାରଣ ଅନେକ ଚେଷ୍ଟା ପରେ ମଧ୍ୟ ତାଙ୍କୁ ଉଦ୍ଧାର କରାଯାଇ ପାରୁନାହିଁ । କିନ୍ତୁ ଏହି ସମସ୍ୟାର ସମାଧାନ ଗୁଜରାଟ ଅମାରୋଲିର ଜଣେ ଯୁବକ ବାହାର କରିଛନ୍ତି । ସେ ଏମିତି ଏକ ରୋବର୍ଟ ତିଆରି କରିଛନ୍ତି, ଯାହା ସାହାଯ୍ୟରେ ବୋରୱେଲରେ ପଡ଼ିଯାଇଥିବା ଶିଶୁଙ୍କୁ ସହଜରେ ଉଦ୍ଧାର କରାଯାଇପାରିବ ।

ଗୁଜରାଟ ଅମରୋଲିର ମହେଶ ଆହିର ବୋରୱେଲ ଗାତରୁ ଶିଶୁଙ୍କୁ ଉଦ୍ଧାର କରିବା ପାଇଁ ଏକ ଅଭିନବ ଉପାୟ ବାହାର କରିଛନ୍ତି । ସେ ଏକ ରୋବର୍ଟ ତିଆରି କରିଛନ୍ତି ଯାହାଦ୍ୱାରା ଶିଶୁଙ୍କୁ ଉଦ୍ଧାର କରାଯାଇ ପାରିବ ।

ବାଙ୍ଗାଲୁରୁରୁ ବିଟେକ କରି ଏହି ଚାଷୀଙ୍କ ପୁଅ ମାତ୍ର ୬୦ ହଜାର ଟଙ୍କା ବ୍ୟୟରେ ଏହି ରୋବର୍ଟକୁ ତିଆରି କରିଛନ୍ତି । ଏହି ରୋବର୍ଟ ମାତ୍ର ୨୫ ମିନିଟ ଭିତରେ ଶିଶୁଙ୍କୁ ବୋରୱେଲରୁ ଉଦ୍ଧାର କରିପାରିବ । ରୋବର୍ଟର ବିଶେଷତ୍ୱ ହେଲା ଏଥିରେ ଏକ କ୍ୟାମେରା ମଧ୍ୟ ଲାଗିଛି । ଶିଶୁ ବୋରୱେଲର କେଉଁଠାରେ ଫସି ରହିଛି ତାହା କ୍ୟାମେରା ସାହାଯ୍ୟରେ ଦେଖିହେବ । ଶିଶୁକୁ କିଭଳି ଉଦ୍ଧାର କରାଯାଇପାରିବ ତାହା କ୍ୟାମେରା ମାଧ୍ୟମରେ ଜାଣିହେବ । 

ଏହି ରୋବର୍ଟକୁ ରିମୋଟ ଦ୍ୱାରା ନିୟନ୍ତ୍ରଣ କରାଯାଇପାରିବ । ମହେଶ କହିଛନ୍ତି ଗାଁମାନଙ୍କରେ ଟିକିଏ ଅସାବଧାନତା ଯୋଗୁଁ ଅନେକ ଶିଶୁ ବୋରୱେଲରେ ପଡିଯାନ୍ତି । ତାଙ୍କୁ ଉଦ୍ଧାର କରିବାରେ ସବୁବେଳେ ସମ୍ଭବ ହୋଇନଥାଏ । ଯାହାଫଳରେ ଶିଶୁଙ୍କ ପ୍ରାଣ ଚାଲିଯାଏ । ଏହି ସମସ୍ୟାର ସମାଧାନ ପାଇଁ ମହେଶ ଏହି ଉପାୟ ବାହାର କରିଛନ୍ତି ।

ଏହି ରୋବର୍ଟର ନାଁ ହେଲା ରେସକ୍ୟୁ ରୋବର୍ଟ । ଏହାର ଏକ ଡେମୋ ପିଏମଓଙ୍କୁ ମେଲ କରିଦିଆଯାଇଛି । ପିଏମଓଙ୍କ ତରଫରୁ ମହେଶଙ୍କୁ ଡାକରା ଆସିଛି । ମହେଶ ତିଆରି କରିଥିବା ଏହି ରୋବର୍ଟ ସମ୍ପର୍କରେ ଏକ ଟେକ୍ନିକାଲ ଟିମ ପରୀକ୍ଷା କରୁଛି । ଯଦି ଟେକ୍ନିକାଲ ଭାବେ ରୋବର୍ଟ ଠିକ ଥିବ ତାହେଲେ ଏହି ଡିଜାଇନକୁ ମାନ୍ୟତା ମିଳିବ ।

   Related Posts