Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଞ୍ଜନଗର : ମାଇକ୍ରୋ କଣ୍ଟେନମେଣ୍ଟ ଜୋନ୍ ହେଲା ଲାଲସିଙ୍ଗି ପଞ୍ଚାୟତର କିଛି ଅଞ୍ଚଳ, କୋଭିଡ୍ ପଜିଟିଭ୍ ଚିହ୍ନଟ ପରେ ପଦକ୍ଷେପ
  • ||
  • ଭୁବନେଶ୍ବର : ବିଧାନସଭା ପରେ ସମସ୍ତଙ୍କର ହେବ RTPCR ଟେଷ୍ଟ : ବାଚସ୍ପତି
  • ||
  • ଭୁବନେଶ୍ବର : ମହାନଦୀରେ କମିଛି ଜଳ ପ୍ରବାହ, ୫୧୬ ଚେକ୍ ଡ୍ୟାମ୍ କରିଛି ଛତିଶଗଡ : ଜଳସମ୍ପଦ ମନ୍ତ୍ରୀ
  • ||
  • ଭୁବନେଶ୍ବର : ମମିତାକୁ ନ୍ୟାୟ ଦେବାକୁ ବିଜେପିର ଦାବି : ବ୍ୟାରିକେଟ୍ ଭାଙ୍ଗି ବିଧାନସଭା ଘେରାଉ ଉଦ୍ୟମ ବେଳେ ଧସ୍ତାଧସ୍ତି, ପୋଲିସର ଲାଠିଚାର୍ଜ
  • ||
  • ଜୟପୁର : ଜୟପୁର ଏସଡିଜେଏମ୍ କୋର୍ଟରେ NIAର ୨ ଜଣିଆ ଟିମ୍, ମାଓ ନେତା ଦୁବାସୀ ଶଙ୍କରକୁ ପଚରାଉଚରା ପାଇଁ ଲୋଡିଲେ ଅନୁମତି
  • ||
  • ଭୁବନେଶ୍ବର : ବିଜେଡି ଓ ବିଜେପି ବିକ୍ଷୋଭ ପ୍ରସଙ୍ଗ : କଂଗ୍ରେସ ବିଧାୟକ ମହମ୍ମଦ ମୋକିମ କହିଲେ- ଗୋଟିଏ ମୁଦ୍ରାର ଦୁଇ ପାର୍ଶ୍ବ
  • ||
  • ଟାଙ୍ଗୀ : କେନ୍ଦୁଆ ଜଙ୍ଗଲରୁ ମିଳିଲା ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ବଡବିଲ : ଶନି ମନ୍ଦିରରୁ ଲୁଟ୍, ଦାନ ବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • ନିଶ୍ଚିନ୍ତକୋଇଲି : ଛେଳି ଚୋରକୁ ଛେଚିଲେ ଗାଁ ଲୋକେ, ପୋଲିସର ଜିମାଦେଲେ
  • ||
  • ଭୁବନେଶ୍ବର : କୁନ୍ନୁର ସେନା ହେଲିକପ୍ଟର ଦୁର୍ଘଟଣା ନେଇ ବିଧାନସଭାରେ ଶୋକ ପ୍ରସ୍ତାବ ଆଗତ : ଗୃହରେ ୧ ମିନିଟ୍ ନୀରବ ପ୍ରାର୍ଥନା
  • ||

ଲକ୍ ଡାଉନ୍‌ରେ ଡିପ୍ରେସନରେ ଆସି ଯୁବକ କଲେ ଆତ୍ମହତ୍ୟା, ମା’ଙ୍କୁ କହିଥିଲେ ‘ମୁଁ ଦରମା ପାଇବି ନାହିଁ’

3/05/2020 at 9:54 AM

ଆଲିଗଡ ୩।୫: ସମଗ୍ର ଦେଶରେ କରୋନା ସଂକ୍ରମଣକୁ ରୋକିବା ପାଇଁ ଲକ୍ ଡାଉନ୍ ଲାଗୁ କରାଯାଇଛି । ଏହି ସମୟରେ ଉତ୍ତରପ୍ରଦେଶର ଆଲିଗଡରେ ଏକ ହୃଦୟ ବିଦାରକ ଘଟଣା ଘଟିଛି । ​​ଯେଉଁଠାରେ ଜଣେ ଯୁବକ ଲକ୍ ଡାଉନ୍ ପାଇଁ ଅବସାଦଗ୍ରସ୍ତ ହୋଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି ।

ସୂଚନାଯୋଗ୍ୟ ଯେ, ଆଲିଗଡର ଥାନା ସିଭିଲ୍ ଲାଇନ୍ ଅଞ୍ଚଳର ଆଲାମବାଗର ମହମ୍ମଦ ହାଇଦର ନାମକ ଯୁବକ ଆତ୍ମହତ୍ୟା କରିଛନ୍ତି । ଲକ୍ ଡାଉନ୍ ଯୋଗୁଁ ସେ ଅବସାଦଗ୍ରସ୍ତ ହୋଇଥିଲେ । ଯାହା ଫଳରେ ସେ ଫାଶୀ ଲଗାଇ ଆତ୍ମହତ୍ୟା କରିଥିବା କୁହାଯାଉଛି । ହାଇଦରଙ୍କ ବୟସ ୨୦ ବର୍ଷ ବୋଲି ଜଣାପଡିଛି । ପରିବାର ସଦସ୍ୟ କହିଛନ୍ତି ଯେ ହାଇଦର ଘରେ ତାଙ୍କ ମା’ଙ୍କ ସହ ରହୁଥିଲେ । ତାଙ୍କ ଭଉଣୀମାନେ ବିବାହିତ ଏବଂ ସେମାନେ ସମସ୍ତେ ନିଜ ଶାଶୁ ଘରେ ରୁହନ୍ତି । ବର୍ତ୍ତମାନ ରମଜାନ ହେତୁ ଭଉଣୀ ତାଙ୍କ ଘରକୁ ଦେଖା କରିବାକୁ ଆସିଥିଲେ ।

ହାଇଦରଙ୍କ ଭଉଣୀ କହିଛନ୍ତି ଯେ, ଲକ୍ ଡାଉନ୍ ଆରମ୍ଭ ହେବା ପରଠାରୁ ହାଇଦର ବହୁତ ଚୁପଚାପ ରହୁଥିଲେ । ସେ ପ୍ରାୟତଃ ଲକ୍ ଡାଉନ୍ ବିଷୟରେ ଚିନ୍ତା କରୁଥିଲେ । ସେ ତାଙ୍କ ମା’ଙ୍କୁ ଅନେକ ଥର କହିଥିଲେ ଯେ ଲକ୍ ଡାଉନ୍ ଯୋଗୁଁ ତାଙ୍କୁ ବିରକ୍ତି ଲାଗୁଛି । ଏଭଳି ପରିସ୍ଥିତିରେ ଦରମା ବି ମିଳିବନାହିଁ । ତାଙ୍କ ମାମୁଁ ରସିଦ କହିଛନ୍ତି ଯେ, ମହମ୍ମଦ ହାଇଦର ଅଲାନା ମାଂସ କାରଖାନାରେ କାମ କରୁଥିଲେ । କିନ୍ତୁ ଲକ୍ ଡାଉନ୍ କାରଣରୁ କାରଖାନା ବନ୍ଦ ଥିବାରୁ ହାଇଦର ସେହି ଦିନଠାରୁ ଘରେ ରହିଆସୁଥିଲେ । ଯାହା ପରେ ସେ ତାଙ୍କ ଚାକିରି ପାଇଁ ଚିନ୍ତିତ ଥିଲେ ।

ପୋଲିସ ଘଟଣାର ସଂପର୍କରେ ସୂଚନା ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ ପୋଷ୍ଟମର୍ଟମ ପାଇଁ ପଠାଇଥିଲା । ଆତ୍ମହତ୍ୟାର ପ୍ରକୃତ କାରଣ ସ୍ପଷ୍ଟ ହୋଇନାହିଁ । ଆଲିଗଡ ପୋଲିସ ଘଟଣାର ତଦନ୍ତ ଜାରି ରଖିଛି ।

   Related Posts