Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ କରୋନା ପଜିଟିଭ୍, ୨୯୦ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଢେଙ୍କାନାଳ : ପଞ୍ଚାୟତ ସମିତି ସଭ୍ୟଙ୍କୁ ଗୁଳି କରି ହତ୍ୟା, ପୂର୍ବ ଶତ୍ରୁତାରୁ ହତ୍ୟାକାଣ୍ଡ !
  • ||
  • କଟକ : ହାତୀ ଆକ୍ରମଣରେ ଜଣେ ମୃତ, କୂଳକୁ ଫେରିବା ବାଟରେ ମାରିଥିଲା ଦନ୍ତା
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୦୨ କୋଭିଡ୍ ପଜିଟିଭ୍
  • ||

ହତ୍ୟା ନା ଆତ୍ମହତ୍ୟା ! ଭଦ୍ରକ ଗ୍ରାମାଞ୍ଚଳ ସାମ୍ନା ଥାନା ସାମ୍ନା ଘରୁ ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର

30/12/2018 at 11:05 AM

ଭଦ୍ରକ ୩୦/୧୨ : ଭଦ୍ରକ ଗ୍ରାମାଞ୍ଚଳ ସାମ୍ନା ଏକ ଘରୁ ଯୁବକଙ୍କ ଅର୍ଧ ଦଗ୍ଧ ମୃତଦେହ ଉଦ୍ଧାର ହୋଇଛି | ଯୁବକ ଜଣକ ନଳାଙ୍ଗ ଅଂଚଳର ଚିତ୍ତ ରଞ୍ଜନ ପାତ୍ର ବୋଲି ଜଣାପଡିଛି | ସେ ଆତ୍ମହତ୍ୟା କରିଛନ୍ତି ନା କିଏ ତାଙ୍କୁ ହତ୍ୟା କରିଛି ତାହା ଏବେ ଯାଏଁ ସ୍ପଷ୍ଟ ହୋଇନାହିଁ | ଘଟଣାସ୍ଥଳରେ ପୋଲିସ ପହଂଚି ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଛି | ଥାନା ଆଇଆଇସି ଏହା ଏକ ଦୁର୍ଘଟଣା ହୋଇଥିବା ବୋଲି ସନ୍ଦେହ କରୁଛନ୍ତି | କାରଣ ଯୁବକଙ୍କ ଘରେ ଥିବା ହିଟର ଉପରେ ଏକ କଡେଇ ବସିଥିଲା | ଚୁଲିରେ କିଛି କଥା ମଧ୍ୟ ଜଳୁଥିବା ପୋଲିସ ଦେଖିବାକୁ ପାଇଛି | ଏହା ସହ ଘରେ ଥିବା ମଶାରୀ ସମ୍ପୂର୍ଣ ପୋଡି ଯାଇଛି | ଯୁବକଙ୍କ ଶରୀରର ଅନେକ ସ୍ଥାନ ପୋଡି ଯାଇଛି | ତେବେ ଯୁବକ ରାତିରେ ମଦ୍ୟପାନ କରିଥିବା ପୋଲିସ ସୂଚନାରୁ ଜଣାପଡିଛି | ରାତିରେ ଯୁବକଙ୍କ ସହ ଆଉ ଜଣେ ମଧ୍ୟ ଥିବା ପୋଲିସ ସୂଚନା ଦେଇଛି | ସେହି ଯୁବକକୁ ପୋଲିସ ଥାନାରେ ଅଟକ ରଖି ପଚରାଉଚୁରା କରୁଛି | ଖବରପାଇ ଚିତ୍ତ ରଞ୍ଜନଙ୍କ ମା’ ବଙ୍ଗ ଭାଇ ଘଟଣାସ୍ଥଳରେ ଆସି ପହଂଚିଛନ୍ତି | ସେମାନେ ଘଟଣା ପାଇଁ ପୋଲିସକୁ ଦୋଷାରୋପ କରୁଛନ୍ତି | ଚିତ୍ତ ରଞ୍ଜନଙ୍କ ମା’ ଏବଂ ଭାଇଙ୍କ କହିବା ଅନୁଯାୟୀ ପୋଲିସ ସେମାନଙ୍କୁ ମଦ ପିଆଇ ଏଭଳି କରିଥିବା କହି ଥାନା ଆଗରେ ହୋହାଲ୍ଲା କରୁଛନ୍ତି | ପୋଲିସ ଏସଡ଼ିପିଓ ଘଟଣାସ୍ଥଳରେ ପହଂଚି ମୃତକଙ୍କ ଭାଇକୁ ଥାନାରେ ଅଟକ ରଖିଛି |


ସୂଚନାଯୋଗ୍ୟ ଯେ, ମୃତକ ଚିତ୍ତ ରଞ୍ଜନ ୩ ମାସ ବିବାହ କରିଥିଲେ | ଥାନାକୁ ଯେଉଁମାନେ ଏତଲା ଦେବା ପାଇଁ ଆସନ୍ତି ଚିତ୍ତ ରଞ୍ଜନ ତାଙ୍କ ଏତଲା ଲେଖି ରଖନ୍ତି | ସେଠାକାର ଏକ ପ୍ରେସରେ ମଧ୍ୟ ସେ ପାର୍ଟ ଟାଇମ ଭାବେ କାର୍ଯ୍ୟ କରୁଥିବା ଜଣାପଡିଛି | ସେ ରହୁଥିବା ଘର ଭିତରେ ସେ ପ୍ରାୟ ସବୁବେଳେ ମଦ୍ୟ ପାନ କରନ୍ତି | ତେବେ ପ୍ରାଥମିକ ତଦନ୍ତରୁ ପୋଲିସ ଏହାକୁ ଏକ ଦୁର୍ଘଟଣା ବୋଲି କହୁଛି | ତଦନ୍ତ ପରେ ହିଁ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ ସୂଚନା ଦେଇଛି |

   Related Posts