କୋଲକାତା, ୩୦|୦୪: ସାରା ଦେଶ ଏବେ କରୋନା ଭାଇରସ ବିରୋଧରେ ଲଢୁଛି । ସରକାର ଲଗାତାର ଭାବେ ଲୋକଙ୍କୁ ସଂକ୍ରମଣକୁ ପ୍ରତିହତ କରିବା ପାଇଁ ଗାଇଡଲାଇନ୍ ଜାରି କରୁଛନ୍ତି । ଏହା ପରେ ମଧ୍ୟ ଅନେକ ଗାଇଡଲାଇନର ପାଳନ କରୁନାହାଁନ୍ତି । ଏହି ନିୟମ ଖିଲାପକାରୀଙ୍କ ପୋଲିସ ଉପଯୁକ୍ତ ଦଣ୍ଡ ମଧ୍ୟ ଦେଉଛି । ପଶ୍ଚିମବଙ୍ଗର ଦକ୍ଷିଣ ୨୪ ପ୍ରଗଣ ଜିଲ୍ଲାରେ ରାସ୍ତାରେ ପାନ ଛେପ ପକାଇବା ଅପରାଧରେ ପୋଲିସ ଜଣେ ଯୁବକଙ୍କ ପୋଷାକ ଖୋଲିବା ସହ ଏହି ପୋଷାକରେ ରାସ୍ତା ସଫା କରାଇଛି ।
ସୂଚନାନୁସାରେ. ଦକ୍ଷିଣ ୨୪ ପ୍ରଗଣା ଜିଲ୍ଲାରେ ଜଣେ ଯୁବକ ରାସ୍ତାରେ ପାନ ଛେପ ପକାଇଥିଲେ । ଏହା ପୋଲିସର ନଜରକୁ ଆସିଥିଲା । ଟ୍ରାଫିକ୍ ପୋଲିସ ସେହି ସମୟରେ ଯୁବକଙ୍କୁ ଧରି ପୋଷାକ କୋଲି ରାସ୍ତା ସଫା କରିବାକୁ କହିଥିଲା ।
ସୂଚନାଯୋଗ୍ୟ, କରୋନା ଭାଇରସକୁ ନଜରରେ ରଖି ପୋଲିସ ରାସ୍ତାରେ ଛେପ ପକାଇବା ଉପରେ ରୋକ ଲଗାଇଛି । ଏପରି କିଏ କଲେ ସେଥିପାଇଁ ଦଣ୍ଡ ବାବଦରେ ମଧ୍ୟ ସୂଚନା ଦିଆଯାଇଛି । ଏହାପରେ ମଧ୍ୟ କିଛି ବ୍ୟକ୍ତି ନିୟମ ମାନୁ ନାହାଁନ୍ତି ।