ନୂଆଦିଲ୍ଲୀ ୧୦/୦୯ : ବୁଧବାର କାନପୁର ହସ୍ପିଟାଲରେ ଦେଖିବାକୁ ମିଳିଥିଲା ଅଦ୍ଭୁତ ଧରଣର ଦୃଶ୍ୟ । ହଠାତ୍ ବୁର୍ଖା ପିନ୍ଧି ଜଣେ ଯୁବକ କାନପୁର ଗ୍ରାମର ଆକବରପୁର ଜିଲ୍ଲା ଡାକ୍ତରଖାନାରେ ପହଞ୍ଚିଥିଲେ । ତେବେ ତାଙ୍କ ହାବଭାବ ଦେଖି କର୍ମଚାରୀଙ୍କର ସନ୍ଦେହ ସୃଷ୍ଟି ହୋଇଥିଲା । ପରେ ପଚରାଉଚରା କରିବା ପରେ ସବୁକିଛି ସ୍ପଷ୍ଟ ଜଣାପଡିଥିଲା । ତେବେ ଏହି ସମୟରେ ସେ ଜରୁରୀକାଳୀନ ୱାର୍ଡରେ ପ୍ରବେଶ କରିଥିଲେ ।
ସେଠାକୁ ଯାଇ ଦେଖିବାରୁ ଜଣାପଡିଥିଲା ଯୁବକ ଜଣଙ୍କ ବୁର୍ଖାରେ ଅଛନ୍ତି । ତେବେ ତାଙ୍କୁ ଧରାଯିବାରୁ ଯୁବକଟି କାନ୍ଥ ଉପରକୁ ଡେଇଁ ଦୌଡିବାକୁ ଲାଗିଥିଲା । ତେବେ କର୍ମଚାରୀମାନେ ତାଙ୍କୁ ଧରିବାରେ ସକ୍ଷମ ହୋଇଥିଲେ । ସୂଚନା ମୁତାବକ ପୋଲିସ ଯୁବକଙ୍କୁ ଧରି ପଚରାଉଚରା କରୁଛି । ସୂଚନା ଅନୁଯାୟୀ ବୁଧବାର ଅପରାହ୍ନରେ ଜଣେ ଯୁବକ ସାଲୱାର କୁର୍ତ୍ତା ଏବଂ ବୁର୍ଖା ପିନ୍ଧି ଜିଲ୍ଲା ଡାକ୍ତରଖାନାରେ ପହଞ୍ଚିଥିଲେ ।
ଏହି ସମୟରେ ଯେତେବେଳେ ପିକୁ ୱାର୍ଡ ନିକଟରେ କାର୍ଯ୍ୟ କରୁଥିବା ସାହି କେନ୍ଦ୍ରର ନିର୍ଦ୍ଦେଶକ ନିଧି ସଚ୍ଚନ ଏବଂ ସହକାରୀ ଶ୍ରେୟା ଶୁକ୍ଲା ତାଙ୍କ ପଦକ୍ଷେପ ଦେଖି ସନ୍ଦେହ କଲେ । ଯେତେବେଳେ ଉଭୟ ପାଖକୁ ଯାଇ ପଚାରିବାକୁ ଚେଷ୍ଟା କରିଥିଲେ, ଯୁବକ ଜଣକ ଜରୁରୀକାଳୀନ ୱାର୍ଡରେ ପ୍ରବେଶ କରିଥିଲେ । ଯେତେବେଳେ ସେ ତାଙ୍କୁ ଧରିବାକୁ ଚେଷ୍ଟା କଲେ, ସେ ଦୌଡ଼ିବାକୁ ଲାଗିଥିଲେ ।
ଧରାପଡିବା ପରେ ସେ ତାଙ୍କ ନାମ ରାଏସ୍ ଅହମ୍ମଦ ବୋଲି ଜଣାଇଛନ୍ତି । ସେ ପ୍ରଥମେ ନିଜ ଠିକଣାକୁ କାନପୁରର ଚାମଙ୍ଗଞ୍ଜ ବୋଲି କହିଥିଲେ । କିଛି ସମୟ ପରେ ସେ କହିଥିଲେ ଯେ ସେ ଫହିମାବାଦର ହଲିମ ମୁସଲିମ ଇଣ୍ଟର କଲେଜ ନିକଟରେ ରହୁଛନ୍ତି । ତାଙ୍କ ବାର୍ତ୍ତାଳାପ ପୋଲିସକୁ ସନ୍ଦେହଜନକ ଲାଗିଥିଲା । ପୋଲିସ ଏହି ଘଟଣାର ତଦନ୍ତ କରୁଛି ।
