Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||

ଯୁବକଙ୍କୁ କାମୁଡିଦେଲା ନାଗ, ହସ୍ପିଟାଲ ନେବା ବଦଳରେ ଶିବ ମନ୍ଦିରକୁ ନେଇ ତାଙ୍କ ଉପରେ ଢାଳିଲେ ପାଣି

19/03/2020 at 2:16 PM

ଡେଲାଙ୍ଗ ୧୯।୩: ଆଜି ବି ଅନ୍ଧବିଶ୍ବାସର ଶିକାର ମନୁଷ୍ୟ ସମାଜ । ବହୁ ସଚେତନତା ପରେ ବି ଲୋକଙ୍କ ମନରେ କେଉଁଠି ନା କେଉଁଠି ଅନ୍ଧବିଶ୍ବାସ ଘର କରି ରହିଛି । ସାପ କାମୁଡିବା ପରେ ଯୁବକଙ୍କୁ ଡାକ୍ତରଖାନା ନେବା ବଦଳରେ ନିଆଯାଇଛି ମନ୍ଦିର । ମନ୍ଦିରରେ ଗରା ଗରା ପାଣି ଢଳା ଚାଲିଛି ଭଲ କରିବା ପାଇଁ । ଏଭଳି ଘଟଣା ଘଟିଛି ପୁରୀ ଜିଲ୍ଲା ଡେଲାଙ୍ଗ ଅନ୍ତର୍ଗତ ଶିଶୁଆପଡା ଗ୍ରାମରେ ।

ସୂଚନାଯୋଗ୍ୟ ଯେ, ଶିଶୁଆପଡା ଗ୍ରାମରେ ଏକ ପାଳଗଦାରେ ଜାଲ ଘେରା ହୋଇଥିଲା । ଗୁରୁବାର ସକାଳେ ଜାଲରେ ଏକ ନାଗ ସାପ ଫସି ଯାଇଥିବାର ଦେଖିବାକୁ ମିଳିଥିଲା । ସେହି ଗ୍ରାମର ନିରାକାର ବେହେରା ନାମକ ଯୁବକ ଜାଲ କାଟି ନାଗ ସାପଟିକୁ ମୁକ୍ତ କରିବାକୁ ଚେଷ୍ଟା କଲା ବେଳେ ସାପଟି ତାଙ୍କ ବାମ ହାତ ବିଶି ଆଙ୍ଗୁଠିକୁ କାମୁଡି ଦେଇଥିଲା ।

ତେବେ ଡାକ୍ତରଖାନା ନେବା ବଦଳରେ ନିରାକାରଙ୍କୁ ସ୍ଥାନୀୟ ଶିବ ମନ୍ଦିରକୁ ନିଆଯାଇଥିଲା । ମନ୍ଦିର କୂଅରୁ ଗରା ଗରା ପାଣି କାଢ଼ି ତାଙ୍କ ମୁଣ୍ଡରେ ଢଳା ଗଲା । ସରକାରୀ ଡ଼ାକ୍ତରଖାନାରେ ସାପକାମୁଡା ରୋଗୀଙ୍କ ପାଇଁ ମାଗଣା ଚିକିତ୍ସା ବ୍ୟବସ୍ଥା ଥିଲେ ମଧ୍ୟ, ମନ୍ଦିରକୁ ନେଇ ଏହି ଭଳି ଅନ୍ଧବିଶ୍ବାସ ସମାଜରେ ଥିବା କୁସଂସ୍କାରକୁ ପ୍ରମାଣ କରୁଛି ।

   Related Posts