Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଜିଲାନ୍ସ ଜାଲରେ ଜନସ୍ୱାସ୍ଥ୍ୟ ବିଭାଗ-୨ ସହକାରୀ କାର୍ଯ୍ୟକାରୀ ଯନ୍ତ୍ରୀ, ଏକକାଳୀନ ୬ଟି ସ୍ଥାନରେ ରେଡ୍
  • ||
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

ପୋଲିସର ବର୍ବରତା : ଚେକିଂ ସମୟରେ ବାଇକ୍ ଆରୋହୀଙ୍କୁ ଆଇଆଇସି ମାଡ ମାରିଥିବା ଅଭିଯୋଗ

25/09/2019 at 3:49 PM

ବଲାଙ୍ଗିର ୨୫।୯: ନୂଆ ଟ୍ରାଫିକ୍ ନିୟମ ଲାଗୁ ହେବା ପରେ ବଲାଙ୍ଗୀର ଜିଲ୍ଲାରେ ମଧ୍ୟ ନିୟମିତ ବିଭିନ୍ନ ସ୍ଥାନରେ କରାଯାଉଛି ଚେକିଂ। କେତେବେଳେ ହେଲମେଟ ତ ଆଉ କେତେବେଳେ ନିଶାଶକ୍ତ ହୋଇ ଗାଡି ଚଳାଇବାକୁ ନେଇ କରାଯାଉଛି ଚେକିଂ । ତେବେ ପାଟଣାଗଡ ରାମପୁର ପେଟ୍ରୋଲ ପମ୍ପ୍ ନିକଟରେ ଚେକିଂ ସମୟରେ ଘଟିଛି ଏକ ଅଭାବନୀୟ ଘଟଣା। ଚେକିଂ ସମୟରେ ଜଣେ ବାଇକ୍ ଆରୋହୀଙ୍କୁ ମାଡ ମାରି ଲହୁଲୁହାଣ କରିଥିବା ଅଭିଯୋଗ ହୋଇଛି ।

ବଲାଙ୍ଗୀର ରୁଗୁଡିପଡାର ଦିପଙ୍କର ପଣ୍ଡା ନାମକ ଜଣେ ଯୁବକ କୌଣସି କାମରେ ପାଟଣାଗଡ ଯାଇଥିବା ବେଳେ ସେଠାରୁ ସଂଧ୍ୟା ସମୟରେ ଫେରିବା ବାଟରେ ଚେକିଂ ପାଇଁ ଅଟକାଇଥିଲା ପାଟଣାଗଡ ପୋଲିସ। ସେଠାରେ ତାଙ୍କ ଗାଡି ଦ୍ରୁତ ଗତିରେ ଥିବାରୁ କିଛି ଦୂରରେ ଅଟକିବା ବେଳେ ତାଙ୍କ ଉପରକୁ ହଠାତ୍ ଜଣେ ପୋଲିସ କର୍ମଚାରୀ ପୋଲିସ ବ୍ୟବହାର କରୁଥିବା ବାଡିରେ ମାଡ ମାରିଥିବା ଅଭିଯୋଗ ହୋଇଛି ।

ତେବେ ଘଟଣାସ୍ଥଳରେ ଯୁବକଙ୍କ ମୁଣ୍ଡ ଫାଟିବା ସହ ଲହୁ ଲୁହାଣ ହୋଇପଡିଥିଲେ । ତାଙ୍କ ମାଢିରେ ମାଡ ବାଜିବା ସହ ଦାନ୍ତ ଭାଙ୍ଗିଯାଇଥିଲା। ତେବେ ଘଟଣାସ୍ଥଳରୁ କିଛି ସ୍ଥାନୀୟ ଲୋକ ତାଙ୍କୁ ପାଟଣାଗଡ ହସ୍ପିଟାଲକୁଆଣି ଚିକିତ୍ସା କରାଇଥିଲେ । ଗୁରୁତର ଆଘାତ ଲାଗିଥିବାରୁ ତାଙ୍କୁ ପ୍ରଥମେ ବଲାଙ୍ଗୀର ଓ ପରେ ବୁର୍ଲାକୁ ସ୍ଥାନାନ୍ତର କରାଯାଇଥିଲା। ତେବେ ବର୍ତ୍ତମାନ ତାଙ୍କୁ ଡାକ୍ତର କଥାବାର୍ତ୍ତା କରିବାକୁ ମଧ୍ୟ ମନା କରିଥିବା ବେଳେ ମୁଣ୍ଡ ଭେନରେ ଗୁରୁତର ଆଘାତ ହୋଇଥିବା କହିଛି ।

ସେପଟେ ଏନେଇ ପରିବାର ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ପାଟଣାଗଡ ପୋଲିସର ସମସ୍ତ କର୍ମଚାରୀଙ୍କ ସହ ଏସପିଙ୍କୁ ଦାୟୀ କରିଛନ୍ତି । ଏନେଇ ଆଇଆଇସିଙ୍କ ନାଁରେ ମାମଲା ରୁଜୁ କରିବା ସହ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି। ତେବେ ଏନେଇ କୌଣସି କାର୍ଯ୍ୟାନୁଷ୍ଠାନ ନ ନିଆଗଲେ ଆଗାମୀ ଦିନରେ ଆଇନର ଦ୍ବାରସ୍ଥ ହେବେ ବୋଲି ଚେତାବନୀ ଦେଇଛନ୍ତି ।

   Related Posts