Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ସ୍ବାମୀ-ସ୍ତ୍ରୀଙ୍କ ଝଗଡାର ମଧ୍ୟସ୍ଥତା କରି ମାଡ ଖାଇଲେ ମହିଳା ପୋଲିସ ଅଧିକାରୀ

24/01/2020 at 11:36 AM

ଆନନ୍ଦପୁର ୨୪।୧: କେନ୍ଦୁଝର ଜିଲ୍ଲା ଘସିପୁରା ଥାନା ପଦନପୁର ଗାଁରେ ସ୍ବାମୀ-ସ୍ତ୍ରୀ ଝଗଡାର ସମାଧାନ ପାଇଁ ଯାଇଥିବା ପୋଲିସ ଉପରେ ଆକ୍ରମଣ ହୋଇଛି । ଆକ୍ରମଣରେ ଘସିପୁରା ଥାନା ମହିଳା ସବ୍ ଇନ୍ସପେକ୍ଟର ଅନୂସୟା ସେଠୀ ଆହତ ହୋଇଛନ୍ତି । ଜଣେ ଯୁବକ ଅନୂସୟାଙ୍କ ମୁହଁକୁ ମୁଥା ମାରିଥିବାରୁ ସଂପୃକ୍ତ ଯୁବକ ବିରୋଧରେ ପୋଲିସ ମାମଲା ରୁଜୁ କରିଛି । ଖୁବ୍ ଶୀଘ୍ର ତାକୁ ଗିରଫ କରାଯିବ ବୋଲି ଆନନ୍ଦପୁର ଏସଡିପିଓ କହିଛନ୍ତି ।

ସୂଚନାଯୋଗ୍ୟ ଯେ, ପଦନପୁର ଗାଁର କମଳଲୋଚନ ରାଉତଙ୍କ ପୁଅ ପଦ୍ମଲୋଚନଙ୍କ ସହ ଯାଜପୁର ଜିଲ୍ଲା  ସୁକିନ୍ଦା ଗ୍ରାମର ବିଳାସ ବେଉରାଙ୍କ ଝିଅ ପଦ୍ମିନୀ ସହ ୧୦ ବର୍ଷ ତଳେ ବିବାହ ହୋଇଥିଲେ । ସ୍ବାମୀ-ସ୍ତ୍ରୀଙ୍କ ମନୋମାଳିନ୍ୟକୁ କେନ୍ଦ୍ରକରି ଗତକାଲି ପଦ୍ମିନୀଙ୍କ ପରିବାର ପଦନପୁର ଗାଁରେ ପହଞ୍ଚିବା ପରେ ଉଭୟ ପରିବାରଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଖବରପାଇ ପୋଲିସ ପହଞ୍ଚି ସେଠାରୁ ଝିଅଘର ପରିବାରକୁ ସାଥିରେ ନେଇଯିବା ସମୟରେ ଜଣେ ଯୁବକ ପୋଲିସ  ଉପରେ ଆକ୍ରମଣ କରିଥିଲା । ତେବେ ଏନେଇ ଉଭୟ ସ୍ବାମୀ ସ୍ତ୍ରୀ ଘଟଣାକୁ ନେଇ ପରସ୍ପର ଉପରେ ଦୋଷ ଦେଉଛନ୍ତି । ଉଭୟଙ୍କ ପକ୍ଷରୁ ପରସ୍ପର ବିରୋଧରେ ଥାନାରେ ମାମଲା ଦାୟର ହୋଇଛି ।

   Related Posts