ପାଟଣା ୧୦।୭: ମଦ୍ୟପ ଯୁବକଙ୍କୁ ନିର୍ଧୁମ ଛେଚିଲେ ଗାଁ ଲୋକେ । ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଭୃଙ୍ଗରାଜପଶି ଗ୍ରାମର ମୁଣ୍ଡା ସାହିରେ ।
ସୂଚନାଯୋଗ୍ୟ ଯେ, କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଭୃଙ୍ଗରାଜପଶି ଗ୍ରାମର ମୁଣ୍ଡା ସାହିର ପଦିଆଙ୍କ ସ୍ତ୍ରୀ ଓ ଝିଅ ଘରେ ଶୋଇଥିବା ବେଳେ ଯୁବକ ଜଣଙ୍କ ମଦ ନିଶାରେ ଘରେ ପଶି ଯାଇଥିଲେ । ଉଭୟ ମା’-ଝିଅ ପାଟି କରିବାରୁ ଘର ଲୋକେ ଓ ଗ୍ରାମବାସୀ ଆସି ଯୁବକଙ୍କୁ କାବୁ କରିଥିଲେ। ପରେ ଯୁବକଙ୍କୁ ଗାଁ ଲୋକେ ନିର୍ଧୁମ ମାଡ଼ ମାରିଥିବା ସୂଚନା ମିଳିଛି ।
ତେବେ ମୟୁରଭଞ୍ଜ ଜିଲ୍ଲା ଇନ୍ଦିପୁର ଗ୍ରାମର କ୍ଷୀରୋଦ ନାଏକ ତାଙ୍କ ଭିଣୋଇ ଘର ରାଜନଗରକୁ ଆସିଥିଲେ । ଶନିବାର ସକାଳେ ଘଟଣାସ୍ଥଳରେ ପୋଲିସ ପହଞ୍ଚି ଯୁବକଙ୍କୁ ଉଦ୍ଧାର କରି ତଦନ୍ତ ଆରମ୍ଭ କରିଛି । ମାଡ ଯୋଗୁଁ ଯୁବକଙ୍କ ମୁହଁ ଓ ହାତରେ ଗଭୀର ଆଘାତ ଲାଗିଛି ।
