ଭୁବନେଶ୍ୱର ୧୫/୯ : ରାଜଧାନୀ ଭୁବନେଶ୍ୱରରେ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଛି | ପୂର୍ବ ଶତ୍ରୁତାକୁ କେନ୍ଦ୍ର କରି ମଞ୍ଚେଶ୍ବର ଥାନା ପଳାଶୁଣୀ ଛକରେ ଆକ୍ରମଣ ହୋଇଥିବା ସନ୍ଦେହ କରାଯାଉଛି | ଆକ୍ରମଣ ହୋଇଥିବା ଯୁବକ ଜଣକ ହେଲେ ଚିତ୍ତ | ଗୁରୁତର ଅବସ୍ଥାରେ ତାଙ୍କୁ ଏକ ଘରୋଇ ହସପିଟାଲରେ ଭର୍ତ୍ତି କରାଯାଇଛି | ଚିତ୍ତଙ୍କ ପରିବାର ପକ୍ଷରୁ ମଞ୍ଚେଶ୍ବର ଥାନାରେ ଅଭିଯୋଗ ହୋଇଛି | ଚିତ୍ତ ନାଁରେ ପୂର୍ବରୁ ମଞ୍ଚେଶ୍ବର ଥାନାରେ ବହୁ ଅପରାଧିକ ମାମଲା ରହିଥିବା ପୋଲିସ ସୂଚନା ଦେଇଛି |ସ୍ବାସ୍ଥ୍ୟ ଭଲ ହେବା ପରେ ଚିତ୍ତକୁ ଗିରଫ କରାଯିବ ବୋଲି ମଞ୍ଚେଶ୍ବର ଥାନା ଅଧିକାରୀ କହିଛନ୍ତି |