ଖୋର୍ଦ୍ଧା ୨୧।୫: ଯୁବକଙ୍କୁ ଗାଁ ଦାଣ୍ଡରେ ପିଟିଲେ । ଖାଲି ଏତିକି ନୁହେଁ ଗୋଇଠା ବି ମାରିଲେ । ଗୁରୁତର ହୋଇ ଡାକ୍ତରଖାନାର ଯୁବକଙ୍କର ଚାଲିଛି ଚିକିତ୍ସା । ଯୁବକଙ୍କୁ ଆକ୍ରମଣ କରିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ଏଭଳି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବାଘମାରୀ ଥାନା ଅନ୍ତର୍ଗତ ପୋଡାଡିହ ଗ୍ରାମରେ ।
ସୂଚନାଯୋଗ୍ୟ ଯେ, ଗତ ୮ ତାରିଖ ଦିନ ସାମାନ୍ୟ କଥାକୁ ନେଇ ପୋଡାଡିହ ଗାଁର ରମେଶ ଜଗଦେବଙ୍କୁ ଗାଁର କିଛି ଯୁବକ ଅତି ଅମାନୁଷିକ ଭାବେ ପିଟିଥିଲେ । ଆକ୍ରମଣରେ ରମେଶ ଗୁରୁତର ଭାବେ ଆହତ ହୋଇଥିଲେ । ତାଙ୍କୁ ଆହତ ଅବସ୍ଥାରେ ଭୁବନେଶ୍ବର ସ୍ଥିତ ଏମ୍ସରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ସେଠାରେ ସେ ଚିକିତ୍ସିତ ହେଉଛନ୍ତି ।
ଘଟଣା ସମ୍ପର୍କରେ ଗତ ୯ ତାରିଖରେ ଦିନ ବାଘମାରୀ ଥାନାରେ ରମେଶଙ୍କ ପରିବାର ପକ୍ଷରୁ ଏତଲା ଦିଆଯାଇଥିଲା । ମାତ୍ର ଏପର୍ଯ୍ୟନ୍ତ ପୋଲସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବା ପରିବାର ପକ୍ଷରୁ ଅଭିଯୋଗ କରାଯାଇଛି ।
