Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ଯୁବକଙ୍କୁ ମରଣାନ୍ତକ ଆକ୍ରମଣ ସହ ଅପହରଣ ଉଦ୍ୟମ, ଗାଡିରୁ ଡେଇଁ ଯୁବକ ଗୁରୁତର

6/09/2021 at 2:36 PM

ନୀଳଗିରି ୬।୯: ନୀଳଗିରି ବ୍ଲକ୍ ଅଧିନ ବରମପୁର ଥାନା ଅଧିନ ଗରଡ଼ିହି ଅଞ୍ଚଳର ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ । ଅପହରଣ କରି ନେଉଥିବା ବେଳେ ଗାଡ଼ିରୁ ଡେଇଁ ପଡିଥିବା ଜଣାପଡିଛି ।

ସୂଚନାଯୋଗ୍ୟ ଯେ, ରେମୁଣା ଅଞ୍ଚଳର ଏକ ମାର୍ବଲ ଦୋକାନରୁ ଗରଡ଼ିହି ଅଂଚଳର ସୁବ୍ରଜିତ ମହାନ୍ତି ବାକିରେ କିଛି ସାମଗ୍ରୀ ଆଣିଥିଲେ। ପୂର୍ବରୁ ମଧ୍ୟ ଟଙ୍କା ପୈଠ କରିଥିଲେ। ଆଉ କିଛି ଟଙ୍କା ଦେବାରେ ବିଳମ୍ବ ହେବାପରେ ସୋମବାର ୧୫ରୁ ଅଧିକ ଯୁବକଙ୍କ ସହ ଦୋକାନ ମାଲିକ ସାଗର ବରମପୁର ବାଳିକା ବିଦ୍ୟାଳୟ ସାମ୍ନାରେ ସୁବ୍ରଜିତଙ୍କୁ ମାଡ଼ମାରିଥିଲେ । ଏହାସହ ଗାଡ଼ିରେ ଉଠାଇ ନେଉଥିବା ସମୟରେ ସେ ଗାଡିରୁ ଡେଇଁପଡିଥିଲେ । ପରେ ବରମପୁର ପୋଲିସ ଘଟଣାସ୍ଥଳରେ ପହଞ୍ଚିବା ବେଳକୁ ଆକ୍ରମଣ କରିଥିବା ଯୁବକମାନେ ଫେରାର ହୋଇଯାଇଥିଲେ। ପରେ ଗୁରୁତର ସୁବ୍ରଜିତଙ୍କୁ ବରମପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କର ଶରୀରରେ ଗଭୀର କ୍ଷତ ହୋଇଥିବା ଜଣାପଡିଛି।  ଏନେଇ ବରମପୁର ଥାନାରେ ଅଭିଯୋଗ ହୋଇଥିବା ବେଳେ ଘଟଣାକୁ ପୋଲିସ ଗୁରୁତର ସହ ନେଇ ପ୍ରାଥମିକ ତଦନ୍ତ ଆରମ୍ଭ କରିଥିବା ଜଣାପଡିଛି।

   Related Posts