ବାରଙ୍ଗ ୭।୯: ଚନ୍ଦକା ଥାନାରେ ମିଛ ଅଭିଯୋଗ କରି ଫସିଲେ ଯୁବକ । ସମ୍ପୃକ୍ତ ଯୁବକ ଯାଜପୁର ଅଞ୍ଚଳର ଅମର ମହାନ୍ତି ବୋଲି ଜଣାପଡିଛି । ଭରତପୁର ଥାନା ଅଞ୍ଚଳର 'ଏଲ୍ ଆଣ୍ଡ୍ ଟି' ଫାଇନାନ୍ସରେ କାର୍ଯ୍ୟ କରୁଥିବା ଜଣେ ସେଲ୍ସ ଏକ୍ସଜିକ୍ୟୁଟିଭ ଅଫିସର କମ୍ପାନୀର ଟଙ୍କା ଡିପୋଜିଟ୍ ପାଇଁ ଅଫିସ୍ ନାଁରେ ଥିବା ବ୍ୟାଙ୍କକୁ ପଠାଇଥିଲେ । ହେଲେ ଯୁବକ ଜଣଙ୍କ ସୋମବାର ଚନ୍ଦକା ଥାନାରେ ଅଭିଯୋଗ କରିଥିଲେ କି ୧ ଲକ୍ଷ ୪୦ହଜାର ଟଙ୍କା ବ୍ୟାଙ୍କ ଯିବା ବାଟରେ ଲୁଟ୍ ହୋଇଯାଇଛି ।
ଅଭିଯୋଗ ମୁତାବକ ପୋଲିସ ଅନ୍ଧାରୁଆ ଅଞ୍ଚଳର ଉକ୍ତ ସ୍ଥାନକୁ ଭଲଭାବେ ତଦନ୍ତ କରିଥିଲା । ତଦନ୍ତରୁ ଜଣାପଡିଲା ଯେ, ଅଭିଯୋଗକାରୀ ଯୁବକ ମିଛ ଅଭିଯୋଗ କରିଛନ୍ତି । ପୋଲିସ ସଂପୃକ୍ତ ଯୁବକଙ୍କଠାରୁ ୧ ଲକ୍ଷ ୪୦ ହଜାର ଟଙ୍କା ଜବତ କରିଛି । ମଙ୍ଗଳବାର ତାଙ୍କୁ ୩୯୨/୩୪ଆଇପିସିରେ କୋର୍ଟ ଫରୱାର୍ଡ କରିଛି ଚନ୍ଦକା ପୋଲିସ ।