Friday, August 23, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମହଙ୍ଗା ପଡିଲା ନାବାଳିକାଙ୍କର ଅଶ୍ଳୀଳ ଫଟୋ ଓ ଭିଡିଓ ଉତ୍ତୋଳନ, ଗିରଫ ହେଲା ଯୁବକ

ବାରିପଦା ୧୩|୮:  ମହଙ୍ଗା ପଡିଲା ମହିଳା ଏବଂ ନାବାଳିକାଙ୍କର ଅଶ୍ଳୀଳ ଫଟୋ ଓ ଭିଡିଓ ଉତ୍ତୋଳନ। ଏଭଳି ଏକ ସମ୍ବେଦନଶୀଳ ଘଟଣାରେ ବାରିପଦା ଟାଉନ ଥାନା ପୋଲିସ ଜଣେ ଯୁବକକୁ ଗିରଫ କରିଛି। ଯୁବକ ଜଣକ ବାଙ୍ଗିରିପୋଷି ଅଞ୍ଚଳର ସୋନୁ ପାତ୍ର ।

ସୂଚନାଯୋଗ୍ୟ ଯେ, ସୋନୁ ସ୍ଥାନୀୟ ପୁରୁଣା ହାଟସାହି ଅଞ୍ଚଳରେ ଏକ ଭଡାଘରେ ରହି ସହରର ବିଭିନ୍ନ ସ୍ଥାନରେ କାମଦାମ କରୁଥିଲେ । ତେବେ ସେ ବିଭିନ୍ନ ସମୟରେ ଭଡା ଘର ନିକଟରେ ରହୁଥିବା ମହିଳାମାନଙ୍କର ଆପତ୍ତିଜନକ ଫୋଟ ତଥା ଭିଡିଓ ଉତ୍ତୋଳନ କରି ଚାଲିଥିଲା । ଗତକାଲି ସମାନ ଅବସ୍ଥାରେ ଜଣେ ପଡୋଶୀଙ୍କ ଘରର ଜଣେ ନାବାଳିକାର ଫଟୋ ଉତ୍ତୋଳନ କରୁଥିଲା । ନାବାଳିକା ଜଣକ ସୋନୁର ଏହି କାର୍ଯ୍ୟକଳାପ ଦେଖି ଚିତ୍କାର କରିବାରୁ ପରିବାର ଲୋକେ ଦୌଡି ଆସିଥିଲେ ।

ସୋନୁ ଏଭଳି ଘୃଣ୍ୟକାମ କରୁଥିବାର ଦେଖି ତାକୁ ସ୍ଥାନୀୟ ଅଞ୍ଚଳର କିଛି ଲୋକଙ୍କ ସହାୟତାରେ ପରିବାରଲୋକ ଧରିଥିଲେ । ଏହାସହ ସେ ବ୍ୟବହାର କରୁଥିବା ମୋବାଇଲକୁ ମଧ୍ୟ ଜବତ କରି ପୋଲିସର ଜିମା ଦେଇଥିଲେ । ଅଧିକ ପଚରାଉଚରା ପରେ ସୋନୁ କେବଳ ଉକ୍ତ ନାବାଳିକାର ନୁହେଁ ବରଂ ଆହୁରି ଅନେକ ମହିଳାଙ୍କର ଏଭଳି ଆପତ୍ତିଜନକ ଫୋଟ ଏବଂ ଭିଡିଓ ଉଠାଇଥିବା ସ୍ବୀକାର କରିଥିଲା ।

ଏନେଇ ବାରିପଦା ଟାଉନ ଥାନାରେ ଏକ ମାମଲା  ରୁଜୁ କରି ଅଭିଯୁକ୍ତକୁ ଗିରଫ କରିବା ସହିତ ସେ ବ୍ୟବହାର କରୁଥିବା ମୋବାଇଲକୁ ମଧ୍ୟ ଜବତ କରି ତଦନ୍ତ ଚଳାଇଛି ବୋଲି ସୂଚନା ଦେଇଛନ୍ତି ବାରିପଦା ସଦର ଏସଡିପିଓ ।

479 Views

   ସମ୍ବନ୍ଧିତ ଖବର