କଣ୍ଟାବାଞ୍ଝି ୩୦।୧: ବଲାଙ୍ଗୀର ଜିଲ୍ଲା ମୁରିବାହାଲ ଥାନା କୁର୍ଲୁବାହାଲ ଗାଁର ଜଣେ ଯୁବକ କଂଟାବାଞ୍ଜିରେ ରହୁଥିବା ରାମନଗରପଡାର ଯୁବତୀଙ୍କୁ ଗର୍ଭବତୀ କରି ଜେଲ ଯାଇଥିବା ଜଣାପଡିଛି ।
ସୂଚନାଯୋଗ୍ୟ ଯେ, ବୃଷବ ବେହେରା ନାମକ ଜଣେ ଯୁବକ ଚାରି ବର୍ଷ ପୂର୍ବରୁ ତୁରେକେଲା ତେତେଲଖୁଟି ଗାଁର ଜଣେ ଝିଅକୁ ପ୍ରେମ ବିବାହ କରୁଥିଲା । ଚାରି ବର୍ଷ ଝିଅ ସହ ରହିବା ପରେ ପୁଣି କଂଟାବାଞ୍ଜିରେ ରହୁଥିବା ଜଣେ ଯୁବତୀ ସହ ତାଙ୍କର ପ୍ରେମ ସଂପର୍କ ଗଢି ଉଠିଥିଲା । ଉକ୍ତ ଯୁବତୀଙ୍କୁ ଚାରି ମାସର ଗର୍ଭବତୀ କରାଇଥିବା ନେଇ ପରିବାର ଲୋକ କଂଟାବାଞ୍ଜିରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗକୁ ଅଧାର କରି କଂଟାବାଞ୍ଜି ପୋଲିସ ଏସଆଇ ହୀରା ଖାଲକୋ ତଦନ୍ତ ଆରମ୍ଭ କରି ଉକ୍ତ ଯୁବକକୁ ଗିରଫ କରିଛନ୍ତି । ତେବେ ଜାମିନ ନାମଞ୍ଜୁର ହେବାରୁ ଯୁବକଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।
