Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ

30/11/2020 at 5:15 PM

ରାଉରକେଲା ୩୦।୧୧: ଚଳନ୍ତା ଟ୍ରେନରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ । ମୁମ୍ବାଇ ହାଓ୍ବଡା-ଲୋକମାଣ୍ୟ ତିଲକ ଏକ୍ସପ୍ରେସରେ ନାବାଳିକା ଜଣଙ୍କ ତାଙ୍କ ପରିବାର ଲୋକଙ୍କ ସହ ମୁମ୍ବାଇରୁ ଟାଟା ନଗର ଆସୁଥିଲେ । ସେହି ଟ୍ରେନର ସେହି ବଗିରେ ୨୮ବର୍ଷ ବୟସ୍କ ଯୁବକ ସରଫାଜ ସେଖ୍ ମୁମ୍ବାଇରୁ ତାଙ୍କ ଘର ହାଓ୍ବଡାକୁ ଫେରୁଥିଲେ ।  ନାବାଳିକାଙ୍କ ପରିବାର ଲୋକଙ୍କ ସହ କଥାବାର୍ତ୍ତା କରି ସଂପର୍କ ବଢାଇଥିଲେ । ଏହାପରେ ସଂପୃକ୍ତ ଯୁବକ ଜଣଙ୍କ ନାବାଳିକା ଝିଅ ଉପରେ ନଜର ପକାଇଥିଲେ ।

ନାବାଳିକା ଜଣଙ୍କ ଚଳନ୍ତା ଟ୍ରେନ୍‌ରେ ଟୟଲେଟ ଯାଇଥିଲେ । ସେହି ସମୟରେ ସରଫାଜ ଜୋରଜବରଦସ୍ତି ବାଥରୁମରେ ପଶି ନାବାଳିକାଙ୍କୁ ଦୁଷ୍କର୍ମ କରିବାକୁ ଉଦ୍ୟମ କରିବାରୁ ନାବାଳିକା ଜଣଙ୍କ ଚିତ୍କାର କରିଥିଲେ । ଚିତ୍କାର ଶୁଣି ପରିବାର ଲୋକେ ସରଫାଜକୁ ଧରି ପିଟିବା ସହ ଟ୍ରେନରେ ଥିବା ଆରଫିଏଫ ଯବାନଙ୍କୁ ହସ୍ତାନ୍ତର କରିଥିଲେ । ଆରପିଏଫ ଯବାନ ଯୁବକଙ୍କୁ ଧରି ରାଉରକେଲା ରେଳବାଇ ପୋଲିସ ଜିମା ଦେଇଥିଲେ ।

ନାବାଳିକାଙ୍କ ଘର ରାଞ୍ଚିରେ । ପରିବାର ଲୋକ ରାଞ୍ଚିରେ ପହଞ୍ଚିବା ପରେ ରାଞ୍ଚି ରେଳବାଇ ଥାନାରେ ଲିଖିତ ଏତଲା ଦେଇଥିଲେ । ଏତଲା ନେଇ ରାଉରକେଲା ରେଳବାଇ ପୋଲିସ ପାଖରେ ପହଞ୍ଚିବା ପରେ  ରାଉରକେଲା ରେଳବାଇ ପୋଲିସ ପୋକ୍ସୋ ଧାରାରେ ମାମଲା ରୁଜୁ କରି ଅଭିଯୁକ୍ତ ସରଫାଜ ସେଖକୁ କୋର୍ଟ ଚାଲାଣ କରିଛି । 

   Related Posts