ସୁନ୍ଦରଗଡ଼ ୨୮/୪: ଗତକାଲି ସଂଧ୍ୟା ସମୟରେ ବରକାନି ଗାଁରେ ଏକ ବାହାଘର ଭୋଜି ପାଇଁ କଟାଯାଇଥିଲା ଛେଳି ମାଂସ । ଛେଳି ମୁଣ୍ଡ ପାଇଁ ଦୁଇ ଭାଇଙ୍କ ମଧ୍ୟରେ ହୋଇଥିଲା ବଚସା । ଏଥିରେ ସାନ ଭାଇ ସମା ଏକ୍କା ଉତ୍ୟକ୍ତ ହୋଇ ବଡ଼ ଭାଇ କକା ଏକ୍କାକୁ କଟୁରୀରେ ଆକ୍ରମଣ କରିବା ପାଇଁ ଉଦ୍ୟମ କରିଥିଲା। କିନ୍ତୁ ବଡ଼ ଭାଇ ସାନ ଭାଇ ସମା ଏକ୍କା ହାତରୁ କଟୁରୀ ଛଡ଼ାଇ ନେଇ ସାନ ଭାଇ ସମା ଏକ୍କାର ବେକରେ ଚୋଟ ମାରିବାରୁ ଘଟଣା ସ୍ଥଳରେ ସାନ ଭାଇ ସମା ଏକ୍କାର ମୃତ୍ୟୁ ଘଟିଛି ।
ଖବର ପାଇଁ ଘଟଣା ସ୍ଥଳରେ ବନ୍ଧମୁଣ୍ଡା ପୋଲିସ ପହଚିଂ ହତ୍ୟାକାରୀ ବଡ଼ ଭାଇକୁ ଗିରଫ କରିବା ସହ ଶବ ଜବତ କରିଛି । ଘଟଣାର ଅଧତ୍କ ତଦନ୍ତ କରୁଛି ବନ୍ଧମୁଣ୍ଡା ପୋଲିସ । ପୋଲିସର କହିବା କଥା ଯେ ଦୁଇ ଭାଇ ମଦ୍ୟପାନ କରି ମାଂସ ପାଇଁ ଝଗଡ଼ା କରିବା ଯୋଗୁଁ ଘଟିଛି ଏହି ହତ୍ୟାକାଣ୍ଡ ।
